1 Aba Yawe kabalabila kuli Mose nokulabila. 2 ''Ba bweshesheni abena Midyani ifi bakitile kubena Isuleli. Panuma ya kukinta, muli nokufwa nokumibungisha ku buntu.'' 3 Ali Mose alabile ku bantu. Alilabile ati, '' Fujisha abantu bobe bamo baye kukondo pakuti baya nokulwisha abena Midyani kabili nokupita ba Yawe ukubweshanya paliki. 4 Umutundu onse mu Isuleli alilingile ukutuma abashilikale kitota kimo kukondo.'' 5 Ali ukufuma mu Isuleli ikitota kimo, kitota kimo ukufuma mumutundu umo bali pelwe ukufuma mu fikota fya bena Isuleli, ikumi limo natubi kitota abalalume abakukondo. 6 Pano Mose ali batumine kukondo, kitota kimo ukufuma mumukoka, Balile nabana bakwa finyanshi mwana Eleeza umupapatilishi, kabili nafimo ifipe fya mushilile netolopita talikalilwe upaninako ifishibilo. 7 Balilwele nabena Midyani, fyenka ba Yawe babakambishe Mose, 8 Bali peya abalalume bonse. Bali peya nefumu yabena Midyani na bonse abasheleo bali fitubi: Evi, Lekem, Zula, Aula leba, nefumu shisanu shabena Midyani. kabili balipeye Balamu mwana Beol, nemupanga. 9 Ne fintu fyabena Isuleli kabapita abasha abanakanshi abena Midyani, Nabana babo, ne ñgombe, ne mbelele, nefipe fyabo fyonse. Bali bapichile abakonaula. 10 Balyokele imishi umo balukwikala nekukambisha bo pamo. 11 Balipichile abakonaula nabakaili, abantu ne nama, 12 Bali letele bakaili, nabakonaula, nokwikata ifintu nokulenta kuli Mose, kuli Eleeza umupapatilishi, nakukimasamasa kya bantu ba mu Isuleli. Bali filetele mukambi mwilungu lya Moabi, ku Yodani pabwipi na Yeliko. 13 Mose, Eleza umupapatilishi netangishi shafimasamasa balile nokubakumanya mu posonde lyakambi. 14 Lomba Mose alifitilwe nabakulu bafitilwe nabakulu bafinta, abakulu ba myanda nabakulu ba mwanda abaishile kukondo. 15 Mose kalabila ukwebati,'' Mwaleka abanakanshi bonse nobumi? 16 Moneni, aba banakanshi ebalengeshe abantu ba Isuleli, ukupila muli Balamu, ukufwila Balamu, balikitile ububi. Kuli ba Yawe ububi bwa Peola, Ili myalo yaba Yawe yaponene mufimasamasa. 17 Pano penka, mwipaye bonse abalalume banini nabanakanshi bonse abaishiba umwalalalume pakulu kulala nakwe. 18 Lomba buleni abanakanshi bonse abanini abatabeshibele abalalume pakubula ukulala nabo, 19 Bonse muli mwebo abaipaya nangu umo nangu kumwikata u-waipaiwe alilingile ukwikala posonde lya kambi pashiku shisanu na tubil. Pabushiku bwa butatu napa shisanu na tubili mulilingile ukulitambisha mwebene nabasha. 20 Mukalisafye kufyakufwala fyenu nafyonse ifyapangwa ku nama ififiseme ne mbushi amasako, nafyonse ifyapangwa kuli tonge. 21 Eleaza umupapatilishi kalabila kuba finta abaile kukondo. ''Uyu mukambisho ukalikilwe uyo ba Yawe bapele Mose. 22 Ngolide, Siliva Bulozo, ikyela, ukikoopo ne Ledi, 23 Kabili na fyonse fintu ifyo ifiluku kanya umulilo, mukafimbika pamulilo, kabili kikatuba. Mukatubishe ifyo fintu nameshi pakutambisha. Fyonse ifi tafikatubishiwa mumulilo mukafitumbushi na meshi. 