¹ Itete kalipanwa kuli bemo mukubomfya kochi nintambo yakupiminako. Balingebele, atima kupime itempule lyaba Lesa ne kyakokelapo umulambu, kabili nababao abaya mukupopwelamo mukati. ² Lomba mwekapimi uluansa lwapesonde yetempele, pakuti lwalipenwe kuba Jentile kabili nemushi uyu uushilile ukanyantaulwa. pamyenshi amakumi ane na ibili. ³ Nkapele imboni shangi shibili insambu sha kwa ula panshi, imyanda ikumi naibili nenshiku amakumi asanu nalimo, kashifwele, ifyakufwala fyamasaka. ⁴ Ishi imboni efichi fibili ifya Olifi, ne fyakutulapo inyali fibili ifyo ifyaimakene kumenso aba Shikulu ba pa kyalo. ⁵ Kani umo asala ukuba someshe, umulilo kafuma mutunwa twabo nekonala abalwani babo. Uli onse uyo ulanguluka ifya kubonaula, ati alilingile ukwipaiwa muli wenko yumusango. ⁶ Ishimboni shili nemakosa akwisala emeulu ukweba ati takulipo imfula ukunoka mulishiso inshiku ishakwa wilamo. balikwete amakosa aakwalula amenda ukuba umulopa uuli onse uyo bafwaya. ⁷ Ili benga fwaisha ukupwisha kwabumboni bwabo, ikiswango ikyo ikifuma panshi ya kiloñgoma kya kyalo kikaleta amalwangana pakachi kabo. ye akabashinda bena kabili nekubepaya. ⁸ Imibili yabo ikalala mumisebo iya mumishi yabo iyikulu (iyo iyili nkimpashanya ikitwa ati Sodoma kabili enjipiti kulya ukwili baShikulu uko babatanikile. ⁹ Penka pashiku shitatu nekichika, bamo ukufuma mubantu bonse, imitundu, imilaka ne kyalo, fikalukulolesha pa mibili yabo, kabili tabaka suminishiwepo ukubweshiwa mufilende. ¹⁰ Abo abenka pano pa kyalo kya panshi bakabasekalela ne kusangalala. Penka bakalitumina impese kuli umo nemukwabo pa kwebati aba babili abakutulisha abo abamanikilwe kulyabo abekala pano pakyalo kya panshi. ¹¹ Pakuchi pakupita inshiku shitatu nekichi ka mukupanwa kwabumi ubwa kufuma kuli ba Lesa bukabengila bena, kabili, bakemekana namolu abo. Umenso uukulu ukaponena pali babo abakabamona. ¹² Penka bakomfwa ishiwi ilikulu ukufuma mwiulu na kulabila kulibo ati; Iseni kuno,kabili bakaya mwiulu mumakumbi, kabili nebalani babo bakbalolesha. ¹³ Pali iyo mpindi kukaba ikinkukuma ikikulu, kabili ikumi limo ilyauyo mushi lika pona, kabili a musausande asanu ba abili abantu kapaiwa mulikiki ikinkuma. kabili nababo abakapusuka bakachinishiwa kabili bakapela ubuleme ba Lesa aba mwiulu. ¹⁴ Ukupenga kwabubili kwapita. Boneni! ukupenga kwabutata kulukwisa bwangu. ¹⁵ ''Penka inkalamba yabusanu na bubili yalilishishe ulu penga lwayo. nemashiwi akulu ukufuma mwiulu alabilwe ati. Ubufumu bwapano pa kyalo bwaba bufumu bwaba Shikulu besu, nali ba Kilishitu bakateka umu yayaya.'' ¹⁶ Nebakulu amakumi abili nabane abo abekele pafipuna fyabo mukyeni kya ba Lesa, bali ponene panshi ubwifuneme nekubalambila ba Lesa. ¹⁷ Nekulabila ati, twapela ukusnta kuli mwebo, ba Lesa aba makosa, mwebo mwe mulipo kabili mwe mwalipo, pakuti mwapoka amakosa onse nekutatika ukuteka. ¹⁸ Penka ifyalo fyonse bali bele nekufikusha, pakuti mwebo ubukali bwenu bwaisa impindi yafika iya kupingula abafwile ne yenu, Iya kulambula aba bomfi benu neba kutulisha ne bashilile aba ba Lesa, kabili nababo abali nemwenso uweshina lyenu, pamo nefitafilemene ne filemene. Impindi yenu yafika iya konaula abo aba leonaula ikyalo.'' ¹⁹ Pano inanda yaba Lesa ili mwiulu yaliswilwe kabili ne mbokoshi iya mulaye wabo yali bwenekele munanda yaba lesa. Kabili kwalibele ukubyasha. Ukululuma, ukupatapata, nemashiwi, nefitentashi nemfula yamabwe.