¹ Paulo, ilongu Yesu Kristo ara ohetienani iring nawak Ojok-ho olai lohothai Sosthenes, ² de elulung no Ojo k di Korinth, hathuk Yesu Kristo ethaliborio, hethaliborie iring osantohen, ha hemamajo ofure lo Lamolo Yesu Kristo di masik bokolong, Lamolo losong hohothai. ³ Agraciat he emora tho Ojok Omonye lohothai karik Lamolo Yesu Kristo. ⁴ Esak humo do Ojok hindand thoithai, acha tha agracia no Ojok nesak Yesu Kristo do thai. ⁵ Etha baraa nang tho oyihothik bokolong, the titoyetha bokolong ha atehan bokolong. ⁶ Esak itha abara, iring najararik ijan athuk Kristo eruhohina diri di hiji ho thai. ⁷ Thia wang itha awang he won he esoritha ho Ohoile, di thilayerek da aleyori no Lamolo Yesu Kristo. ⁸ Esak ithai de akolon man etohe, di libo ie do ofaning lo Lamolo Yesu Kristo. ⁹ Obolo eruk no Ojok, ilongo inyong ie di suka ho oitho lonyong, Yesu Kristo Lamolo lo hothai. ¹⁰ Esusuyo nang ithai, olarok kari ahanerok, tho ofure tho lo Lamolo Yesu Kristo, le eruk itha bokolong, ongida ebua bua owang the hiji hothai. Esusuyo nang asuduha nathai di gigilo he esuka aboite. ¹¹ Ti nyahi ohothing ho Chloe do nang ijan ebuabua na dotho dihiji hothai. ¹² The ajo nang ahana: Ijo ithai abok abok, "Nang ho Paulo," kuya "Nang ho Apollos," kuya "Nang ho Cephas," kuya "Nang ho Yesu." ¹³ Ibuabua Krist? Obehohini Paulo di cruche thoiye? Ebaptisie ie tho ofure tho lo Paulo? ¹⁴ I jo nang humo do Ojok da awangan hindang ebaptisio juk aboite tho thai harihari Crispus karik Gaius. ¹⁵ Ara ahani da awang lobo lojo ebaptisie ithai tho ofure tho hindang. ¹⁶ (Ebaptisio nang ahang no Stephanas. Harihari hune, awang nang atek ara ebaptisio nang homok) ¹⁷ Acha kaang Kristo ifahu nang di sahina abaptismo ti di titoyo evangelio, ike tho ochamitha ho hongitha ho othulo, da awang acruche no Yesu isuka ijaa kuong ohobie. ¹⁸ Acha arami ha chama acruche inyong ebuyang do ho yaak, ti di hiji ho ohothing ha ahou Ojok, owon ara ohobie lo Ojok. ¹⁹ Acha egero, "Ethorohojo nang olofioro ho olafiorojok; esak nang de ohothing hotek arami tha awang ho oteha." ²⁰ Loja othulo lo owon ho olofrioro? Loja othulo le elafere la ahap ne? Kaang Ojok he loicho ofereho ha ahap ara ebuyang? ²¹ Acha awang ahap do fereho honyong ho otek Ojok, Omuno Ojok tho otitoitha he buyang di ihouna hullo he eruk. ²² Efiyo Ojude ethamijatha ha ako ara Ogrik efiyo ofereho. ²³ Ti ititoyo ohoi Yesu lo obehohini di cruche, ohibose lo Ojude karik ebuyang do Ogrik. ²⁴ Ti hullo helongu Ojok, bokolong Ojude ho Ogrik, itittoyo ohoi Kristo ara ohobie ha olofioro ho Ojok. ²⁵ Ti Ebuyang no Ojok okalaru elafioro ho ohothing, karik ajonan no Ojok okalak akolon no ohothing. ²⁶ Otiha elongo no Ojok ie, olarok ha ahanerok. Elafioro no holwa hotha awang ho oindu tho othulo; awang ohokolok holwa thothai; holwa hothai awang ho oyisuni di hangithek ho ohobuore. ²⁷ Ti onyimu Ojok aning ne buyang di hap di sa hinere ariri do olafiorojok. Onyimu Ojok aning najon di tha ahap do onyierek ariri aning nako. ²⁸ Onyimu Ojok aning nati nalauni thi tha ahap, asang ha awang ho ojori asang hamok,di yanerek da wangan ne ethahuyo asang ha koli bebe. ²⁹ Ihandio inyong ahani da awang othulo lobo le thadara di hithemi honyong. ³⁰ The egemitha tho ho Ojok, ie lo tho Yesu Kristo lo owon do ohoi ara olofioro ho Ojok- abisan nahoi, alibori, ha ahohina, ³¹ Iring najo ochame lo Ojok, "Othulo le thadara the thadarai tho Lamolo."