24 Mukaweshe ifyakufwala pa bushiku bwa busanu natubili, kabili mukatuba. Panuma alimuke mukachi Isuleli mukabi. 25 Penka ba Yawe kabalabila kuli Mose nokulabila, 26 Belenga fyonse ifyo naikile fintu ifya pichilwe, abantu ne nama, webo na Eleaza umupapatilishi ne mutwi wakifyashi u-wafikolwe fya mitundu. 27 Balilingile ukwabanya ifyonaikili mumbali shibili. Mwabanya kubashilikale abaile kukondo nakuli bonse abekala mukimasamasa. 28 Pano Levi umusongo alilingile ukupanwa kuli nemo ukufuma kufintu ifyaile kukondo. Uyu musoko ali umo ukufuma 500, fingaba abantu, iñgombe, ipunda, imbelele, nangu imbushi. 29 Ukafumenye umusoko ukufuma mukabeya nokupana kuli Eleaza umupapatilishi pakya bupe ikilingile ukupanwa kuli nemo. 30 Kabili ukufuma kubena Isuleli, akabeya kamo, ukafumya kimo ukufumyabo ukufuma mu bantu, iñgombe, ipunda, imbelele, ne mbushi, mukapane kubena Levi abasenga itepuli.'' 31 Ali Mose na Eleaza umupapatilishi bakitile ifya bakambishe ba Yawe bakambishe Mose. 32 Pano ifya shelepo ifyonaikile ifyo ifintu ba pichile fyali 675,000 imbelele, 33 72,000 iñgombe, 34 61,000 ipunda 35 32,000 abanakanshi abatabaishibilepo abalalume abakulala nabo. 36 Ikibeswa kyabeshelepo kufinta 3337,000 imbelele. 37 Ukufumyako imbelele ba Yawe babulile shali 675. 38 Iñgombe shali 36,000 isho ba Yawe bapichilemo ulya bali shali 72. 39 Ipunda shali 30,500 ba Yawe kababulamo 61. 40 Abantu bali 60,000 abanakanshi ba Yawe kababulamo 32. 41 Mose kafumyamo amusoko u-wamabupe ukupela ba Yawe. Alipele ELeaza umupapatilishi, fyenka ba Yawe bakambishe Mose. 42 Kubana ba Isuleli akabeya kamo Mose afumushe kufintu abo abaile kukondo- 43 ifimasamasa akabeya kamo kali 337,500 imbelele. 44 36,000 iñgombe ishilume 45 30,500 ipunda 46 na banakanshi 16,00 47 Ukufuma ku bantu ba mu Isuleli akabeya kamo, Mose kabula kamo ukufuma pa makumi asanu, pa bantu na panama. kafipana ku bena Levi abalukusunga itepuli lyaba Yawe ifyenka ba Yawe babaka kambishe ukukita. 48 Abakulu bafinta, Nabakambishi bafinta ukukila 1,000 nabatangilila ukukila 100, kabesa kuli Mose. 49 Kabalabila kuliye, '' umusha wenu apenda ifinta abatabali mushi yafwebo ukubakambisha, Takulipo u-wabulila nangu ukuluba. 50 Twaleta ifyamabupe kuli ye ba Yawe, ifyo umuntu asanga, Ifipifwa fya golide, amoleti, ifikomo, balingile bapamyona, namashikiyo, Neminyololo ya mumukoshi. Ukupanga ukusunta fwebo fyebene kumenso aba Yawe.'' 51 Mose na Eleaza umupapatilishi kapoka golide na fyonse ifyakubasa. 52 Fyonse golide wabupe bapele kuli ba Yawe ubupe ukufuma kubakulu bafinta wali 1,000 kubakulu 100 nokulema 16,750 amasekele. 53 Ikinta kyonse kyali nokyonaikile, umuntu pamuntu-umwine. 54 Mose na Eleaza umupapatilishi alibulile golide ukufuma kumukulu wafinta 1000 nakufilolo 1000. Balifitwele mwitente lya kukuma ninamo ukuba ifya kwanukilako ku banta ba bena Isuleli kuli ba Yawe.