¹ Y nansê, tava motxi ni tlansgleson nansÊ i pekadu di nansê, ni kwaxi antigi ku andá, ² di modu ku xtlada di mundu sê, segundu governantxi di atolidadji ôali. Isê sa suplitu di isala ku xka opelá ni mina di disobidiênsia. ³ Tudu non tava antigi nômé d´inen sé ku na kêlê fá , i non agi segundu gôstô mali ni kani i di mentxi non. Non tava plu natureza mina dy ila mon d´ôtlo nguê. ⁴ Maji Desu sa liku ni mixikogi, plovia di glangi amolê dê, kuê ama non kuê. ⁵ Ôla non tava motxi ni tlansglêson, Ê da non vida zuntu ku klistu. Sa plovia glasa ku nansê fô salvu. ⁶ Desu ressussita non ku Klistu i fê non tanson ni ôsé ni Klistu Jisu, ⁷ pla ku ni tempu ku ska bi. Ê ka poji munsa non likeza dê plô bondaji dê ni Klistu Jisu. ⁸ Punda plô glasa nansê sa salvu plô ômê di afé, i kwa sé naka bi di nansê mé fa; ê sa don di Desu. ⁹ Na sa plô ôbla fa, pla ku n´uwa nguê na gloria fa. ¹⁰ Punda non sa feitula di Desu, kliadu ni Klistu Jisu pla fé ôbla buadu, kuwa xi ku Desu planejá iô dja pla non, pla non ka poji ndá nê. ¹¹ Plôtantu nansê ka lêmbla, pekadô ni kani samadu "insirkunsizon" pla isa la ku fô sirkunsidadu ni kani plu non d´ômen, ¹² ku tempu sa lá nansé tava patadu di Klistu. Nansê fô estlangelu pôvô di Israel i aliansa di ploméssa von von, na tê espelansa di futulu y sê Desu ni mundu. ¹³ Maji miolé, ni Klistu Jisu, nansê ku antigi a tava longi di Desu, a bi ku nansê pla pêtu dê plô sangui di Klistu. ¹⁴ Panda ê sa pagi non. Ê fé di dô dôsu di uwa só. Plô kani dê ê distlui mulu di inimizadi ku pata non. ¹⁵ Kuwa sê sa ê txila alê di mandamentu i lêgulamentu pla ku pôji klia uwa novu ômem n´Ê, stabêlêsê paji. ¹⁶ Klistu lêkonsilia dô dôsu pôvô ku Desu ni uwa só klôpô plô ômé di klusu, pô mata inimizadji. ¹⁷ Jisu bi i ploklama paji pla nansé ku tava lonji i paji pla inen sa la ku tava petu. ¹⁸ Axen, plô ômé di Jisu, dô dôsu non tê asesu a pé n´uwa splitu. ¹⁹ Antón miolé, nansé pekadô, nans^+e na sa extlangêlu i folastelu maxi fa. Iveji kwa sê, nansé sa konsidadon ku santu pôvô di Desu, nansé sa memblu di familia di Desu. ²⁰ Bô fô edifikadu sobli fundamentu d´inen apostulu i d´inen ploféta, sa êlê plopli Klistu Jisu budu angular. ²¹ Nêlê, tudu kê ka enkaixa i klêsê modu uwa templu ni Sumu. ²² Sa nê ku têmbêté ska ba edifikadu zuntu mô d´uwa kê pla Desu ni suplitu.