¹ Kia biu-ò tahe Deuxu rybena heto irarie tyhymy butu ribi rỹikre, kia rỹikre ibutumy hãwãlò ribi. Ibutumy hãwãhãkỹ ribi tamy reakre. ² Tahe tiiboho kanarybedenykre rkaõwonyrenyke Deuxu hãwãlo-ò rikoirenyke Israeli Deuxu rybena hetoo tii inyboho rierynanykre aõbo rikiwinyrenykremy, inyboho rikiriranyrenykremy irydi. Tai tahe Deuxu dohodỹỹna kanakre Jerusale tule Xiaõ hãwãlomy inydee kanarybekre. ³ Tii heka itxeredu tyhy ratxikre ibutumy inydeereny tii tuu ritidikre ibutu irehemy rỹira mahãdu tuu rarybekremy. Tiiboho rexirahorerenykre tebonareny mabese rarahoremy etõriorireny irarubumy. Tiu heka bedebede mahãdu aõbina riwinyõtyhyreny tule tiu rexiywinyrenyõtyhy ixyby aõbinamy. ⁴ Tiiboho heka awimy ratxirenykre iny sohoji sohoji rexielehynykre ywimy alobrona oworu oraò da tawidỹỹbededỹỹnana bire-ki aõbo. Kia heka irybe rare. Deuxu ruruterehekỹwahe. ⁵ Iwitxira bedebidi mahãdu reàlàmyhỹrenyre rityhynymyhỹrenyre tadeuxureny tahe, inyboho Deuxu ruruterehekỹrityhynymyhỹrenyre tuu inyboho reàlànymyhỹrenyre irybe rikeobymyhỹreny tuu raktximyhỹreny. ⁶ Deuxu rarybere: Tahe kanakre bedetyhy iu tahe jiarỹtamyreny anarybekre tibo aõhõkỹmy rutỹỹnymyhỹmahãdu-ò kia jiarỹaõhõkỹmy resenyrenyre mahãdu-ò, tiubo ritare iaõmydỹỹna ribi. ⁷ Anadykre ixyby abede ribi irehe ribi ibutumy aõbo irumy tahe ariwinykre ijõ sỹdumy iruruterehekỹmy. JiarỹDeuxu bede ariywinykre Xiaõ hãwãlo-ki, tahe kia wamy reobykre wana tuhyy rarekre awimy, tule tiiboho wahõmy roirekre ixybyle. ⁸ Ei Jerusale, tiludubo jiarỹrare, budoeni-di itxeredu idireny retehewãhãrereywinywãhãre wamahãdu adoosekr e hãwahãkỹtyhy-ò bede webro ribi, hãwahãkỹwihikỹ-ò Israeli hãwa. ⁹ Jerusale, aõherekibo kai tabuteri tii hãwyyreri wana uladu desemy robureri? Aõrekibo kai aõbo ahãwa wedu ihoõre da rybeywisidỹỹdu aõbo ituerenyre? ¹⁰ Jerusale, bidiwiyke txubrere tule rajua tii hãwyy ratxireri loosona riwahinyreri, tahe kaki sỹdu mahãdu rohonykre bedero su-ò rasỹnykremy iribi tahe roirenykre babilonia hãwa-ò. Kia tahe Deuxu kiditadenykre, ritakre ioludu ruruterehekỹribi. ¹¹ Sõwemy bedebede mahãdu rexibutunyrenyre kia Jerusale hãwa hudumy. Kia rarybere: “Jerusale ijoi rahukre aõ tai rariõhyykre”. ¹² Tahe tii rieryõrenyre tii Deuxu bede riywinyremy timybo rõhõtinyremy. Rieryõrenyre tii rexibutunyrenyre ihudurenymy, kia mai ru wesele aõhebo iny ributunymy risykremy tule kia todeura tyy iny ributunymyhỹre wese. ¹³ Tahe Deuxu rarybere: Jerusale hãwa mahãdu, bitamanybenyke biorybenyke aõludureny. Jiarỹadeereny ruru ariwahinykre broreni hãbu iodi woma wesuru terehekỹtule hãwo lyby. Kaiboho mahubenykre sõwemy iny wade bidiwahibedeny, ibutu bedebede Deuxu rare, tatyhynareny tiiboho ritarenyre tarurutererenymy.