¹ Peleni ukutota kuli ba yawe, pakuchi bo baweme, kabili nekulayana kwabo ukwakishishika kulikalile myaka shonse. ² Lekeni ukupulusha kwaba yawe kulabile ukufuma , abao aba babapulwishe ukufuma mukuboko kwa mulwani. ³ ababungika bo ukufuma mufyalo fimbi, ukufuma kumutulesuba naku mbonshi, ukufuma ku kabeta ka kubuyeke na kukabeta ka kubulenge. ⁴ Bali kupitana mumpanta pa nshila pa nshila ya mukiselebwa kabili tabasangilepo mushi wakwikalamo. ⁵ Pakuchi bali ne nsala ne kilaka, bali pungile ku kutatala. ⁶ Penka baliichile pali bayawe mufya kukatasha fyabo, kabili bali bapulwishe ukufuma mufya mufya kukatasha fyabo. ⁷ Kababa tangilila munshile yoliolokele ukweba achi baye kumushi mukwikala mo. ⁸ Oh ukweba achi abantu benga tota bayawe pakulayana kwabo ukwakishika kabili napakukankanmana ifi bakita paba bantu! ⁹ pakuchi ye alekuchisha balya aba fwaisha abali ne kilaka, neba fwaisha abo abali ne nsala alabesusha nefwintu ifiweme. ¹⁰ Bambi balikele mumfinshi namukinshingwa kya mfwa, abatungwa mukukyula namuminyololo. ¹¹ Ifi kyali pakuchi bali alukile amashiwi aba lesa nekana ukukambisha kwa bene aba peulu. ¹² Ali ba tekele michima shabo ukupita mu fikosele; bali lituntwile kabili tapalipo uwa kubofwa ukwima. ¹³ Penka balichichile ukufuma kuli bayawe mumakatasho abo, kabili aliba letele ukufuma mufya kukatasha fyabo. ¹⁴ Alibafumishemo ukufuma mufinshi na mukinshingwa kya mfwa nekumokela fibakakilweko. ¹⁵ Oh balya bantu benga tota bayawe pakulayana kwabo ukwakishinka kabili napa fintu fya kukankamana bakita kubantu! ¹⁶ pakuchi ye ali mokawile fiibi fya lubembe kabili neku patula ukupula mu myubu sha lubemba. ¹⁷ Balipuneme munshila sha mishililwila shabo nekukyula pakuchi pakubifya kwabo. ¹⁸ Balilufishe nekufwaisha kwabo ukwa ukulya ikyakulya ikili kkyonse, kabili balishile apepi ne fiibi fya mfwa. ¹⁹ Penka kabeta kuli ba yawe mufya kukatasha fyabo, kabili balibafumishe mufyakukatasha fyabo. ²⁰ Alitumine shiwi lyakwe nekuba tendulusha bo, kabili aliba pulwishe kufya kukatasha fyabo. ²¹ Oh achi abantu benga tota bayawe pakulayana kwabo ukwa kishinka na fintu fya kukankamana bakichile pa bantu. ²² Lekeni bapele umulambo wakutota neku twalekyebo kya kwimba. ²³ Bambi kabenda pa mashiba mu maato na kukito busulushi peulu ya mashiba. ²⁴ Aba balimwene ifikitwa fyaba yawe nefya kukankamana peshiba. ²⁵ Pakuchi alikabishe ne kwimya kipupu ikyo kilelaule ishiba. ²⁶ Balifikile na mwiulu; balipwelele na panshi apene.Imyeo shabo kashi sunguluka ku fya kukatasha. ²⁷ Balikubalangila ne kutalantanta kochi nibabo aba pendwa kabili tabeshi ifi bengakita. ²⁸ Kabili bali chile kuli bayawe mu fyakukatasha fyabo,kabili bali bafumishemo mufya kukatasha fyabo. ²⁹ Ali lekeshe kabesha, ne kipupu kyali kilekele. ³⁰ Popepele bali sangalele pakuchi ishiba lyali kelele, kabili alibaletelebo kukitulu kwenka balikufwaya. ³¹ Oh achi abantu benga tota bayawe pa kulayana kwabo ukwa bukishinka na pafintu fya kukankamana kubantu! ³² Lekeni bo ba batote mu mabumba abantu ne kuba tota mu mabumba a bakulu ³³ Balalula amaniko kuba nimpanga, ne ntulo ya tunika mumushili uumine, ³⁴ ne mushili wa fisepo ifikwata mupunsha yabungamba kumulandu wakubifya wabantu ba iko. ³⁵ Balaalula mmpango kuba fishiba fya menshi ne mushli uumine ukuba mu ntulo ya menshi. ³⁶ Balekalika abali ne nsala kwenka, kabili balasompa ne mushi kwenka uwa kwikalamo. ³⁷ Bali byele amabala ne kubyalamo amalimi amfaina aya a fumishe ukusombolo kuweme. ³⁸ Ala pala bo bafule tabaleka achi inama shabo shikokepelwa mukupenda. ³⁹ Bali abakukepelwa nekubweshiwa panshi ne kusomena kwa kubweshiwa panshi kupenga. ⁴⁰ Balechilo pa ntangishi nekubalengo kupitana mumpanga, umo umutamuli imikwakwa. ⁴¹ Lomba bala ba kingilila abakalilwe ukufuma kufya kukatasha ne kusunge ifyashi yakwe kuba chilitanga lya mbelele. ⁴² Abalungeme bakamonefi ne kusangalala, nebabifi bonse bakesalo tunwa twabo. ⁴³ Uyo uuli ne milangwe alilingile ukufwefi fintu nekwikala kelele pafyo bakita ba yawe pakulayana kwa kishinka.