¹ Iné manú muê, ná tê afé ni Sumu Jizú Klixtu, Sumu di Glolia, ná tlatá ni uwã ungê ku difelensá fá. ² Mô fá mô konvlesá, uwã ômé ká lentla ni lenion di nansê ku ôlô ni mon ku lôpa finu ni ubuê, sósó tembêtê ka lentla uwã póbli ku lópá suzu. ³ Sósó nansê ká dá plimasia dá homé sê ku sá fina fadé: "Fé favôlô, xintá nai ni lugué sê di plimasia", maxi fadá póbli tason ni son kaminha ku ká pê ôpé". ⁴ Andejimé nansê ná ixká zugá nômêdi nansê mé? Nansê ná bilá jusi ku pensamentu mali? ⁵ Iné manú muê têndê: desú ná koiê póbli ni wê mundu pá iné pô sá liku ni afé di lédá lenú ku Desú plômetê dá ungê ku ká amé? ⁶ Maxi, nansê setá pobli! Ná liku ku só tylatá nansê mali? Ná sá iné só ká bê ku nansê dá Zuxi? ⁷ Ná sá iné só ká flá mali di Nomi buwá ku nansê ká pletensê? ⁸ Xi nansê, bili ólhá têndê alê di leali, di modu ku sá sklitulá: "amá migu bô mô bô mé", bô ká fé bên. ⁹ Xi nansê kuê ungê só stlivi nansê ka kômetê pekadú, plovia alê nansê sá kondenadú mô ungê ku violá. ¹⁰ Pundá ungê ku ká obedêsê tudu alê, maxi ká tlopesá ni uwã dê tá, ê sá klupadú di kebla tudu alé sé. ¹¹ Pundá Ixi mé ku flá: "Na adultela fá", têmbêté flá: "Ná matá fá". Xi bô ná kumêtê dultélio, maxi kometê sasinatu, anton bô bilá klupadú di dêsóbêdêsê alê. ¹² Anton nansê pô fé mô ungê ku inxká bá sê zugadú plomê di alê di libedadi. ¹³ Pundá zugamentú ka bi xê niuwã bondadi pá inén ungê ku ná tê bondadi fá. Pundá bondandi ka tá liba di zugamentú. ¹⁴ Kê plovetu tê, iné manu muê, xi uwã ugê ká flá ku tê afé, maxi ná tê oblá fá? ¹⁵ Andejimé uwã manu uwã , maná ká sá fatá di lôpá, ná tê kumé dá djá sé. ¹⁶ Sósó uwã nansê ká fádé: "Bé ku paji, kêntá kumé ben", xê dá iné niuwã kua pá iné pê ni klôpô, kekwa sá kwa sé? ¹⁷ Andejimé, afé tán, xi ná tê oblá fá, na ká valê fá. ¹⁸ Maxi uwã kê ká pô flá: "Bô tê afé, maxi hun tê obla". Mostla mu afé bô sê obla, só ami ká mostla bô afé mu plômê di oblá. ¹⁹ Bô ká kêlê ku Desú sá unwã tán; bô ka fé bén! Maxi antê iné demônô ká kêlê, inén ká stlemêsê. ²⁰ Bô mêsê sêbê, Ômé ku ná ká tê zuxi fá, ku afé ku ná tê oblá fá ê ná ká valê? ²¹ Ná fô Ablon, pé non, zuxtifikadú plômê di oblá, olá ê tlegá miná dê dá Desú ni saklifisú? ²² Bô ká pia ku afé dê tavá zuntu ku obla kuê fé, sá pundá oblá dê ku afé dê bí libá. ²³ Sklitulá kumpli, olá flá: "Ablon kêlê ni Desú, kua sé bi ku zuxtxisa dé" Só ê fô samadú migu Desú. ²⁴ Bô ká bia miôlá uô ku unwã ômé ká sá zuxtifikadú plovia obla, na sá somentxi afé fá. ²⁵ Di modá sê mê Raabi plostituta, fô zuxtu olá ê kondê iné vijadó, fé iné bé ni ôtlô stladá? ²⁶ Axém mô klôpô sê suplitu sá motxi, tembêtê afé sê obla sá motxi.