¹ Anju tarybe ritõranyre rarybemyhỹ: — Kawese bedeu kedehemynykre anju Mieli (Miguel), Deuxu ijoi-di Tarukidu. Kia heka bede isirasirahãkỹmy rỹikre, kia tiu tuu rutỹỹnyõhyyre kodelemy ròrarunyre bedeu. Kawese bedeu tahe ibutumy rahenyrenykre Deuxu ijoi mahãdu kia inireny ijõdirenyre Deuxu tyyritiwo-ki. ² Sõemy rururenyre mahãdu ixybyle irumy ratxirenykre: ijõ mahãdureny ikiehyymy irumy rỹirenyrakre, kia ijõ mahãdu tahe rarytxynahãkỹ aõhỹỹmy rutỹỹnyrenykre kia bede binabinahyymy ikiemy. ³ Dohodỹỹdu bedeery mahãdu , kua mahãdu iny mahãdu sõemy riixinanymy roirenyremyhỹ kia aõnaõna òbitimy riwinyrenykemy, kia rarỹsỹnyrenykre taina mahãdu biuludu wesemy, kia tiu iixihuduõna riòderareny. ⁴ Kai Danieli, uritre inyõ dee tuu ijyyõmykre. Tyyriti hãletena-di biratàbònyke kia irarytxymy roikremy ihyyta bede konana idi rimykre. Sõemy rekoarenykre ka-ribi kua-ò, kia ibedeeryrenytyhymy ratxirenykemy. ⁵ Taita diarỹ rabire inatxi anju-my làmamy ritàmanyrenymy bero weijàti-ki, sohoji kaweribi-ribi, ijõ tahe kua weribi-ribi. ⁶ Ijõõ rỹỹraxire anju tyyesi lytyhykỹ-di rexityynymy ratximyhỹ dee, kia bero ratyaki ratximyhỹ: — Tiubo tahe kaa aõnaõnawiwihikỹ tuu rutỹỹnykre? ⁷ Anju tebò biurawetyy-txi ritàmadỹỹnyre kia Deuxuni-my, ikiehyymy ratximyhỹremy, kia rarybere: — Diarỹ tuu ararybekre kia tuu rutỹỹnykre ka inataõ wyra weere-di kia rexihukreu Deuxu ijoi mahãdu herenymy ijara rexihukreu. ⁸ Ka diarỹ tahe reerywiõhyyre iurenana rỹỹraxire: — Aõkerỹbo, tuu wadee manarybeke timybohe ibutumy kia rexihukre. ⁹ Kia tii rirawyònyre: — Ka tahe Danieli, kai aõwaxina wiji makre, kiemy dori ibutumy kia iwasihyymy roikre ikonanauhukỹle. ¹⁰ -Sõemy iny mahãdu tamy rexideòsinyrenykre kia idi tahe rexisuhosuhorenymy rexiywiywinyrenykre. Iny bina bina mahãdu ibinarenyhyylemy ratxirenykre, kia ijõreny rieryrenyõhyyrenykre aõhebo bede rỹtỹỹnyreri, ka bedeery mahãdu tahe rieryrenykre. ¹¹ Kia xiwena txuu iyhyõmy rawahimyhỹre raixawidỹỹkreu, kia “bede bina nihikỹ” ratidikre Deuxu rybena hetowo-ò, kia tai bede riekre 1290 txumy. ¹² Bede deysawihikỹ kua mahãdu rityhynyhyymy Deuxu-di ratximyhỹrenyre 1335 txumy! ¹³ Kai Danieli, awihyymy mabekre ionanaòhòkỹle. Kai burukre, kia ikonanau the bedexixakre aõwiwihikỹ bedewiwihikỹ bimykremy.