(Yesus Min So Fetang O Hamoi) ¹ Ho araham sel palol mang tadoo, Maria Magdalena, Maria, Yakobus ofo, me de Salome Na manem Fell am horo sipi om sam Yesus o be'in Ahop. ² Mang lalami, selo'aainang, don ho araham, Fed mang po' sipi hoo, dere lafo mi. ³ Sipi satan, "Ano so ma'a Foi ba dere lafo at atelang eh ho aol?" ⁴ Sobo, E ara fe'du nene honin hee sipi dun mid hee, sipi dun hee foi mate bi-bi ho laolam. ⁵ Horo hee sipi mid dere lafo, om homi he, sipi seng atel dun hee name lote mate nu sabo afel so muij ara tani lol mi e'h, horo sipi u siud. ⁶ Horo hee name lote ho sipi aramateng, "haay siud e, Yesus Nazaret hinung ba hel ti tahil min horo i lap? sa min sobo fetang am, sa e ara hoo mi nene, edun ema eleme mi meng ba oo.. ⁷ Honin sobo, na ihow, i sam mong o sakola ai bar ho ara mateng mi tata Petrus bite, Sa mi so tur ara mong Galilea mi am, i sam mong hee i a holam, o rupa ba sa i ra mateng am honin." ⁸ Horo hee, sipi tabite teeng luling lehel dere lafo ho elet asel sipi baroich bibil, u saher sipi om upir huu mang ano ahol di sipi hu'tang sah asel sipi baroich, (Fe na ernu turlo ba u sipi ahow am ho, med Petrus e otenang el bar ho aramateng toang, horo hee Yesus so sobobom sipi ahow atiting mong fed po' le lol sam pong fed muij le lol honi e Hamoi Bolang e med e u min so em nene sobo fetang so em sam so em. So'tino.) Yesus Sobo' Med So Sakola Aibar O Petang ⁹ Yesus min so fetang ho araham lalami sel o aainang, don om homi, Ai sobo mi so tur med Maria Magdalena o petang. Maria horo ba hamoi sah itito tamang ho Yesus so ano birang. ¹⁰ Horo he e, sasam name o ba Yesus ataain ho aramateng asel sipi day ara ahain ave' om mi. ¹¹ Sipi mang maeh bite Yesus ho sofetang am, orupa ba sa ahol honin sobo sipi e o atino ubang nene. ¹² Sari ho no' hee, Yesus foi sobo' med name o petang mi beng nu sari ho name pir alo sam so bang em leam faleng horo day seham hee Yesus ho sobo' med sipi o petang am. ¹³ Horo hee, sipi sabor ho sobeng sovar aramateng sobo o beng o var di e o tino u bang nene. Yesus So Sakola Ai Bar Aramateng ¹⁴ Ho' horo hee, Sa foil' so bobom sobo' apetang o sakola aibar pir ernufalingnu ho etub. Sari o araham sipi barpi ta'unung mih naade eh, horo he e sa sipi aramateng asel sipi ho som abaang ho ey mede sipi om ah adobe kongbay ho e, osel ba Yesus min sovetang sobo' med sipi e petang edun ba u hu'tang eh ho sipi den e o tino' ubang nene. ¹⁵ Horo hee Sa sipi aramateng, "i sam pali mate ho mi pir fom pa' bolang ho mede nabave na aten ahome ho aramateng so barpi. ¹⁶ honin e o ba maeh o tino bit ho sey bolang puin afoil honin e sa fetang soem ho sa med, sobo o ba e o tino bit nene ho hukung salang. ¹⁷ Sipi ba o tino bit ho naernu ba o rupa honin ho ma' sipi ataain: sipi Yesus ani ve puin hamoi sah ahin alol; sipi uil-uil mateng habar puin hu'tang; ¹⁸ sipi mon apuin di e naden nene, mede mang so dafang sah ve na di sipi e u min nene, sipi satang med name mode ta'ahir ator hee name birang.'' Yesus Savohlil Bang Bolang Leam ¹⁹ Yesus Lahtal Ai sipi aramateng no horo hee, Sa savohlil Bang Bolang leam ara tong Lahtal o tani lol mi mih. ²⁰ Horo he sipi sam fom pa' u name ara hu' tang mang taro-taro mi asel Lahtal sipi ey ta baleta, sipi fom pa bolang ano dume mede o tub maring ara sipi ta.