¹ ۔ لمُوئیل کا کلام لموئیل شاہِ مسّاؔ کا کلام ۔جو اُس کی ماں نے اُسے سِکھایا ۔ ² ۔ اَے میرے بیٹے کیا ۔اَے میرے رحمِ کے فرزند کیا۔ اَے میری مَنّتوں کے بیٹے کیا کہُوں ؟ ³ ۔ اپنی شہ زوری عورتوں کو نہ دے ۔اَور نہ اپنی رَوش بادشاہوں کے تباہ کرنے والوں کو ۔ ⁴ ۔ اَے لُموئیل۔ یہ بادشاہوں کے لئے مُناسب نہیں۔مَے خوری بادشاہوں کےلئے مُناسب نہیں اَور نہ نشہ بازی حُکمرانوں کے لیے۔ ⁵ ۔ ایسا نہ ہوکہ پی ۔پی کر شریعت کو بھُولیں اَور کسی مظلوم کا حَق بگاڑیں ۔ ⁶ ۔نشہ آور چیز اُنہیں دو جو مُشقت کھینچتے ہَیں اَور مَے اُنہیں جو تلخ جان ہیں ۔ ⁷ ۔تاکہ وہ پیئِیں اَور اپنی مُحتاج کو بھُول جائیں اَور اپنی تباہی کو پھر یاد نہ کریں۔ ⁸ ۔اپنا مُنہ گُونگے کے لیے کھول ۔اُن سب کے دعویٰ میں جو تباہ حالی کے فرزند ہَیں۔ ⁹ ۔ اپنا مُنہ کھول اَور عدل سے حُکم کر اَورغریب اَور مِسکین کا اِنصاف کر ۔ ¹⁰ ۔ نیکوکار بیوی کی تعریف نیکوکاربیوی کِسے ملے گی ! اُس کی قدر موتیوں سے بھی بہُت زیادہ ہَے۔ ¹¹ ۔(ب) اُس کے خاوند کے دِل کو اُس پر اعتبار ہَے۔ اَور اُسے نفع کی کمی نہ ہوگی۔ ¹² ۔ (ج)۔ وہ اپنی عُمر کے تمام ایّام میں۔ اُس سے نیکی کرے گی پر بَدی نہیں۔ ¹³ ۔ (د) وہ اُون اَور کُتان کی تلاش میں ہَے۔ اَور اپنے ہاتھ کی چُستی سے کام کرتی ہَے۔ ¹⁴ ۔(ہ) وہ تاجر کے جہازوں کی مانند ہَے۔ وہ اپنی خُوراک دُور سے لے آتی ہَے۔ ¹⁵ ۔(و) وہ رات رہتے ہوئے اُٹھتی ہَے۔ اَور اپنے گھر انے کو کھانا اَور لونڈیوں کو کام دیتی ہَے ¹⁶ ۔(ز) وہ سوچ سوچ کر کھیت کو خریدتی ہَے۔ اَور اپنی کمائی سے تاکِستان لگاتی ہَے۔ ¹⁷ ۔(ح)۔وہ اپنی کَمر کو قُوّت سے کَستی ہَے۔ اَور اپنے بازوؤں کو مضبوط کرتی ہَے۔ ¹⁸ ۔(ط)۔ وہ اپنی تجارت کو سُود مند پاتی ہَے۔ رات کو اُس کا چراغ نہیں بجُھتا۔ ¹⁹ ۔(ی) وہ اپنے ہاتھ تکلے پر چلاتی ہَے۔ اَور اُس کی ہتھیلی اٹیرن کو پکڑتی ہَے۔ ²⁰ ۔( ک) وہ غریب کے لیے اپنی ہتھیلی کھولتی ہَے۔ اَور مِسکین کے لئے اپنا ہاتھ بڑھاتی ہَے۔ ²¹ ۔( ل)۔ وہ اپنے گھرانے کے لئے برف سے نہیں ڈرتی کیونکہ اُس کے تمام خاندان میں سُرخ پوش ہَیں۔ ²² ۔(م)۔وہ اپنے لئے مُنقّش غالیچے بناتی ہَے۔ اَور اس کا لباس عُمدہ کَتان اَور ارغوان کا ہَے ²³ ۔( ن) ۔اُس کے خاوند کی پھاٹک میں عِزّت ہَے۔ جب وہ ملک کے بزُرگوں کے درمیان بیٹھتا ہَے ۔ ²⁴ ۔(س)۔ وہ بارِیک کَتان بنا کر بیچتی ہَے ۔ اَور کَمر بند تاجروں کے آگے رکھتی ہَے۔ ²⁵ ۔ (ع)۔ وہ قُوّت اَور عِزّت سے مُلبّس ہَے۔ اَور آنے والے دِن کی فِکر نہیں کرتی۔ ²⁶ ۔(ف)۔ وہ اپنا مُنہ حِکمَت سے کھولتی ہَے۔ اور اس کی کی زبان پر شیریں ہدایت ہے۔ ²⁷ ۔(ص)۔ وہ اپنے گھرانے کی راہوں پر غور کرتی ہَے۔ اَور کاہلی کی روٹی نہیں کھاتی۔ ²⁸ ۔ (ق) اُس کے بیٹے اُٹھتے اَور اُسے مُبارک کہتے ہَیں۔ اَور اُس کا خاوند بھی اُس کی تعریف کرتا ہَے۔ ²⁹ ۔(ر) " بہتیری عورتوں نے اپنے لئے فضیلت پیدا کی ۔ پر تُو اُن سب پر فوقیّت لے گئی " ³⁰ ۔ (ش)۔ حُسن دغاباز ہَے اَور جمال ناپائیدار ۔ پر خُداوند سے ڈرنے والی عورت کی تعریف کی جائے گی۔ ³¹ ۔(ت) اُس کی محِنت کا اَجر اُسے دو۔ اَور اُس کے کام پھاٹک میں اُس کی تعریف کریں گے۔