¹ Iné manu muê ná sá yô nansê mésé fô, pundá nansê sêbê kumá non ku ká xiná ká bi sá zugadú maxi lisú. ² Tudu ungê ku tlopesá di yô modú xi nada topi ni fala ômé sê sá plêfêtu, ê sá kapaji di dominá tudu klôpô dê ³ Olá non ká pê kabu ni bôká kabálu pá ê vlegá non ká pô kontlolé. ⁴ Tomá vapô mô xemplu, andejimé glanji ku sá govenadú plômé ventu fotxi sá kiadú plô uwã lemú xókó mô vonté pilôtô. ⁵ Di modá sé mé lunguá sá uwã memblu xókó di glôpô non, maxi ê ká gloia di kua glandji. Piá mô uwã kampu glanji sá kemadú plovia pedasu blasá. ⁶ Axém tembêtê lunguá sá uwã fôgô, sá uwã mundu di pekadú nômé di glôpô non, ká manxá tudu glôpô ká bila dileson vidá non. Lungua non ká tá kontaminadú ku mali. ⁷ Tudu Bisú ku ni télá sá domestikavé, só iné sá domestikadú ni mô di ômé; ⁸ maxi, lunguá, niuwã ugnê ná ká pô mansé fá. Ê sá uwã mali sê kontlolu, xá di venenu motxi. ⁹ Ku lunguá non, non ka lová Sumú Pé non, ku êlê ká flá mali mali di ômé, ku Desú fé mô Ê. ¹⁰ Ni boká sé mé ká xê benson ku maldison, Iné manu ê kua ná ká pô sá axi fá. ¹¹ Uwã fontxi ká pô kôlê awá doxi ku awá ku ká mlagá? ¹² Inén manu ê, uwã Pó mangá ká pô dá kadjámangá? Di modú sé mé fontxi di awá na stlagadu ná ká pô kôlê awá doxi fá. ¹³ Kênguê nômê nansê sá sabidô ku tendido? ku ê ká musé ni vida mô ê ká plosêdê, plômê obla kua ká fê ku umildaji. ¹⁴ Andejimé xi nansê ká lumá, ni kloson uwê xá ku magua ni kloson, ku anbison, ná fika kontentxi né mintxilá dá védé. ¹⁵ Ise ná sabedolia ku dêsê ni altú fá; maxí ê sá di télá, sá demôniaku, ná sá Isplituali fá. ¹⁶ Pundá anji ká tê wê xá ku ambison, nanhen tê konfuson ku tudo tipu di platika mali. ¹⁷ Maxi sábê ku ká bi dá lá libá ê sá pulú, pasifiku, buadú, komplesivu, xá di bondáji, ku ká fé bén, não tê fingimentú fá ê sá sinsélu. ¹⁸ Ê sá flutu di zuxtisá, ê ká ximiá ni paji, ni ômê diné ungê ku ká plômôvê paji.