¹ Deuxu Tyhyhykỹ rarybere: — Kua bedeu ariwinykre kia Jerusalë mahãdu Juda mahãdu ixybyle ròraòrenykre. ² Taita iny mahãdu hãwahãwamy ibutumy rỹimyhỹrenyre aributunyrenykre kiata Josafa iwory bede-ò aridyrenykre ibedeki tahe tamyreny ararybekre mobo òbitimy rỹimyhỹre mobo òbitimy aõkõ rỹimyhỹrenyre. Diarỹ kawesemy tamyreny ariwinykre iaõòtaòtareny òraruki, kia riwinyrenyre Israel iny mahãdu òludurenymy, kia iny mahãdu ixidee ritarenyre: riubỹtỹnyrenyre israelita mahãdu hãwa hãwa bede bedemy kia wahãwa wilemy ritxuatxuarenyre. ³ Nii ritamyhỹrenyre mobo ratxikremy waijoi mahãdureny brejudu-di ratxirenykremy; rohonyrenyre weryry mahãdu-di hirari mahãdu-di wetxu wesemy kia nieru rahurenyre wedena mahãdu-kia mona besò-ki. (vinho). ⁴ — Tiro iny mahãdu kia Sidõ iny mahãdu kia ibutumy Filístia iny mahãdu, aõmybohe wadi atxitenyteri? Wadee aõbo bexiòwynybenykemyrenyreri aõbo? Txibo tuu tesỹnytenyteri-wana, taita diarỹ tule rexihumy watxireri adeereny arexiòwynyrenykremy! ⁵ Kiemy dori kai boho tewòtenyte wamana rỹsỹ òtaòta wamana rỹsỹhỹkỹ kiata ibutumy kaa waityhyna teliditenyte aaõmysỹdỹỹna hetowo-ò. ⁶ Kai boho tedytenyte Juda iny mahãdu kia Jerusalë-ki hãwadu mahãdu irehemy isureny-ribi kiata idireny tahonytenyte wetxu wesemy Grego mahãdu dee. ⁷ Diarỹ adidydenykre wasỹ waijoi mahãdu ixybyle kua bede rehehekỹ-ribi kiata adeereny ariwinykre iwese tamyreny tewinytenyte wesetyhyle. ⁸ -Kia ariwinykre ariòrereny weryry ariòrereny hirari idireny ijoho rỹirenykre wetxu wesemy Juda iny mahãdu-ò, kia tii boho tahe idireny rohonykre Sabuseu mahãdu-ò, iny mahãdu isureny irehemy karibi rỹimyhỹrenyre. Diarỹ Deuxu Tyhyhykỹ tuu rarybereri. ⁹ –Tuu marybebenyke iny mahãdureny-ò, sodadu-ò byrybenyke kia ibutumy tii boho rexideòsinyrenykremy, kia rexiywinyrenykremy wouna-ò. ¹⁰ Asureny aradureny birahòrebenyke tõnorimy kia amayrabureny tasỹ mayremy biwinybenykre. Kia ityhyõmy irurutereõmy rỹimyhỹrenyre deereny marybebenykre teburerenymy ratxirenykremy! ¹¹ Wylemy bòdòibedenyke, ibutumy hãwa hãwa birerenymy atximyhỹtenyte kiata iworyki bexibutunybenykre! Kia iinytyhymy ywimy rỹimyhỹrenyre dori sodadu-my rexirahòrerenykre! ¹² Bexiywinybenyke, ibutumy iny mahãdu hãwa hãwamy rỹimyhỹrenyre boho, kiata Josafa iwory-ò bòdòidenykre, kiemy dori tai diarỹ Deuxu Tyhyhykỹ arahitxihitxinyrenymy aratarenykre ibutumy iny mahãdu hãwa hãwamy rỹimyhỹrenyre ibirerenymy rasỹnymy rỹimyhỹrenyre. ¹³ Kia hãwa hãwa mahãdu òrarunareny heka sõetyhyrenyre, kia tii boho rakròkròrenykre mairu luru wesemy rahemyhỹre bedeu; kia ityrereny làma rỹirenykre iwese mona besò (vinho) raty tyre làma rỹimyhỹre wesemy hynaro-ò rejujumyhỹre wese, ihyy tahe mona besò (vinho) rejujumyhỹre.” ¹⁴ Iny mahãdu sõereny ixyby iny mahãdu sõereny ritỹxinyrenykre Josafa iwory; kia iòhòmy namyhỹde Deuxu Tyhyhykỹ txu, Josafa iwory bedeki rỹikreki. ¹⁵ Txuu kia ahãdu rurunyrenykre, ka taina mahãdu tahe rarỹsỹnyrenyõrenykre. ¹⁶ Siaõ bede ratòò-ribi Deuxu Tyhyhykỹ katxiterehekỹmy rarybere, irybe wodỹỹ heka biumyta wesena rare. Jerusalë-ribi roholarenyre Deuxu rybe wodỹỹ nihikỹ-ò, kia biuwetyy boho su boho-wana ramytàtàrenyre! Ka tii tahe riekre kia riwokre Israel iny mahãdu. ¹⁷ Deuxu rarybere tasỹ-ò taijoi-ò: “Kawesemyhe kai boho biwaerybenykre diarỹ Tiiemy nodu tyhyhykỹmy raremy, aDeuxurenymy. Diarỹ Siaõ-ki rahãwanymyhỹre, waha bede ratòòhòkỹki, Jerusalë heka hãwa tyhyhykỹmykre, kia iwitxira hãwadu mahãdu tiu rimyrenyõtyhy. ¹⁸ Kua bedeu hãwalò mahãdu rahetymy