¹ Mɛ Simɔn Piɛrɛ, yezu kirisa na ni o ton bi ni bebi so vari so o lanaba cina la na, naya lema na a tele yii lanaya sɔbɛ la won, epa vamara, na ni e kirisini ci yezu kirisa cɛnsa pan won. ² Tele yii na ni bɛlɛ zura nɛy apa na o da bu na ni vamara ni epa ci yezu ma ɲina pan won. ³ Yile ma ni do epa yen sayɔya won ni veri vamara sa cile sua na, o nian na lakala epa na o se ciri ya na o vamara ya won, o mɔni komere ci ma ɲina na, o wa le komi epa na o se lenbe la na ni o ma cana niɔn la yilena. ⁴ O lenbe ni o ma cana pan won, o cirɔ o ɲi ma murɛ na le tan juɛ yii lakala na. o da na yele epa da kirisi diɲɛ la won lege gɔsɔ la fɛla na, e na e tele vamara maya won na ɲi tan cira pan won. ⁵ Na yilena apa da a banba cin cana a da ma cana a ce ma cana a lanaya la bɛn, a ce ma ɲina canna bɛn, ⁶ ce se muan mayina bɛn, n ce muɲuni maɲina la bɛn, n ce vamara sa cilen sua muɲu la bɛn, ⁷ a ce ɲi biri na ni ɲinabioya ce vamara sa cilen sua bɛn, a maɲɔma ce ɲibiri maɲɔma bɛn. ⁸ Ni na yii yala yen apa yan o da ziɔn, na n jo da apa ja da vɛnɔ na ba wala yii pan temele ci na ba e ci yezu kirisa maɲina la won ba. ⁹ Naa na yii yala tele won ma, na ci sa nere taan nɔ jɔn wo yii ba, o narɔ ciri ya. O haciri bre o magɔsɔ cɔn yala poromu la san. ¹⁰ Na yilena e ɲibio la, a da banba apa komere la na ni apa sa tɔsɔ la o wa cila yan. Ni apa n tama a da na, apa ba tena dasi fiyeu. ¹¹ Na yɔrɔ E ci na ni e kirisi ci yezu na paya le zoere ba na zɔn yen apa yilena. ¹² Naa ce mɛ ji tamu a ce ana haciri na ma la na lenwere, hali na mu apa ɲinu naa cɔn na.cɛn jɔn le yen apa san, apa ke zangala na san. ¹³ Naa ce mɛ n de tasi o jɔn mɛ sayɔya won, o cana mɛ da apa banba ni mɛ haciri cuse jɔn na na ni wo apa tama a sɛlen. ¹⁴ Na yilena mɛ ɲinu ni mɛ ji lurɔ so yara nama tɔgɔ gulu la won dɔni, dama E ci yezu kirisa bɔrɔ mɛ na ɲa le ɲɔrɔ. ¹⁵ Naa yilena mɛ ji ma lakala da yele mɛ wari dan, apa gulɔ a ce a yiri wo na mayala na lenwere. ¹⁶ Epa ɲama E ci yezu kirisa o pan ni o kuiri la ɲamɔ apa na lenwere la, epa yen cungunu mɔɔn na dan ba o mɔnɔ la la saa haciri na jɔn na ba, naa epa sa nɔ o co mula ni e sa na. ¹⁷ o na co mula na ni lenbe ci e ɲina vamara yan lenwere la, na were la kole lura lenbe ci na ni co ci na nɔ na won o ɲamu o na ni wo: Ni so ke mɛ bi balo lema ɲɔma mɛ na fo kɔrɔnɛ. ¹⁸ E sa nɔgɔ o kole o lurɔ vɔn na o jɔn epa o yan cile cin canna la bɛn. ¹⁹ Na mayala lakala bɔrɔ epa na o poromu ni ton bi la jɔn na ke can mu wa. Ni apa haciri yen na jɔn na ko na ji da ma cana na, na jɔn na ke pola dama lanpan n'o bri pola tan bini la won sani tɛn je zɔn, fo tɛn zɔmi kalan seli miri o bri pola apa bɛlɛ bi la won. ²⁰ Fo apa ɲinu dere ni lo pɔyi gulɔ o ɲinu tonya gɔna ɲinu o se na ba, ²¹ naa ce tonya na ye ko lo pɔyi bɛlɛ yile ma na fiyeu, naa ce vamara nɔ o jɔn na le la la na, o ɲamu a na da jɔn vamara la pan won.