¹ ۔ تمہیدشاہِ اسراؔ ئیل سُلیمان بِن داوْد کی اَمثَال۔ ² ۔حِکمَت اَور تربیت سیکھنے اَور عقلمند ی کی باتیں سمجھنے کے لئے۔ ³ ۔ عدل اَور حَق اَور راستی کےتربیت سیکھنے کے فائدہ کے لئے۔ ⁴ ۔ ناتجربہ کاروں کو ہوشیاری اَور نوجوانوں کو دانِش اَور تدبیر دینے کےلئے۔ ⁵ ۔دانا آدمی سُنے گا تو اُس کی دانائی بڑھے گی ۔اَور عقلمندی آدمی قُوّت ِہدایت حاصِل کرے گاِ۔ ⁶ ۔تاکہ وہ تمِثیلوں اَور اُن کے معنوں اَور داناؤں کی باتوں اَور اُن کی پوشیدہ باتوں کو سمجھ سکے۔ ⁷ ۔ خدُاوند کا خوف عِلم کا آغاز ہَے۔ لیکن احمق حِکمَت اَور تربیت کی حقارت کرتے ہیں۔ ⁸ ۔ بُری سنگت اَے میرے بیٹے! اپنے باپ کی تربیت کو سُن۔اَور اپنی ماں کی تعلیم کو ترک نہ کر ۔ ⁹ ۔کیونکہ وہ تیرےسر کےلئے زِینت کا سہرا اَور تیری گردن کے لئے طوق ہوں گی۔ ¹⁰ ۔ اَے میرے بیٹے! اگر خطاکار تُجھے پھُسلائیں تو رضا مند نہ ہو ۔ ¹¹ ۔اگر وہ کہیں کہ ہمارے ساتھ چل۔ہم خُون کرنے کے لئے گھات میں بیٹھیں۔اَور پاک آدمیوں کے لئے ناحَق پھندا لگائیں۔ ¹² ۔ ہم پاتال کی طرح اُنہیں زِندہ ہی نِگل جائیں۔ سراپا اُن کی طرح جو غار میں اُترتے ہیں۔ ¹³ ۔ ہمیں نَفیس مال ملے گا۔ہم لُوٹ سے اپنے گھروں کو بھریں گے ۔ ¹⁴ ۔ تُو اپنا حصّہ ہمارے ساتھ ڈال۔ہم سب کی ایک ہی تھیلی ہوگی۔ ¹⁵ ۔تو تُو اَے میرے بیٹے۔ اُن کے ساتھ نہ چل۔اَور اپنے قدم کو اُن کے رستے سے روکے رکھّ۔ ¹⁶ ۔کیونکہ اُن کے پاؤں بَدی کی طرف دوڑتے ہیں۔ اَور خون بہانے کےلئے جلدی کرتے ہیں ۔ ¹⁷ ۔یقیناََ پرندوں کی آنکھوں کے سامنے جال بچھانا بے فائدہ ہے۔ ¹⁸ ۔وہ اپنے ہی خُون کے لئے گھات میں بیٹھتے ہَیں۔ اَور اپنی ہی جان کےلئے پھند ا لگاتے ہَیں۔ ¹⁹ ۔ لُوٹ کے ہرایک لالچی کا انجام یہی ہے۔ وہ ناجائز نفع اُٹھانے والے کی جان کو لے لیتا ہَے۔ ²⁰ ۔حِکمَت کی دعوت حکمت گلیوں میں زور سے پُکارتی ہَے اَور چوکوں میں اپنی آواز بُلند کرتی ہَے۔ ²¹ ۔ وہ پرُ ہجُوم بازار میں چلاّتی ہَے۔ وہ شہر کےپھاٹکوں کی دہلیز پر یہ کہتی ہَے۔ ²² ۔اے نادانو! تُم کب تک نادانی کو پیار کروگے ؟ اور مسخری کرنے والے کب تک مسخری سے خُوش ہوں گے۔اَور جاہل کب تک عِلم سے نفرت رکھیں گے ۔ ²³ میری اصلاح پر توجُّہ دو۔دیکھو ! مَیں اپنی رَوح تُم پر ڈالوں گی۔اَور اپنا کلام تمہیں سِکھاؤں گی۔ ²⁴ ۔لیکن میں نے بلایا اَور تم نے سننے سے انکار کیا ،میں نے اپنا ہاتھ بڑھایا لیکن کسی نے توجہ نہ دی۔ ²⁵ ۔جب تُم میری مشورت کو حقِیر جانوگے بلکہ میری تننیہہ کو منظور نہ کرو گے۔ ²⁶ ۔تو مَیں بھی تمُہاری مصیبت پر ہنسوں گی۔ اَور جس وقت دہشت تُم پر نازِل ہوتو مَیں ٹھٹھا مارُوں گی ۔ ²⁷ ۔جب دہشت تُم پر طُوفان کی طرح آپڑے گی اَور تنگی اَور مُصیبت تُم پر ٹُوٹ پڑے گی ۔ ²⁸ ۔ تب وہ مُجھے پُکاریں گے ۔مگر مَیں جواب نہ دُوں گی۔ وہ دِل وجان سے میری تلاش کریں گے۔ ²⁹ ۔کیونکہ اُنہوں نے عِلم سے نفرت کی اَور خُداوند کا خوف اختیار نہ کِیا۔ ³⁰ ۔میری مشورت نہ مانی اَورمیری تمام تنبیہہ کی حقارت کی ۔ ³¹ ۔سو وہ اپنی ہی رَوش کا پھَل کھائیں گے اَور اپنے منُصوبوں سے سیر ہوں گے۔ ³² ۔کیونکہ برگشتگی نادانوں کی ہلاکت اَور بے پروائی احمقوں کی تباہی کا باعث ہوگی ۔ ³³ ۔لیکن جو میری سُنتا ہَے وہ حفاظت سے رہے گا اور تباہی کے ڈر سے محفوظ رہے گا ۔