¹ Uwa mwine umukulu wabakemba. Masamo abana bakwa Kola. Toteni amaboko enu, mwebantu bonse; bilikeni kuli balesa ne shiwi ilya kusekelela. ² Pakuchi bayawe abakila peulu balechinia; nimfumu kuli balesa iya kilamo pakyalo kyonse. ³ Alabwahsa abantu munshi yesu nefyalo munshi yamolu esu. ⁴ Alatusalila ubupyani bwesu fwebo, ubukata bwakwe yokobo yo atemenwe. ⁵ Balesa baya peulu ne kubilika, bayawe kilulumo kya ntolopita. ⁶ Imbeni iyakulumbanya balesa , imbeni iyakulumbanya; imbeni iyakulumbanya ku mfumu yesu, imbeni iyakulumbanya. ⁷ Pakuchi balesa nimfumu pa kyalo kyonse; imbeni iya kulumbanya ne kulumfwisha. ⁸ Ba lesa balatangilila ifyalo fyonse; balesa balekala pa mupando wabo uwa mushilo. ⁹ Abana ba mfumu babungana pamo ku bantu balesa bakwa Abalama; pakuchi ifya kufisamamo pa kyalo fili kuli balesa; ewa kilamo ukulemeshiwa.