¹ Ton bio mancira cira cala tari yen la la sɛrɛ cɔn na ɲa le ɲɔ, naa karan ɲɔ cala mancira cala naya mu n ji jinɛ ana sɛrɛ bɛn. A na je karan ce apa sɛrɛ dasa won lema ji la la ce ɲɛna won. E ci le bri ana ɲɔ, ana ji ɲi pri o san ana ji ɲɛnɛmɛ zari ana sa bɛn pɛ pɛ na. ² La jaani ji cungunu ana kɛkɛlɛya ma nɛn kɔrɔ la bɛn , fo cɛn cena yile ji ɲɛni o yilena. ³ Ana ji na da ana ya yiga ɲɔna na na ni ana legere jɔn yala yilena yii nari vere ana sa bayilena, naa zeri la yen cen bɛ nɔ jɔn won, ana yiri jɔɛra ba. ⁴ Mɛlɛkɛ lema da magɔsɔ, vamara yen zo san naya na ba, naa o tɔa naya ɲɛnɛmɛ van mula won, o juan ana vɔn bran kiri cira wura. ⁵ o ye zo san diɲɛ tan mu ma, n'o kɔan ni mini mumurɔ na na diɲɛ la la bɛn vamara sa cile sua bɛlɛ cala bɛn lenwere, naa o da la lema kirisi, Noe n'o guso won la la, na n decɛnsa jɔn ɲɔmɔ. ⁶ O wule Sodɔmɛ na ni gomɔrɛ zere la o da ni taporo mina, o bɔrɔ na sa lema suere vamara cile ma na. ⁷ Naa o da Lɔti lo cɛnsɔ kirisi, le tari pɛn o kɔrɔnɛ na magɔsɔ dari cala kɛkɛla yilena. ⁸ Na yilena na bala tari lo cɛnsɔ yen jinɔ ana sɛrɛn. o tari ni nɛy ana cɛnsa bɛlɛ na ni o nugɛ len, na tari n pɛnrɔ o bɛlɛ bi lenwere. ⁹ Na lakala nin bɔrɔ ne E ci gulɔ o bɔru vamara sa cilen sua cala, o zɛn magɔsɔ dari cala kiri la wura yilena, ¹⁰ dama lema cungunu a yara nama lege la dapɔn o mɔnɛ ni ana bino yala lege la dan, o ɲɛni ɲɔ ciri yala ɲɔ . Na karan ɲɔ cala mancira cala yen farati won, ana ya sa na. Ana suere a cusɔ vɔn pan ɲɔ cala cilen ma. ¹¹ Hali mɛlɛkɛ yala, na lema pan zɔn na ni pan ya ana won na lala won, naya ceri zeri na pan cala bɛn a ɲɛna ana yile ba E ci sa cila yan. ¹² Naa ce na karan ɲɔ cala lurɛ bian haciri temele ci yan, naya lema lura ɲɔ ni muan na n gua na. Na la la ɲini na ma lema la ba, ana ɲɛni na. Naa ce ana ji ɲɛni ana sia fɛla ya won. ¹³ Ana da magɔsɔ lema a pɛn la la, ana ja na wɛn na yɔrɔ pɛnmlɛ la na. wɛntan kɛkɛliyɛ ɲɔ ana na. o jɔn ana jiri yii jiri won ana yan, o juan na sa bisa legere ma yala won, ana bina ana jiri yala ni ana ci dari bɛlɛ ma yala na. ¹⁴ Ana sa yala ko pɔ ni zaliya na. Ana vere ni magɔsɔ dari na ba. Ana ni besere haciri zangalɔ bɛlɛ cala. Ana bɛlɛ dere tasi pɔyi na ni ka pee ma ba. Ana ku danganiyaa. ¹⁵ Ana juan cen cɛnsɔ. Ana lege ana cungunu Bosɔr bi balo Balamu cen na dapɔn, o ɲamɔ na le na o cɛnsa bɛlɛ wuɲa yilena, ¹⁶ Naa o yile ɲama o kole vula la yilena, fo Dindele kanlo jɔn dari bɛlɛ ci da jɔn ni lo kole na o zangali na ton bio haciri temele cala. ¹⁷ Na la la ke mini lura nɔ le ko kɔ wa, na ni wula bɔrɔ le ko lasɔ wanmɛ yan. Tan bino ziɔn yen naya cile. ¹⁸ Ana ɲemi se ganra jɔn poku yala. lema lura cen veri cala lugo ni o yen jɛri dere ba, ana bisɛri naya ni yara nama legere la na ni kɛkɛlɛ maya la na. ¹⁹ Ana ɲimi napa ni n de naya hɔrɔnya na, nayilena ana sa ke fɛla ya ma dari bɔri yaa, naa ce yii wo yii ni na se lo bɛn, na ke na bɔri ya. ²⁰ Can mu wa, lo lema ni gula a lurɔ so diɲɛ ma fɛla maya sa lugo na ni E ci na ni e kirisi ci yezu kirisa ma ɲina pan won, ni na maya la ni muan na sema o na pan ana bɛn, na ci laban ji da gɔsɔ bɔmɔ fɔn fɔn ci la. ²¹ Bɛbɛrɛ ci cana le ɲama ana na, na ɲina dapɔn ana yan, ni ana zangala ana jɔn na bran, ana ba cɛn cen na ɲini ba na tari juɛ ni na na. ²² Mɔsɔn le ce ni wo: Va juge o kusere bɛn, na ni cere kanlo juge o dana o binbi lu se vasari won, na da can mu na ma la won.