Ukwimba kwakwa Davifi, uko aimbile kuli ba Yawe ukulingana nemashiwi yaba Cush nabana Benjamina. ¹ Mweba Yawe ba Lesa bangi, nafisama muli mwebo! Mpokololeni kuli babo bonse abankotafya, nekundwila. ² Pantu, koti ba ntabaula mufipande kwati nibokwe, ukutabaula nemo mufipande ukwakubula nangu umo uwa kupokololako. ³ Ba Yawe ba Lesa bangi, nganakita iki, kabili kuli ukushininwa kwamaboko angi - ⁴ Nga nakita ikibipile kuli uyo uli ne mutende na nemo, nangula ukusomesha umulwani wangi ukwakubula amano nefiakita, palififyo umfweni amashiwi yangi. ⁵ Lomba lekeni aba lwani bangi bankonka umweo wangi nekupitilila; Mulekeni unyantaule ubumi bwangi pa mushili nekuposa umunkishi wangi mulukunga. ⁶ Imeni, ba Yawe, mubukali bwenu; imakaneni mukundwila ubukali bwaba lwani bangi; bukeni pamulandu wa nemo neku pinta ubulungami bwa filapo ifyo mwaba kambisha. ⁷ Ifyalo fyabungana fyonse neku mishinguluka; pinteni mpitileni limo impusha yenu iweme ukukila bena. ⁸ Ba Yawe, pinguleni ifyalo; mpokololeni, ba Yawe, pantu ndimulungami newa kubula umulandu, mweba peulu. ⁹ Lekeni ifikitwa fyababi fipwe, pano mwimike abantu abalungami, Ba Lesa abalungami, mwebo mwemupima umitima nemano. ¹⁰ Bukingo bwangi kilafuma kuli ba Lesa, abo aba pususha aba lungami mu mutima. ¹¹ Ba Lesa bapingushi abalungami, ba Lesa aba nkumbu ubushiku ubili bonse. ¹² Ngo muntu talapile, ba Lesa ba kanona ulupanga lwakwe nekupekanya ikyakusololelako kunkonda. ¹³ Alapekanya ubukingo mukumulwisha; alapanga imisumbo ishaka. ¹⁴ Langulukeni pa mwanakashi uwimitile nefya kubipa, uwimitile fimilanguluko ifyakonaula, uyo ufyala ubufi ubwakwipaya. ¹⁵ Alasepa ikilindi nekufumyamo iloba kabili ne kuponenamo mukilindi asepa. ¹⁶ Ifyakuntatika fyakwe ifyabonaushi fibwelele kumutwe wakwe, pakuti ubonaushi bwakwe bubwele panshi kumutwe wakwe. ¹⁷ Nkapela ukutota kuli ba Yawe pabupingushi bwabo; nkembo ya kubatota ba Yawe aba peulu.