¹ Miolé nõn ku sa foxi, nõn ka unguentá flakêsa dy inén fláku nón ná tocá fé kuá dy lantá nõn plopi fá. ² Sélá kadá uã nõn fé kuá ku vijã ka gôgô kuê, punda ê sá bua pla idifikasõ dinén ⁴ Punda tembéten Klistu ná agladá êlê plópi fá; kuma ê sá sklêvidu. "Insultu dy iné ku insulta bô kê ni liva mú" ³ Punda kua ku fo sklêvidu nô tlóla foi sklêvidu pla instlusõn non, ku objetivu dy, plômê dy pachensá dy inkórajamentu dy sklitula, nõn ka tê kunfiãnsá. ⁵ Ku Dêsu dy pachênsá dy inkurajamentu ka juda nansê plome mesê ku mentle sê mé, uã pla ôtlô dy akadje ku Klistu Jizu ⁶ pla nõn poji flá ku Dêsu niuã vozé tã a Dêsu ku pé dy sumu nõ Klistu Jizu. ⁷ Plutantu zuntá uã ku ôtlô, Kuma Klistu têmbetê koiê nancê pla glóia dy Dêsu. ⁸ Punda nga flá kuma Klistu, fo fédu uã minstély dy siskunsisõ ny favôló dy vêdê dy Dêsu, pla confirmar plomesá dadu á patriarcas. ⁹ Pla gintliim glorifica Dêsu plô mixiricórdia sún. Achén mó ê sa sklêvidu: "Antõn unguá konfésa sún nômê dinê gintlin, Kantá vungu ny nomi sún" ¹⁰ Ôtlô vê ê bila fá: "Tê gósto, gintlin, ku inén pôvô dê!" ¹¹ Ê bilá flá: "Lóva Sún, tudu nansê, gintlin; lová Sún, tudu ninguê!" ¹² Isaía bila fla: "Léje dy jésé ka bila dá ixi ku ka lantá pê govená ni liba gintlin. Nê, inên gintlin ka kunfia." ¹³ Miolé, ku Dêsu dy esperansá xa xá inansê dy aleglia ku paji ny kua ku inansê kêlê, pla inansê transbordar dy espelansa ku podê dy Suplitu Santú. ¹⁴ Ami plopi tembetén sá konvexidu ku inansê, lumon mú tenbetén sá chá dy bondaji dy tudu sêbê u sá konvixidu ku inancê sá kapaji ténbetén dy dá leplesõn uã á ôtlô. ¹⁵ Témbetén u sklêvê inancê ku maxi osadia sobli uã kwá ku plixisõn dy bila lembla ôtlô vê. Plôvia dy dõn ku Dêsú damu, ¹⁶ Pãn pô sá uã sêluvu de Klistu Jizu mandadu á gintlin, pã tléga mô uã sasedotli dy vangely dy Dêsú. Sêla u fé kwasé, achên, oferta dy gintlin ka bila aceitável, santifikadu plô suplitu Santu. ¹⁷ Miolé u tê orgulhu ny Klistu Jizu ny kwa ku tóka Dêsú. ¹⁸ Achê, na tê osadia dy fla nadaxifá, pla alén dy kua ku Klistu fé plô intermediu mu pla obediência dinen gintlin, plú palavla plú óbla ¹⁹ plú podê dy xinaly, ku maravilha, plu podê dy suplitu santu, dy modu ku, dy jeluzalén kú tudu kantlin antê Tliliku, û xigá plá vangeli dy Klistu tudáxi. ²⁰ Dy modu sê desejú mú sá dy ploklamá vangeli maji nasá luguê angi tava fladu Klistu nê zá fá pã pogi fé na sá ny libá dy kua ku sá fédu zá fá. ²¹ Achê, mó ê sá sklêvidu: Inén ku náxi sêbê fá ka by kiê ynén ku naxi têndê fá ka bi têndê!" ²² Punda témbéten u fo ipididu yõ vê dy bê antê nansê. ²³ Maji miolé, ni bila tê nêuã lugué ny region sê, ku sá ku iô vonté ió da mu dy bó fia nansê ²⁴ "Antón, ôla gá bá espanhã, u mêsê my kamiá pia inansê ny pasagén plá nansê pô kaminhamû despoje dy ploveta kompanhen dy inansê plo uã Tempu " ²⁵ Madjé miolê, u ska bá jelusalén pã stlivi inen Santu. ²⁶ Zó masedónia ku acáia tinhã vonté dy fé uã kontlibuisõ sêtu pá, inén pobli nomé dy Santu ny jerusalém. ²⁷ Inén tomá disisõn sê pundá dy pakutu, ynén sá dêvêdô, inê gintxi kompatilha kúa dy suplitu ku ynén, ynén tocá tenbetén stlivi ynén ku kua tila. ²⁸ Antõn, óla nga kaba stluvisu sé kûte setêza ku ynên lesebê ofeta sê, valádu plo nansê, ngá bá espanhã. ²⁹ U sêbê ku, óla ngá bá antê inansê, nga bê ny plenitudy dy bensõn dy Klistu. ³⁰ Inansê, manu, nga pigi, plô sumu nô Klistu Jizu, plô amôlê dy suplitu, pá inansê luta zuntu ku ami ny lasõn nansê á Dêsú pla mi. ³¹ Flá lasõn u fô sá lesgatadu dy ynên ku sá desobediênte ny zudá, ku stluvisu mu pla jerusalen ka sá asustuadu plu Santu. ³² Pãn bé antê inansê ny aleglia, plô vonté dy Dêsú, kunga pôji, juntu ku inansê, bê dikansú. ³³ Ku páji dy Dêsú ka sá ku inansê tudaxi. Amém.