¹ Deuxu Tyhyhykỹ ixybyle wadee kia-my rarybere: — Make kiata hãwyy wijira-my berinanykre, hãwyyõ ibirena ijõdire. Tuu berinanyke iwese diarỹ Israel iny mahãdu-my rerinanyre wesemy, kia tii boho iwitxira ỹnyxiwe-my rerinanyrenyre hãre kia tamy hina-di (bolo) raxiwemyhỹrenyre. ² Rare kia reõbranyre hãwyy 170 grama-my mana rysỹ òtaòta utxie kia 150 utxie-my ajiuranode. ³ Diarỹ rarybere: — Bede irehemy kai biwaraõkre. Kawese bedeu uritre wedena-my ixidi noõmykre kia uritre abirena mahãdu-ò ixiwahidỹỹõmy. Ka diarỹ tule araraõlekre. ⁴ Kawesemy tahe israelita mahãdu bede sõemy irehemy rierenykre iiòlòrenyõmy yda aõtxile iwitxira iwedurenyõmy, ixiwenarenyõmy yda inyxiwerenyõmy ihetoludureny. ⁵ Kia tahe bede rỹikre kia Israel iny mahãdu ròòserenykre Deuxu Tyhyhykỹ-my rerinanyrenykre, taDeuxurenymy, kia tii boho tahe iwedurenymy runykre Davi iòlò rioreriorerenyõ. Kua bedeu tii boho rerinanyrenykre Deuxu Tyhyhykỹmy ruberurenymy kia tahe tii boho sõemy rybe wiwihikỹ iribi rimyrenykre.