¹ Tiagu, selivu di Desú i di Sumú Jizú Klixtu, dá iné dôsê tlibu ku sá ni tudu lugê, mantxan Desú. ² Iné manu muê, tê uwã kloson ku kôxtó olá soflimentu ká batê nansê pótó. ³ Nansê kátá sêbidu kuma olá nansê ka padisê afé nansê ka flimá maxi. ⁴ Flimezá, toka tê ason kompletú, pá nansê sá fotxi flimi, sê fatá di kwa kwali ká. ⁵ Ungê tê fatá di sêbê piji Desú ku ká dá tudu ungê di bon vonté. ⁶ Piji ku afé sê dividá, pundá ungê ku ká duvidá sá môn basá di ômali ku ventú buli. ⁷ Na pensá kuma ômé sé ka lêsêbê kwakwali kwa ni món Sun fá. ⁸ Pundá kabesa, patxidu sê flimesa ni tudu kwa ku ê ka fê. ⁹ Manu di kondison ximpli selá ê gôgô olá ê ká subli posison. ¹⁰ Liku selá ê gôgô ê ka sá pusison ximpli pundan ê pô vala mô floli kampu. ¹¹ Punda sóló ká lêdê mô blasá ka sugá planta, floli ká kê, póji dê ka ka bá. Di môdá sê liku ka muxá ni likesá dê. ¹² Kontenti sá ômê flimi ni plovason Sun, pundá olá plovason sun ká kabá Desú ka dé klóa di vidá ku Ê plometê dá ungê ku ka ama Desú. ¹³ Niuwã, ungê, olá ê fô tentadu ê na ká pô fla "Desú ixká tentamú" úndá Desú na pô sá tentadú plô mali fá, andejimé ê na ka tenta niuwã ungê fá. ¹⁴ Andejimé kada ungê sá ni plopi kubisá, olá isé ka saiê bilá ugané. ¹⁵ Anton, vonté ká dá wê, só ê ká dá pekadu. Sósó pekadu olá ê sá fédú ê ka dá motxi. ¹⁶ Manu kódó kloson ná legá fô nganadú fá. ¹⁷ Tudú plesentxi ku bua tudu don plêfêtu ka bi dá lá libá. ê ka dêsê di Pé ku sá lují. Nê ná tê variason nê somblá ku ká mudá. ¹⁸ Desú koiê dá non vidá plóvia palavla di vêdé, pá non sá plumê flutu di tudu kua kuÊ kiá. ¹⁹ Manú kódó kloson, tê isé ni kabesá bô: "Tudu ômé ká sá plontu pá pô têndê, tádá di flá, tádá di tê levá. ²⁰ Pundá léva di ômé na ká tê zuxtisa Desú fá. ²¹ Sósó livlalá di tudi mali setá vlegá ni palavla xiamiadú ni nansê ku tê pôdê di stlavá nansê. ²² Ná ngná vidá nansê fá, platiká palavlá ná tendê tan fá. ²³ Ngê ku ká têndê palavlá ku na ká platikafá, sá môn di ômé ku ká pia kálá dê supê. ²⁴ Ê ká pia klá dê ni supê, ê ká bé sósó ê ká kesê di kala dê mô ê sá. ²⁵ Maxi ômé ku ká pia ku tenson alê plefetu ku ká pê ungê livli, ku mundjá flimi ni kua ku ê têndê ká bi sá bensuadú. ²⁶ Xi uwã ungê pensá kuma ê sá di ligion maji ê ná fia lungua dê fá ê ká unganá êlê mé ligion dê na tê piadá fá. ²⁷ Ligion ku Desú pê non ká gôgô kuê mô sétú sá isé: "Zudá iné ofã, iné viuvá, ni flison diné, bilá tá fatadú di tudu mali di mundú.