¹ Lêsêbê ixi kú sá fláku ná fé, máji sê sdlugá ni xintxidu. ² Uã nguê ká tê afé plá ê kúmé kwákwáli kwá, ôtlô, kú sá fláku, ká kúmé fiá tã. ³ Nguê xi kú ká kumé túdu kwá ná dá máli dixi kú ná ká kúmé fá; Íxí kú ná ká kúmé túdu kwá fá ná sdlugá ixi kú ká kúmé fá, Pundá Dêçú lêsêbê ê. ⁴ Kênguê sá bô, kú ká sdlúgá uã sélivi alêiu? ni wê di plópi mésé bô ê ká tá múndjádu ô ê ká kiê. Máji ê ká bi tá múdjádu, pundá súm sá plôdôsu pla-pê flimi ⁵ Uanguê ká pê kwmá uã djá sá maxi buádu dôkê ôtlô; ôtlô ká pê kwáma túdu djá sá kwásé mé. Désá kú kádá nguê ká sá kônvenxidu kú plópi mentxi dê. ⁶ Nguê xi kú ká pia djá, ká pia dá súmú; nguê xi ku ká kúmé, ká kúmé plá sum, sóku dá glásá dá Dêsu. Nguê kú ná kúmé fá, plôvia súm nó kúmé fá, ê témbété dá Dêçú glásá ⁷ Púndá niuã nánsé ná ká vivê plâ nánsê mé fá, y niuã nguê môlê dá êlê mê fá. ⁸ Pundá xi nón vivê, nón ká vívê plá súm, i xi nón môlê, nón ká môlê plá sûm. Axén, nón vivê ô nón môlê, nón sá Ji Súm. ⁹ Púndá, plá plópósiu, sé Klistu môlê bilá vivê. Plá ê sá Súm di mótxi bilá sá Súm di vivu. ¹⁰ Máji bô, púndá ká mándá bô ká sdlugá mánu bô? I bô, pundá ká mándá bô ká dá mali mánu bô? sósósó túdu nón ká bí só wê di tlibúnal di Dêçú. ¹¹ Ê sá sclêvidu: "Ê sá sétu áxén mó ngá vivê", Súm só ku flá, "Námi tudu zúnta ká bi dóblá, kú túdu lúnguá ká bi dá lôvôr dá Dêsú". ¹² Áxén, kádá uã nón ká bi dá kónta dê me dá Dêsú. ¹³ sósósó ná bilá sdlúgá uã kú ôtlô máxi fá; Máji; ni vêji disé, sá ni plópósitu nánsê kú niuã nguê ká pê uã óbstácúlu ô téla ni wê di mánu nánsê fá. ¹⁴ Û sêbê û sá sétu ni Súm Jisú Kú nádáxi ni wbuê bô sá súzu fá, xi ê ná sá plá nguê xi kú ká pé ni kwá kwáli kwá súzu, plá êlê ê sá suzu. ¹⁵ Xi ê sá plôvia di kumé kú mánu bô sá kióvódu, ê ná bilá sá námôlê fá. Ná patxi kúmé bô plá ixi kú Clistu môlê pla alê fá. ¹⁶ Antón, ná kúnxintxi kwá kú bô sá buádu kú bô ká pê ni kónta ká sá buatádu fá. ¹⁷ Sóku lênu di Dêçú ná sá ni kúmé kú bêbê fá, Máji ni justisá, páji kú gôsto ni Suplitu Sántu. ¹⁸ Naién nguê xi kú ká stlívi Clístu di Módu sé ê sá aseitu plô Dêsú, i plovádu plô pékadô. ¹⁹ Antón, bámu búká kwá di páji i kú ká idifiká uã kú ôtlô. ²⁰ Ná blágá stlúvisú di Dêçú plôvia di Kúmé fá. Túdu kwá di fákútu sá limpu, Maji ê sá mali da nguê kú ká kúmé plóvóká tápi fá. ²¹ Ê sá maxi buádu na kúmé káni, nê bêbê vim fá, nê kwá kwáli kwá kú ká fé mánu bô dá tópi fá. ²² Guádá ni bô kú Dêçu ni kwá kú bô ká kêlê nê ni lispêtu disé. Bensóadu sá nguê xi kú ná ká kondená kwáxi kú sá plóvadu. ²³ Nguê xi kú ká duvidá ê sá kondenádu xi ê kúmê, púndá ê ná sá segúndu afé fá; i kwá kú ná ká bí dá afé fá sá pekádu.