¹ Thene da arami ha eduduhio no santohyen, iring na anyahinere nang athua na amojo no Galatia, ongida ithai ihandio ahania. ² Do ofaning oithaboithe lo olahat, ithai abok abok thesak aning nabo orobokang ithai ikanak dihide, iring nechohi ie, da awang eduduhion ara nang laindu. ³ Ara nang leduong, nang efahak othulo le nyimu ithai ha amanini di ithafothohini esoritha hathai di Yerusalem. ⁴ Ara oyu do nang di inden, avuo ho nang. ⁵ Ti ayindu nang dothai, ara alo nang tholo Macedonia- aindu nang tholo Macedonia, ⁶ Kuya nang esuka hothai dia hibu nang engohi ohiribo, do luahio ithai nang da adahathihien hundang da ame na adere nang. ⁷ Awang awak atehuna ithai thene omiru lomutha, acha awak nang esuka hothia omiru lobolo, ara iruk Lamolo. ⁸ Ti esuka nang di Ephesus man ofaning lo Pentecoste, ⁹ acha anga oyihet do nang ara lobolo, karik alwari omerok. ¹⁰ Thene ara Timoteo laindu, otihiethe ijan ongida inyong isuka hothai ara la awang ho obang, acha inyong legema egema no Lamolo, iring nang. ¹¹ Awang lobo olau inyong. Olwahiethe inyong do oyihoi lonyong le emora, do oyindu do nang, acha nang lethilayo inyong diyinduna ho olarok. ¹² Thene ara olai lohothai Apollos: Ewiwilio nang inyong di iyinduna ithio ithai ho olarok, ti ojo awang inyong oindu thenene, ti oindu de ara owon inyong ho omiru. ¹³ Omijethe tuhudi, idefethethe eruk iring nayu, ijahithathi nang, okolotho. ¹⁴ Ahandiethe asang bokolong hehandio ithai tha amuno. ¹⁵ Itek ithai ahang no Stephanas, isong ichak eloitho da Akaya, athuhi esahina ahuandek hasong de egema no santohyen. Thene awak nang ithai, olarok ha ahanerok, ¹⁶ di iruk arami ho ohothing hojak ahania, karik do ohothing bokolong ho olwahio de egema hohoi. ¹⁷ Amuno nang da ainduna no Stephenos, Fortunatas, karik Akaikus; alwahuni nang ibu itha iwang. ¹⁸ Enyahuni ohoile hindang ho lothai. Otehatha ohothing hojak ahani. ¹⁹ Athua na amojo no tho Asia ithaparuni emanda dothai. Aquila karik Prisca ithamandaye do Lamolo, ha athua na amojo nawon di hang hosong. ²⁰ Ethamandayo ie olarok ha ahanerok. Ithamandahina abok abok the ajuna tha nadwa. ²¹ Nang Paulo, igerio za ahinang zohindang holefeng. ²² Ara owang lobo omuno Lamolo, ilamahini inyong adi. Lamolo lohozai oindu! ²³ Agracia no Lamolo Yesu Kristo owon dozai. ²⁴ Amuno hindang zewona dozai bokolong zo Yesu Krist.