Ulwimbo , masamo ablalume bakwa Kola; kumukulu waba kemba; anshikeni mumusango waba Malalati Lenoti, amaschila waba Heman waba Isalaiti. ¹ Bayawe, lesa uwepusukilo lyangi ndalila akasuba nebushiku kulimwebo. ² Unfweni umulombelo wangi wangi nekukuchika kukulila kwangi. ³ Pantu njiswile nefyakukatasha, kabili ubumi bwangi bwafika kyabafu. ⁴ Abantu balamanika kwati nobabo abaya panshi yakilinji kyabafu. ⁵ Njiposelwe pakachi kabafwile; njikochi mufu uulala mukilende, uyu mwebo mulekele ukusunga pantu aliputukile kunku makosa enu. ⁶ Muli mbikile mukilinji ikipelele, mu mfinshi kabili mumapusha iya panshi. ⁷ Ubukali bwenu bulilemene palinemo, nemankapa enu kapita peulu palinemo. ⁸ Pantu pali mwebo, mwalintalamwine kuba nangi. Mwandenga nemo uwa kukumya menso abo kulinemo.Njishinkilwe mukachi tekuchi kambabu tukane. ⁹ Amenso angi akonyongala pamulandu wafyakukatasha fyangi; akasuba konse ndeta kulimwebo bayawe; ndatambika emaboko angi kulimwebo. ¹⁰ Tekuti mukite fyakupapa kubafwile? bushe abafwile bakabuke nekumitota mwebo? ¹¹ Buse ukulayana kwenu kwakishika kukashimikilwa mufilende, kani ukuketekelwa kwenu kukatulishiwa kukufwa? ¹² Bushe imikichile yenu iiweme ikesheba nikwa mumfinshi, nangu ubulungami bwenu kumpusha iya kulubilako? ¹³ Lomba nemo nalila kuli mwebo, mwebayawe; mumpindi yakumakya ukutembele kwangi kukesa ikyakutanga kuli mwebo. ¹⁴ Bayawe, nindo mwankanina? nindo mwafishile kilungi kyenu kuli nemo? ¹⁵ Lyonse ndaba ukatashiwe njimupepi nekufwa ukufuma kubwanike bwangi ili nkipenga pafyakuchinya; ili nalekelelwa. ¹⁶ Ukufitwa kwenu ukukali kwa mpo okela nemo, kabili nefikateshe ifi mukita fyangonaula nemo. ¹⁷ Fila nshinguluka nemo kochi menshi akasuba konse; fili shinulukila pali nemo kochi menshi impindi yonse yakasuba! fyonse filinshingulukile. ¹⁸ muli fumishe po aba nangi bonse nefibusa fyangi kuli nemo, pano ikibusa lukoso nimfinshi.