¹ olá non desá inen, non navega bá uwã télá ku ka sama Cós, djá xiguinti non bá telá di Lodes, só non bá télá di Pátala. ² Non kontla uwã vapô ku tava ká fô bá Fenísia, non lentla nê pá non pô viajá. ³ Non táva ká pia ilha di Xipli, non bilá, bá télá di Sília, só non dêsê ni télá di Tilu, punda vapô tava ká txilá kagá né. ⁴ Olá non kontla inén dixipulu, non fika ku inén sété djá. Inén dixipulu plômê di Suplitu, flá Paulu, pê pô na subli fô bá jelusalen fá ⁵ Olá non fisá djá ku non tavá na lá non xê , non segui viaji. Tudu inén bê ku non anté lwá póson ku iné mualá ku iné mina diné. Só non plostá ni boká plé, non fé olason, sósó non dispidi uwã di ôtlô. ⁶ Non lentla ni vapô, so inen fô ba ké diné. ⁷ Non kabá viaji non ni Txilu, non xigá ni télá di Ptolemaida; nálá non dá mantxá dá inen manu, non fika uwã djá ku inén. ⁸ Ôtlô djá, non bá télá di Sezareia. Non lentlá ni ké Filipi, ku sá ivangelista, non fika ku ê. ⁹ Ê tê kuatlu mina ku sá vigem, ku tava ká plofétisá. ¹⁰ Non fika nálá pókô tempu, sósó uwã ômé, bi di Zudéia, ku sá plofetá, ku ka sama Ágabu. ¹¹ Ê bi ni ôpé non, toma xinta di Paulu, ê málá pé ku mon dê mé, só ê fla: "kua sé ká flá Suplitu Santu: 'Di môdu sé só ku inén Zudê ni Jiluzalen ka fé ômé sé ku tê xintá sé. iné ká ntlegá ômé sé ni mon diné ungê ku na sá pôvô Desú fá. ¹² Olá non tendê kua sé, nê non nê pôvô kua ká vivê ni lugê sé, fadá Paulu pê pô na subli fô bá Jiluzalen fá. ¹³ Sósó Paulu kuji: "Kê kua nansê ixká sólá, ixká fé kloson mun patxi? Ami sá plepaladu pan pô sôflê, kumá tembêté pan pô môlê ni Jiluzalen dá nomi di Sumu non. ¹⁴ Kuma non ná konvesê Paulu pê pô ná bé fá nón fadé:"Ê ká sá fédu vonté Desú ni vida bô". ¹⁵ Olá iné djá sé pasá, non kaglá tudu kua non fô bá Jiluzalen. ¹⁶ Zuntu ku non bi tembêtê iné dixipulu di sezaleia. Inén bi ku uwã ômé ku ká sama Mnason, ku sá di télá di Xipli, uwã dixipulu antigu, ku non ká fika ospedadu kuê. ¹⁷ Olá non xigá Jiluzalen, iné manu Koiê non ku gôstô. ¹⁸ Djá xiginti, Paulu fô ku non pa non pô kontla Tiagu ku tudu plebitelu ku tava nálá. ¹⁹ Olá non dá inén mantxá, Paulu, flá uwã uwã kua ku Desú fé nô mê diné ungê ku ná sá Zudê fá plômé di xtluvisu dê. ²⁰ Olá inén têndê tu kua, inén dá Dêsú glasá, só inén flá:"Nansê ká pia, iné manu, yô ungê diné zudê ku ká kêlê ni Desú, iné tudá xi sá flimi ixká gwada alê Sumu. ²¹ Inén têndê kua lespetu bô: ku bô tá ká xiná Zudku ká vivê nômê diné ungê ku ná sá Zudê fá pá iné pô legá Musé, pá inén ná pô xikunxidá iné mina pá iné ná pô xigui iné kustumi antxigu. ²² Kê kua non pô fé? Inén védémé ká têndê ku bô xigá. ²³ Fé kumá non fadá bô miôlá mé: non tê nai kuatlu ômé ku fé uwã vôtu. ²⁴ Tomá iné ômé sé, pulifiká bô mé ku iné só paga iné dispesá diné, pá inén pô laspá kabêsá. Axém tudu ungê ká sêbê ku kua ku a flá di bô sá kua flasu, ku bô tembêté sá gwadion di alé. ²⁵ Sósó ku lespetu dinén ungê ku ná sá Zudê ku kêlê, non ká xklêvê xtluson dá inén pá iné pô fastá di saklifisu dá inén desú fasú, di sangi, di kua ku a ká kumé ku sangi, di tudu sexu ku ká fé sê kasa fá". ²⁶ Anton Paulu tomá kuê iné ômé sé, no djá xigintxi pulifika iné kuê tembêté; fô bá tempu, anunsiá inén djá di pilifikason, anté ku ofetá ká pô sá fétú pá iné tudaxi. ²⁷ Olá inén sété djá tava ká válá, inén zudê ku tava ká bi di Ásia pia Paulu ni templu, inén bila tudu pôvô ku tava ni templu kontla Paulu inén pê mon né. ²⁸ Inén tava ká klitá:"inpé ômé di Islaeli, zudá non. Ômé sé ta ká xiná tudu ingê ni tudu lugué, kua ku sá kontla alé ku sá kontla lugué sé ku non sá nê. Ê tembênté bi ku inén glegu bi ni templu sé bi plofana lugué sé ku spá santu". ²⁹ Pundá inén tava ká bê Paulu ku Tlófimo di Éfesu, ni poson, só inen pensá ku Paulu bê kuê fô bá tempu. ³⁰ Tudu poson tavá gitadu, tudu ungê kôlê zuntu pá inén pô péga Paulu. Inén bê kuê fô templu lastadú bá luwá, sósó pótó templu fô fisádu. ³¹ Sósó olá inén tavá mêsê maté, nutxisá sé xika ni ôliá di komandatxi di inén gwada, ku ni Jelusalen tavá ni konfuson. ³² Miôlá sé ê tomá inénsôdé ku inén sentulon, kôlê bá nômê multidon. Olá iné ungê sé pia komandatxi ku inén sôdé, inén pala di dá Paulu pankadá. ³³ Anton, ê xigá maxi petú, tomá Paulu mandá plêndê ku dôsú kolentxi. Ê punta kenguê sá Paulu, kekua ku ê fé. ³⁴ Uwã, ôtlô nômê di multidon tava ká klitá uwã uwã kua, Kuma komandatxi ná tavá komplêndê kua inén tavá ká flá plovia konfuson, ê ódená bé ku Paulu fô bá fotaleza.

³⁵ Olá iné xiga ni xikadá, Paulu ná tava koxigui ndá pundá pankadá ku ê tomá, sósó iné sêdé lanté bé kuê. ³⁶ Sósó inén pôvô tavá ni tlaxi ká glitá: "Maté" ³⁷ Sósó olá a tava pá bé ku Paulu fô ba fotaleza, ê puntá komandatxi: "Hun pô flá sun uwã kwa?" Ê kuji: "Bô ká flá glêgu? ³⁸ Bô ná sá egipsio sé ku uwã anu tlaxi, lidelá uwã lebelion ku matá kuatlu mili asasinu ni desétu?" ³⁹ Só Paulu flá: "Hun sá Zudê di télá di Tasú, ni Silísia, Hun sá sidandon di uwã poson konxidu. Hun ká píji bô pá bô desamú flá ku pôvô sé". ⁴⁰ Olá komandatxi dé pemison pê fla, Paulu lantá di xikadá só lantá mon dá pôvô. Olá tudu ungê ká bôká, Ê fla ku inén ni lunguá Heblaika, só ê flá: