1 Pyɔ̌ Zɛrzɛɛsɛ ce lyì bí byɛ̀bɛ́ bə̀ y'à wɔ ń tənà y wẽ́ ǹdə́ byɛ̀bɛ́ bə̀ y'à wɔ cɛmɛ nɛ́ nyɛ̀bɛ́ nɛ̃̌ mɔ́ y'à kə́kɛ́lɛ́ nɛ mɔ́ wẽ́ mó n'ê pɛ myə̌l-kwǎndɛ. 2 Pyɔ̌ mɔ́ bɛlɛ tumə ǹdə́ ń kàndɛɛ́rɛ́ e súlí ń gə́ zhẽ̌ Mardoshe yó dɛ̃̌ mɔ́ nɛ́ gakó kɛ̃ Mədi ǹdə́ Pɛɛrəsɛ pyǎ bɛ́ tumə né sɛ́bɛ́ rɛ́ wẽ́. 3 Zhə̀n ga wɔ́ Mərədoshe, Zhwifu mú, ń yà ń pú pyɔ̌ Zɛrzɛɛsɛ nɛ ń tənà y nyí rí ga wẽ́; ń yà ń wɔ́ lyì-fɔ̀lɔ̀ Zhwifubá yírh wə, ń da-byǎ bɛ́ nánzhəzhɔ̌ w y'à só mo. Ń yà ń nə́ ń pyà ń dwí rí cɛ̀nɛ̀ ǹdə́ rə̀ yə̀-zùlə́.