Ulwa mwine umukulu waba kemba. Isamo lya kwa Dafiti. ¹ Ba yawe benga mofweniko mukasuba kafya kukatasha; ishina lyaba lesa wakwa Yakobo lyenga mikingilileni mwebo ² ne kutuma ubwafwilisho ukufuma ku nkebde nkosho ukufuma mu Ziyoni. ³ Eenga anuka fyonse ifyo mupaana kabili ne kusumina ne milambu yenu ya kookya. ⁴ Eenga mipeleni ififwaya imichima yenu kabili ne kufikisha ifyo mulanguluka ukukita. ⁵ Penka fwebo tukasangalalila mu kukimfya kwenu, kabili, mwiishina lyaba lesa wesu, fwebo tukasuntula imbandeela. Ba yawe benga mipeleni fyose ifyo mukabila. ⁶ Pano naishiba achi ba yawe bakapulusha uusubilwe wabo; bakamwasuka ena ukufuma kwiulu kwabo ukushilile ne makosa akuboko kwabo kwa lulyo uko kwenga mupulusha yee. ⁷ Bambi balaketekela mu ngolofwana kabili bambi nabo muli bakafwalo, pano fwebo tuleta pali ba yawe lesa wesu. ⁸ Bakabweshiwa panshi ne kupona, pano fwebo tukeema ne kwimakana! ⁹ Bayawe, pulusheni imfumu; twafweni fwebo kani twamiita.