¹ Plovia kwa sé ami Paulu n sa plizionelu di Klistu Jisu pla nansê, pekadô. ² Nga yé di konta ku bô têndê di stluvisu ku a da mu, di bè ku glasa di Desu pla nansé. ³ Nga sklêvê segundu lêvêlason ku fô manifestadu dumu. Ysé sa vêdê kondidu k´un sklêvê piquina n´ôtlô kata. ⁴ Ni ôla ku bô ka lê di kuwa sê, sêla bô sa kapagi di têndê dissinimentu mu ni vêdê sê kondidu di Klistu. ⁵ Ni ôtlô gelason, vêdê sê na sa manifestadu fa dinen mina d´ômem, maji miolê ê fô leveladu plô supplitu a inen konsagladu apostulu e ploféta dê. ⁶ Vêdê sê sa kondidu sa punda inen pekadô têmbêté sa êdêlu i memblu di klôpô. Inen sa ko-partisipantxi ni plômêsa ni Klistu Jisu, plu ômê di vangêli. ⁷ Axem, un bila uwa sklavu di vangeli sé plô don di glasa di Desu, ku fô dadu ami plu obla di pôdê dê. ⁸ Dêsu da mu don sê, andéji k´ un sa maxi txoko di tudu inen santu, di modu pan pô plôklamá dinen pekadô vangeli di likêza sê midjidja di Klistu. ⁹ Don di Dêsu pla mi sa pla lumina tudu sobli ministélu dê ku fô kondidu jina inen sékulu ni passadu plu Dêsu, kliadô di tudu kwa. ¹⁰ Di modu ku miolé, plô glêsa, inen plinsipadu e potestadi ni luguê selestial ka bi konsé multiforme sêbê di Desu. ¹¹ Kwa sê kontêsé segundu eternu plopozitu ku ê kumpli ni Klistu Jisu Sumu non. ¹² Plu kwaxi non tê ozadia i asesu ku konfiansa, plovia d´afé non nê. ¹³ Plôtantu ami nga pigi nansê kwa na ka fika sê kloson fa plô soflimentu mun plu non sê, inen kwaxi ku sa gloia d´inansê. ¹⁴ Plovia kwa sê nga dobla zunta mun da pé, ¹⁵ da kwaxi kada familia nansê ni téla lêsêbê nomi. ¹⁶ Nga fé lason pla Êlê ka dá nansê, segundu likêza di gloia dê, ku ka sa fotalêsidu ku podê, plô suplitu dê, ku sa ni nansê. ¹⁷ Nga fé lason pla ku Klistu ka pogi vivê ni kloson di nansê plovia d´afé, i pla kwa ka sá ku legi i alisersadu ni amolê dê. ¹⁸ Nga fé lason pla pogi têndê zuntu ku tudu inen klentxi, kwaxi ku sa lagula, ni lôngô, ni atula i fundala di amôlê di Klistu. ¹⁹ Nga fé lason pla pô konsê amôlê di Klistu, ku ka pasá plênxidu ku tudu plenitudi di Desu. ²⁰ Só, só só, ysala ku sa kapaz di fé tudu kwa ku na ka kaba fa maxi dôkê ixi ku non piji ô ku un pensa, segundu pôdê dÊ ku ôpêlá ni non. ²¹ a Êlê ka sa gloia ni glêsa i ni Klistu Jisu, plu tudu inen gelason plá tudu semplé. Amém.