Kumwine umukulu wakwimba. Amashikili akwa Dafiti, ili Doeki umwina Edomi alishile ne kumweba Saulo, kabili nekulabila ati, "Dafiti aisa ku nganda yakwa Aimeleki." ¹ Nindo wabela uwakulitota mukuleta ikimfulunga nya, webo wemuntu wamakosa? umulaye wakiketekelo kya balesa kilesa inshiku shonse. ² Ululimi lobe lulapekanya ifya konaula, kochi lukembe ulutwile, ukupyunga mukubepwa. ³ Ulitemenwe ububi ukukila ikiweme kabili ubufi ukukila ne kulabila mulibukine. Sela ⁴ Ulitemenwe amashiwi onse aonaula bambi, webo welulimi lwa bufi. ⁵ Balesa ikine bakakonaula umuyayaye; kabili bakakufumya mwitente nekukunukula nekukufumya pakyalo kyabomi.Sela ⁶ Abalungami nabo bakakimona nekutina; bakalukumuseka ye nekulabila ati, ⁷ "bona, uyu amuntu uyo taketekelepo ati balesa emwakufisama, sombi aliketekele mukufula kwabunoshi bwakwe, kabili alibele namakosa ili aonawile bambi." ⁸ Sombi koti ninemo, ndi koti kutenkuma kwa kichi kyakyo plifi munganda yaba lesa.Nkaketekela mufyamulaye wabukine uwaba lesa umuyayaya. ⁹ Ndukumipeleni mwebo ukutota ukwqa muyayaya pafyo mwakita. Nkapembelela ishina lyenu, pantu liweme, kumenso abashilile benu.