¹ Paneni ukutota kuliba Yawe, iteni peshina lyabo; pangeni imikitile shabo shishibikwe mumikoka. Imbeni kulibo, imbeni ishakutota kulibo; ² Labileni pafintu fyonse if kilile mukuwama ifi bakitile. ³ Litoteleni mwishina lyabo ishilile; lekeni imitima yababo abalukufwaya ba Yawe eh isangalale. ⁴ Fwayeni ba Yawe ne makosa abo; fwayeni kusangwapo kwabo ukwakutwalila. ⁵ Anukeni ufyakukita fyabo ifiwaminine ifi bakitile ifyakukankamana ne fyakuputula imilandu ukufuma mukanwa kabo. ⁶ Mwebo mwekifyashi kyakwa Abulahama umubomfi wabo, mwebo mwebantu bakwa Yakobi, mwemusalilwe. ⁷ Bo ni bayawe, lesa wesu. Ukupula kwamilandu kwabo kuli pano pesonde lyonse. ⁸ Bo balalanguluka ifya mulaye wabo umuyayaya, neshiwi ilyo alaile ilya amyanda ikumi ilya kifyashi kyakuntashi. ⁹ Alabwela kukwanuka umulaye uyo akichile na Abulama kabili nekulapa kuli Isaki. ¹⁰ Iki ekyo akoseshe Yakobi ukuba lifunde kabili kuli Isuleli ukuba umulaye umuyayaya. ¹¹ Alilabile ati, "nkakupeleni webo ikyalo kyakenani ukuba lubali lobe ulwa bupyani." ¹² Aliilabilefi ili bali lukoso banini mumpendwa, bali banini, kabili bali benni mukyalo. ¹³ Kabili balile kumiko ne mikoka kabili ukufuma kubufumu bumo kabili nabumbi. ¹⁴ Tabasuminishepo nangu umo ukubakite fibipile; balikennye imfumu pakuti palibo. ¹⁵ Balilabile ati, "tekweha ukukwata pabasubwa bangi, kabili tekwesha ukusomesha abembeshi." ¹⁶ Balichile ikipowe mukyalo bali putwile konse ukupanwa kwa mikate. ¹⁷ Balitumine umuntu kuntangile yabo Josefu balimushitishe ukuba mubomfi.