¹ Ho Paulus, I we rasul wau to hinyontarai was, to Yesus Kristus ma Incai Allah we conei tewaha to we hengkaya wau soru henura bayang. /v 2 Tato to neta we hendoa hoi was hengkotei kota yau, ma jemaat-jemaat to Galatia. ⁴ wewe cona numona pai we tane sasari-sasari ne ma kyo tantoru waruha pampong we mambri pai nimpi mo pararia newe haneaaho wane tane Incai Allah. We Imo we mahiwau wata kia neirun-neirun koa. Topenang. Kaito. ⁶ Yau ehane hahera, mintoru mintamararu kia mintanda waruha I, we hehau we au ro paya Kristus, ma toweri we werang pehi wesei. ⁷ Impaina, werang pehi koa wa, ramo hinyontarai pe ehasoru here herona we mahiwa wau herentarberia werang Kristus. ⁸ Paina, antoru imba mora malaikat ro rara pea hahuara we au werang we pararia we antampaya we mintoru ne wa, ceduta we pararia we. ⁹ Parariapi we antampaya pampong pa ma, ro hanei werang nei pararia we piayedutapa wa mora ceduta we mahi wa. ¹⁰ Impaina ro hanei yau yewera tato we roaho hinyontarai ete roaho Allah e? ete yontitoa we hinyontarai? pararia pi yau yontitoa hinyontarai, yau wo mananu Kristus ei yau wa. ¹¹ No enetapa mintoru, yau yewara manu mintasaneaho werang we epayai we mintoru pai iwo werang we hinyontarai heronei namba. ¹² Yau ekou kota hinyontarai pehiwa, yenyau kota hinyontarai pehi wa tato, ramo yau ekou ro we mahi Yesus Kristus. ¹³ Impaina, mintoru pia mintantaraho pitau we yana ro pampong pae ro agama Yahudi, yau yangnyinya yana jemaat Allah ro we marawa hera ma yonahahera manu emung soru. ¹⁴ Yau era topong ro agama Yahudi, tamumbai hehara toponang herensane titoa we hinyontarai-hinyontarai we hembaba kuira wau soru ro ho bangsa. Yau emaya kia oro yona hahuara noetapum hene andera pampong yau wau. ¹⁵ Ramo, inte Allah compira yau ro eroro awini ceihohara yau wau ma hehau we yau ro newe wora pa. ¹⁶ Cenyawa nepoi wawei ro yau manu yau epaya hahuara I we hinyontarai-hinyontarai we hesua Yahudi wa, yau emararu yewang tato we mahi ro hinyontarai wau ehiwa. ¹⁷ Yau tato imbe era to bendar Yerusalem wa ma yeduta we hembe rasul ro yau wamung wau, wara yau emararu erato nu arabma etaweri koato Damarkus. ¹⁸ Puya wau botoru apong, yau erato bendari Yerusalem we epaya hahuara we Kefas ma eroro kotei ha wau hauraha boring. ¹⁹ Ramo interi, yau ereho rasul-rasul wau sorehi wa, wara yau ereho pi Tuhan neta Yakobus. ²⁰ Yau eraho mintoru ro Allah aropong we piwe ewui we mintoru ne Aisahari pina wa. ²¹ Interi toyampi, yau erato rahora Siria kota Kilikia. ²² Hendenma yau wamung mantaung ro wawei wamung jemaat-jemaat ro Kristus nu rahora Yudea. ²³ Soru hentaraho toyang, "I ro yampimo congnyinya yana tantoru pa. Impaina pea hahuara paya we yampimo I cohara marawa pa." ²⁴ Soru heraparandina Allah wau wo rope yau.