¹ Kia txuu tahe bede sõwe-my (obs:rdejuxunykre) bee Davi riokore riokore tyre ijõ kia sȳdu Jerusalẽmahãdu kȳnyikre òraruna suròna tule tibo òbiti-my rȳiora mahãdu. ² Itxuu-le tahe jiarȳDeuxu ruruterehekȳwaõkre Israeli mahãdu ribi kia itȳte mahãdu ribi, tiu inyõ tõhõti itxi reaõtyhy. Tule aritakre kia deuxu òbiti-my rarybemyhȳre aõkõ aritarikre bedebede-ribi adehukre ixideewimy tiiboho dori suritxoo-my reàlàmyhȳrenyreki. ³ Tiubo inyõ kia Deuxu-my rybedu-my aõ riwinykeki, tybytyhy aõwesele rirawyònykre. Kai burukre, kai dori tuu tarybeteri kia aruina dori arybe wahidȳȳDeuxu ribi nade. Tyby heka tariòre (obs:kdirbunykre) maywe bese-di ratxikeki deuxu-my rybedu-my rarykeki. ⁴ Kiatxuu-le tahe inyõ aõtxile deuxu-my rarybekeki kia ixȳruna tai rȳikre irueò inyõ heka tiu iròdu tyydi rexityynyõtyhy kia tii Deuxu-my rybedu rare-my. ⁵ Iribi òty-my iny sohoji sohoji tuu rarybekre jiarȳDeuxu-my rybedu aõkõ rare. Jiarȳoworu widȳȳdu. Uladuhukȳle heka oworu-ki raaõmysȳdȳȳny wãhãre. ⁶ Inyõ wadee ryyraxikeki, kiawe aõ (obs:arawotmonyre) abreti-ki? Tii rirawyõnykre kaa (obs:wawotmona) heka wabiowa heto-ki tuu ratȳȳnyre. ⁷ Deuxu ruruterehekȳtuu rarybere. Biukòke maywe bese tahe Wadeuxu-my rybedu-ò beakre. Tule beaker wawiòhedȳȳdu-ò. Burubunykre Deuxu-my rybedu, tahe budoeni ibutu-my roberakre, kiawesetyhyle jiarȳbydoenixomo-ò araaõbinanykre. ⁸ Israeli-my rasȳnymyhȳre mahãdu Inatxi inataõ weàre-my rururenykre. Sohoji inataõ weàre tahe rohenykre umy-di. ⁹ Kia rohenyrenykre tahe jiarȳheòty-ò ariteònykre Jiarȳariwinykre womati ura (obs: trȳrȳ) wese-my Arixomoxomonykre iruxomomy kia ijõ wese-my Tai tahe tiiboho wadee kedexitòedenykre wadee Tahe jiarȳadirawyònykre Ariwahinykre, kaiboho dori waijoi toite Tiiboho rirawyònyrenykre Kai Wadeuxureny tate.