¹ Kaa tamy txuu rehemynykreu Deuxu tamy ritidikre iaõnaõreny wahe ibutu-my bedebede-ò. Tai tahe Jerusalẽhãwã tahe (obs:kdioòtakre) iòludu mahãdureny tahe rexihitxinyrenykre aõvo tai itxi rekoarenykre-my. ² Deuxu tahe ibutu-my riwiòhenyrekre Jerusalẽhãwã rahurenykre-my. Hãwãhãkȳheka rotakre aõbo ihetoreny-ki ijõdikre ibutu-my wydyna-my reakre, hãwyy mahãdu tahe aõtyhymy rutȳȳnyrenykre txura-my tahe tai sȳdu mahãdu rirahukre kia mynyna heto-ò. Ijõ tahe Jerusalẽ-kile ratxirenykre. ³ Iribi tahe, Deuxu ròhònykre tiiboho wana resurenykre-my ibutu-my bedebede mahãdu wana iwese juhuu resurenyre wese. ⁴ Kiatxuule tii (lma-my) ratxikre olivera hãwã-ki Jerusalẽtxuòlòna weribi-ki. Tahe kia taruru-my he rare, tahe tai kȳnyikre txuòlòna weribi-ki tule txuròtena weribi-ki, wiribi olivera hãwãlo inatxi-my (obs:kdihitxinykre). Txura-my heka hãwãlo resekre kia bedebro-ò, ijõ tahe bederamorahãkȳ-ò resekre. ⁵ Kaiboho tahe bihenybenykre kia-di wahe kia Azal òhòkȳle wahe. Bihenybenykre iwese juhuunaludu mahãdu rihenyrenyre aribireny rihenyrenyre kia Deuxu dohodȳȳheto ramy tatareu wahe kia Uzia tai rarybe-my raremyhȳu, Juda wedu wahe. Tai tahe Deuxu, tai Deuxu ibutu-my ta ȳju-my robikre. ⁶ Kiatxuu tyhyle ikoki, bede jutàtà ijõõkre, tule txutàdàhãkȳijõõkre. ⁷ Tai bede ruhukȳijõõkre, txule tahe tai ijõdikre, txuu tahe bede ritoosonyhyy-my roikre bedeluru wana tuhyy. Tahe Deuxule heka kia rieryre tiubo tehemynyna. ⁸ Kiatxuu tahe, Jerusalẽ-ki kȳnyikre be jutàtà (kdejuxunykre-my), txura-my tahe rakre beronihikȳ-ki heka rubu rare, ijõ tahe rakre Meditehȳneo berohokȳ-ò. Bee heka reahyy roikre tuhyy, kia wyra-my tule beòra-my. ⁹ Deuxu heka Butu wedu tyhy-my ratxikre ibutu-my bedebede-ki. Tiihyy heka sohoji Deuxu-my rarekre, ibutu-my iny tamy ryrymy rȳirakre Deuxu-ò. ¹⁰ Tahe Ibutu-my kia hãwãlo weribi weribi-my robirenykre ibutumy bedebede ribi, Geba –u hukȳle, kia bede webròkihikȳle Rimõ-ki hikȳle, Jerusalẽbede onana-ki hikȳle. Jerusalẽheka butu ribi irarietyhy-my roikre bedebede ribi, tai iny mahãdu rasȳnykre, kia Bejami ijòtòbona-ki tule kia hãwãweryna ijòtòbona-ki, kia heka ihetxiu ijòtòbona rare, kia wamotui wityretyrehekȳrariehekȳHananeo kia mona besòhòkȳhynanikȳriwinyre-ki hãwã wedu wahe. ¹¹ Tiu tahe kia hãwã rexihuõtyhy, tai heka tusȳdu mahãdu awi-my rȳikre. ¹² Deuxu heka (obs:kdihukre) ibutu-my kia Jerusalẽhãwã hudu òraru-ki. Tii (obs:kditeònykre) aõ ibinahãkȳidereny-ò, idereny-ò heka ibutu-my rasunykre, ihãrele tahe iru-my roirekre iribi tahe iruereny, tòròtereny rasunykre. ¹³ Kia txuu tahe, Deuxu riwinykre tamyreny aõ rieryõhyyrenykre-my tule brebu-my, iny sohoji sohoji rimykre ixibireludu tahe tamy reakre. ¹⁴ Juda mahãdu hãbu taha resurenykre ityhyrenareny iòhòmy rȳireri bedebede mahãdu wahe, kia he womati (obs:trȳrȳhȳkȳ) sõwe-my, tule womati ura (trȳrȳrȳhȳkȳ) tule tyy wana. ¹⁵ Kia wesetyhyle tahe Deuxu aõbinahãkȳ(obs:kditeònykre) tamyreny tiiboho dori iribireny òtu rarurunyrenykreki kia tule iòludureny iròdu iròdu hudu-my, kia heka rare, awaru, awaru hãwyy, awaru (htȳti) tòòhokȳtule ijõi awaru yjayja. ¹⁶ Iribi tahe ibutu-my bedebede-ki rohenyrenykre resurenykre Jerusalẽòludu-my roimyhȳrenykre sohoji beòra-di tamyreny kia Deuxu ruruterehekȳreàlàmyhȳrenyke-my bededi nodu-my rareki wahe kia hetonihikȳ-di reysarenykemy. ¹⁷ Kia timy bedebede bededinodu-my reàlàrenyõkeki Deuxu ruruterehekȳ, tiu biu ròaõtyhy ibedereny-ki. ¹⁸ Kia egicio mahãdu Jerusalẽhãwã-ò deysana widȳȳmy roirenyõkeki kia hetonikȳdeysana tai riwinyrenyke-my tahe Deuxu aõhõkȳmy tiiboho (obs:rsinyrenyke) kia aõnaõna binabinahãkȳtule ritònykre ijõ bedebede-ò. ¹⁹ Kaa heka Deuxu aõhõmydȳȳna (obs:kditeònykre) Egitu hãwã tyre-ò tule ijõ hãwãhãwã-ò kia Jerusale-ki hetonikȳ-ò deysana riwahinyrenyõreki wahe. ²⁰ Kiatxuu tahe awaru rynana bire-ki tyhyle iritina roikre. Deuxu-ò rexihitxinyre tahe kia herana Deuxu dohodȳȳna heto-ki tuu reàlàkre awihikȳmy tule kia hyna ikoki rȳikre hynamy. ²¹ Jerusale-ki tule Juda-ki ibutu-my herana rahitxihitxinykre Deuxu ruruterehekȳ-ò. Tiubo inyõ Deuxu dohodȳȳna heto-ò xiwena wahidȳȳmy rakreu Deuxu-ò, kia iny tahe taherana riuhekre kia aõde idi riheranykre riwahinykre-my. Kia txuu tahe tiu ijohodu rohonyõtyhy Deuxu dohodȳȳna heto-ki wahe.