¹ Pawl, Thurai nauah mih krang iawng kow Isu Krista chintak mih kowi hawah laiah mih hai a-i tainau Sawsthen iuah dow, ² Kawrin kua kowikowThurai maru hawmuüa uowimih, Krista Isu kowikowuowimi, maru achim asaima na owmla kownkow a-i CHAKRAMANG Isu Krista ming lüklua miuüa maiow tut-e hai lawm, ³ Thurai a-i pa hai CHAKRAMANG Isu Krista hownia kow sanara hai taking tasangra mih enni tut-e pacham uowi lah. AWMRAWMLAI TEK ⁴ Krista Isu kowikowThurai sanara enni tut-e pe enni mih khi rakowi, enni lawnguan kowi Thurai tut-e ni towng awmrawm laiklow ang tek reng; ⁵ lowra kowi, laitekra maiow kowi hai tuk tara mih maiow kowi, a-i mat kowi dow enni na nowngia kurengla kown mih lawnguan kowi mih; ⁶ Prengia rakowi paw aia dow pakureng enni khai, maiawng palawng dow Krista laiklow ang petuk peta enni mih dow enni matia kowi akhima uowi pami chekhai; ⁷ Naiawngra kowi a-i CHAKRAMANG Isu Krista uang tatüngra chawng hai, uan pek maiow kowi dow enni awng dowi mihnadowichekhai; ⁸ aiamat dow a-i CHAKRAMANG Isu Krista ni kowi dow aser auowk enni na uowila dowi kownkow achur amowichah mowr pat na pe khi enni kown. ⁹ Thurai mih, aia chapa Isu Krista a-i CHAKRAMANG ta klawp taiuara kowikowhaw enni lai enni miia dow kaah pasakowm mih chekhai. THURAI MARU kowikowTAPRAI TAAHRA ¹⁰ Now, Tainauuüa low, enni mih bowk bowk laiklow pa laisang, cnni tek khai, enni pungma dawng kowi taprai taara mih paw na uowila dowi kownkow pakatsang saktuak hai sangching akatsang achi anawmma enni nata chünla rowt kownkow a-i CHAKRAMANG Isu Krista ming hai ang krawi lü enni mih chekhai. ¹¹ Tainauuüa low, enni satang lawnguan enni pungma dawng kowi taiüa taklowpra ün uowi pami Klawi büah kimchak hownia dow tek ang mih ang ta chekhai. ¹² Mami iawng chekhai ang tah mih dow, Lawngtowng büarüa mih, “ang dow Pawl powchak,” “ang dow Apawla powchak,” “ang dow Kipha powchak,” “ang dow Krista powchak” ang dow enni tek mih ang ta. ¹³ Krista mih dow taprai taah ra uowi khai bow? Pawl kowi enni takcha kowi tarah khai bow? Naiawng nami chekhai hanow, Pawl ming hai baptis enni chang khai bow? ¹⁴ Kristpa hai Giia iua klen kowi enni pungma dawng kowi amiaiawng mih kowi paw ang baptis enni dowi rakowi, Thurai tut-e awmrawm laiklow ang tekreng chekhai. ¹⁵ Naiawngnadowihanow maru mih ang matia ming hai enni chang baptis paün maru natek enni tarawng. ¹⁶ Stephan büah kimchak kowi tarapche dow ang baptis khai; naün mih klen kowi dow akeng mih maru kowi ang baptis mih ang tuk dowi. ¹⁷ Krista dow na baptis kownkow chin ang dowi, sataiung natek kownkow chin ang rowt mih chatai; chanlai laiklow na tek kown mih paw na dowi, Krista Kraws kowi uang kowng mih aiawngma naphaw la dowi kownkow. KRISTA KRAWS KOWIKOW SATANGIUNG LANGIUNG MIH ¹⁸ Kraws laiklow dow tama miuüa vüi dow thukmiuüa chekhai, a-i mat lawngra kami tarapche dow Thurai lowra nowngia changla mih müa na khai rowt mih chekhai. ¹⁹ “Maru chanlai mih chanlaira mih dow ang na piak tape kown, Tuk khowm tuk bowkmira dow ang na kir na kuakta pe kown” pah ruiah mih chekhai. ²⁰ Chanlai miuüa dow matawng kowi chow? Ari-Arow tüngsang miuüa dow matawng kowi chow? Mami lusa kowikowiüami hai kingküa maru miuüa dow matawng kowi chow? Thurai mih chanlaira mih dow athukma chekhai pami petuk petaah dowi chekhai bow? ²¹ Thurai chanlaira kowi dow Lusa chanlaira hai laiklow hai nowngia tukah büah dowi mih kung kowi dow laiklow athukla mami tek hai owmmiuüa kowi nalawng natangah kown mih dow Thurai mih kaneuma iung pa chekhai rakowi. ²² Judauüa dow amatmüa kük büah reng chekhai, Grikuüa dow chanlaira krawi cham büah rowt reng chekhai. ²³ A-i mih tarapche dow Krista kowi tarta mih laiklow mih a-i cham tek reng mih chekhai chaw, nami dow Judauüa vüi dow timmüa (piakmüa), Jentailuüa vüi mih dow lai athukma chekahi; ²⁴ Nachenganchepaw, Judauüa paw pacham nala, Grikuüa vüi paw pacham nala, hawah laiah miuüa vüi dow krista, Thurai lowra nowngia chanlamimüa dow na chekhai. ²⁵ Thurai tukmüa dow lusa maru chanlaira lak-e lang chanlai rowt, Thurai kür uowi dowi mih paw lusa maru lak-e paw langkür rowtmi chekhai rakowi. ²⁶ Tainauuüa low, aia haw enni mih lai enni mih sam tatuak büah madiah, kowru piak pra kowikowchanlaira akawm maün, kür uowi dowi mih akawm maün, maru iung mami akawm maün kowi hawah laiah dowi mih krang mih; ²⁷ Nachenganchepaw, Thurai mih lusa uan athukma mih kowi dow lang ruiah kloah khai rowt, chanlai miuüa kowi nanowng ia pela rukrai kownkow, now Thurai dow kürah uowi dowi mih vüi kowi dow lümah huaah khai, kürah uowi mami kowi nanowngia pela rukrai kown chekhai. ²⁸ Now, mamih lusa kowi anem mamih hai nawngnia mamih, naiawng ün maten kowi paw Thurai dow kloah khai, uowi mih matiow paw asung uowi dowi iawng changah khai; ²⁹ Nahanow Thurai pur kowi maru amiaiawng mih paw uam nowngia chang bawri dowi tham. ³⁰ Enni matiatarapchedowaiamat rakowi Krista Isu kowi dow enni uowi mih chekhai; aiamat mih dow Thurai howia kow a-i vüi chanlaira kowi thawpah mih chekhai, tachi tanawmla mih kowi ün, achim asaimami rakowi ün, klanra hailawm kowi; ³¹ Nahanow, ruiah büah mih iawng dow, “towsak mih sarui dow CHAKRAMANG kowi pa cham tow sakowm lah.”