¹ Awang he suka iring na awak nang? Oke nang lefahat? Kaang atehu Yesu Lamolo? Oke ohothai bokolong ho di gema egema no Lamolo? ² Ara ikara nang lefahat do homok, juk do thai hama nang lefahat. Ithai inyahi el lefahat hindang da Lamolo. ³ esio hindang ne do ohothing ho okemio nang. ⁴ Awang ohothai iwon iring homok dinyo ha amatha? ⁵ Awang ohothai heyaru hohothai afure nawong he eruk, iring neyarik homok ho lefahat, karik olarok ho Lamolo, karik Cephas? ⁶ Dia ike Barabas ho nang he gema? ⁷ Ngai le gema iring ogalathanani adumaru ahuan nanyong? Nagi ledulio amana no ovine awang ho onyo ahayo hanyong? Dia ngai le thanyo obore la ahidi awang ho matha alee thia? ⁸ Achama nang arami hune tha akolon tho no othulo? Okara omanyitha ojo ahani? ⁹ Acha egeo do Omanyitha ho jo Mose, "Hoibahio ohisumuthu ara irariaru ohima." Owak diri Ojok Ohisum ohisum ho hitua? ¹⁰ Oke ohothai diri ochama inyong? Egerohini tho ohothai, acha othulo lo oromo, ongida oromo kuong abangi, othulo le ngongocho the ngongochie kuong abangi di ngara engongocho. . ¹¹ Ara iyehi ohoi asang ha alibo di hiji othai, oko bebe do hoi di ngongocho asang hothohop tho thai? ¹² Ara ihandio homok tho thai,awang ohothai iwon ha halwa? Ti, kaang ohothai ihandio ahani, ti ongongio ohothai asang bokolong tha awonen ara ohikohit daevangelio no Kristo. ¹³ Awang hetek ijan ohothing ho igema di templo orumahini angiriang nasong tho templo, ara hegema di altari angaruni tha esorith he sorohini da altari? ¹⁴ Ahani osarak Lamolo ijan ohothing he titoyo evangelio orumahini amanya nasong tha evangelio. ¹⁵ Ti kaang nang elongo asang hune iring na awak nang. Karik awang nang hegerio ahana di handie aning nabo do nang. Oyu do nang di yee ara ithorohojo lobo aminya hindang ne. ¹⁶ Acha ara etitoyo nang evangelio awang nang ethadara, acha egema hindang ne. Amonyo do nang ara awang ang etitoyo evangelio! ¹⁷ Acha ara ehandio nang tha amuno, arumak nang esorio. Ti ara ike tha amuno, awon nang he egema nesahini do nang. ¹⁸ Ainyong arumak nang nayu? Nara ara nang letitoyo, esarak nang evengelio kuong aduma nang awang ha arumak aning neruk nang irumahina de evangelio. ¹⁹ Juk esuka nang olefeng tha asang bokolong, awon nang ara ongacha do hothing bokolong, da eyanu nang olware. ²⁰ Do Ojude nang awon ara lo Ojude, di iyanu isong bokolong. Do hothlohop ho omanyitha, nang awong tholohop ho omanyitha (Juk awang nang tha ahuan awon tholohop ho omanyitha), di iyanu hullo ho tholohop ho omanyitha. ²¹ do hesuka tho lengua ho omanyitha, nang iring lo thelengua ho omanyitha, (juk awang nang ha awon tho lengua tho omanyitha ho Ojok nang tha ahuan, ti tho lohop omanyitha ho Kristo), de eyanu nang he suka dingua tho omanyitha. ²² Do ho ojon, nang awon ara ojonani, de eyanu dang ho ojon. Awong nang ara asang bokolong do ohothing bokolong, da alwahu nang homok tho oyihothik hamahama. ²³ Karik ehandio nang asang da evangelio, da arumak nang ethajohitha hanyong. ²⁴ Awang ithai iteh ijan di ruatha ongero oheruathak bokolong, ti aboithe orumak aning ne ruatharik? Ingero di rumahina aning neruatharik ne. ²⁵ Ohongetani ihuhumio ahuan de thalimio. Ihandie ahani di rumahina ecorie na athuya na muyak kuak, ti engero di rumahina ecorie na athuya na awang ho omuyak. ²⁶ Di awang nang ha angetha kuong arami kuya asanduk tha bahio ahomua. ²⁷ Ti edefetho nang ahuan hindang esuka iring angacha, da ara ara athuk nang lathuk etitoyo do homok, nang tha ahuan awang he idari.