¹ Kumukulu wa ñsomba. Amasamo akwe Dafiti. Imfumu ilasangalalila mumakosa enu, ba yawe! ukusangalala ukukulu alasangalala mukupulusha mupanda! ² mwamupela ififwaya umuchima wakwe tamwakwete nekubwesha kunuma ifyakufwaya kwamilomo yakwe.Sela ³ Pakuti mumuletele ubunonshi bwepalo; mwalibikile ikingalangala kumutwi waiyo iya Golide iweme. ⁴ Alilombele ubumi! namwebo mwalimupele; mwalimupele nebutali bwanshiku shakwe isha nshiku shonse isha muyayaya. ⁵ Ubuleme bwabo bukulu pakukimfya kwenu; mwabikapo paliye ubukindami nebuleme. ⁶ Pakuchi mulamupela amashuko aya takapwe; mulamusangalasha ne nsansa pa menso enu. ⁷ Pakuchi imfumu ilaketekela muli ba yawe; ukupichila mukulayana kwakishinka ukwamwine ukililepo takafumishiwepo. ⁸ Ukuboko kobe kukakwata abalwani bobe bonse; ukuboko kobe ukwakululyo kukwata abo aba kupachile. ⁹ Pampindi iya bukali bwenu, mukabokya bonse kochi nimukisha kyamulilo. Bayawe bakabonaula mubukali bwabo, kabili ne mulilo ukubalya bo. ¹⁰ Mukonaula abana babo ukufuma pakyalo nefikota fyabo ukufuma mubantu. ¹¹ Pakuchi balukulanguluka ukumikitileni ifibipile; bali nelangushi ilyakukikita lomba tabakafikilishe! ¹² Pakuti mwebo mukabalulula; nekubabweshamo, mukandika ubuta bwa muketo kulibo. ¹³ Ngamukindikwe, bayawe, mumakosa enu; tukemba nekutota amakosa enu.