¹ Akakulu akeshibilo kali bonekele mwiulu: umwanakanshi ufwele pamo me kasuba pamo ne mweshi mushi anyachile amolu na abili antu bangabanga ikyali kumutwi wakwe. ² Umwanakanshi ali ne mpafu, kabili ali kuli lisha pakufyala nekusomenwa, na mukupotwa pakukwata umwana mukufyalwa. ³ Penka nakambi akeshibilo kali monekele mwiulu: Mona! penka lukoso kwali nikongamato ukashikile umukulu pakuti ali kwete isanu na ibili imitwi ne masengo ikumi. Kabili kwali monekele imichinya isanu na ibili iyali kumutwi wakwe. ⁴ Ikimindo kyakwe kyali fimineko natutatu nato utubangabanga mwiulu ne kutuposa tonse pa kyalo kya panshi. Penka kongamato kaimakana ukwali umwanakanshi uyo uwali mukwebati apane ifishika, penka pakuti wena umwanakanshi kabe ne kufyala ena kaba ne kusopola uyu mwana. ⁵ Mwanakanshi kafyala ne mwana, umwalalume umwana, Uyo ukali aklikula ifyalo fyonse pamo kwati ni kasako kakyela. Uyu mwana alipichilwe kuli ba Lesa ne kwikala petebe lyakwe ilya bufumu. ⁶ Kabili mwanakanshi kabutukila mupanga lukoso, kulya ba Lesa bapekenye ne pusha yakwe, penka umwanakanshi kaba na kupitwa mukumulama mulisho ishiku isawuzande limo ne myanda ibili ne makumi asanu na limo ishiku (1,260). ⁷ Penka kwali ikondo kwiulu, mikayeli na bamalaika bakwe balikulwa noyuweka kongamato. Kabili na kongamato na bamalaika bakwe kabalwa panuma. ⁸ Pakuti na kongamato taakoselepo ati abe ne kuwaina ikondo. Penkapo lukoso takwalipo ne mupunda mwiulu nakulibo kabili nakuli bamalaika bakwe. ⁹ Penka umukulu kongamato-pakuti nimulolo wakale uwitwa umulwani satana, uyo uwalikubepaika ikyalo kyonse mukyalo, kabili bamalaika bakwe kababa ne kubaposa pashi pamo na ena. ¹⁰ Penka naye kaofwa ishiwi ilikulu ukufuma mwiulu: ''Pano koisa mukupulusha kabili ne makosa ne bumfumu ukufuma kuli ba Lesa, ne sambu kufuma kuli ba Kilishitu. Penka uwakubashinina mubakwasu bamuposa pashi, uyo umo uwali kubashinina kuli ba Lesa besu kasuba ne bushiku. ¹¹ Penka kabashinda bena ne milopa aya mwana wambele kabili ne shiwi ilya bukamboni, pakuti takwepo ukutemwa ubumi bwakwe nangu no kufwa. ¹² Penka lukoso ukusanglala, webo weulu kabili bonse abo abushiwe mulibo! Pakuti ukupenga kuba pakyalo ne bali mufishiba, pakuti umulyani aikila pashi kuli mwebo! Ena aisula pamo ne bukali ubukulu kabili ashiba ati ena ali lukoso ne shita inini. ¹³ Ilyo kongamato akabuka ena ba kamuposa pashi mu kyalo, ena kamukakachisha umwanakanshi uyo bapele ukufyala umwalalume umwana. ¹⁴ Pakuti ne mwanakanshi ali pelye amapindo abili ayo akwashi ikulu pakwebati umwanakanshi alikakulukile ku mupunda upekanishwe kulwabo abali mupanga, Ifi fyali ne mupunda uwali ne mwanakanshi uwapichilwe ne kumulama, paliyo ishita, ishita, kabili ikiputulwa kimo ikya mpindi- kyali fumineko kuli mulolo kiso kyakwe. ¹⁵ Penka mulolo kapala amenda ukufuma mukanwa kakwe ali kwati mulonga pakwebati ena abe nemakosa akwisusha ne kumukupula ena ukuya. ¹⁶ Penka ikyalo kyali mukwashishe umwanakanshi. Ne kyalo kyalisukile pakanwa kakwe kabili kwalipalilwe ne mulonga pakati kakwa kongamato ayo afumishe mukanwa kakwe. ¹⁷ Penka na kongamato ali kenye ku mwanakanshi ne kufumako ne buli ubwakondo pamo na bonse abali mukifyashi kyakwe, bonse abo akatalile ba lesa mumafunde ne bakwete bukamboni pali ba Yesu. ¹⁸ Penka na kongamato kaemakana pa muchanga uwa fishiba mumenda.