¹ Mose kalabila kutangishi sha bana ba Isuleli. Kalabila,'' Ifi efyo ba Yawe ba kambishe. ² Nga umuntu alaya kuli ba Yawe, nangu alapa umulapo uwakulikaka kubulayo umina, tafwile ukutoba amashiwi yakwe. Afwile ukusunga ukulayana kwakwe mukukita kyonse ikyo ikyafuma mukanwa kakwe. ³ Ilyo umwanakashi umwanike uwikala muñanda yaba wishi apanga ukulaya kuli ba Yawe nekuli kaka umwine kubulayo, ilyo akili muñanda yaba wishi, ⁴ nga ba wishi baumfwa umulapo ne kulaya palifyo alikaka umwine, nga tabalabila nangu kimo ikya kubwesesha kunuma yakwe, palififi fyonse ifyo alapile fikaba pali ye, kabili nakyonse alaile akakwako umwine kikemakana. ⁵ Lomba nga ba wishi ba fisula ilyo ba umfwa ikyo kintu, tapakabepo pafyakulapa kwakwe ifyo alaile umwine ifi kemakana; Ba Yawe baka mukakululu pakuti ba wishi bamukanya. ⁶ Nga aupwa kumwalalume panuma yakuchipa nangu ululimi lwalabila ikyakulaya ikibipile ikyo ikyakwebati alikaka umwine, ⁷ Kabili umulume wakwe ukyumfwa nekulabila nangu kimo ku mukashi, palififyo ukulapa kwakwe kukemakana, kabili nefi alaile ifyo ifi mukakile umwine fikemakana. ⁸ Nga kyakwebati umulume wakwe amukanya pali bulya ubushiku akyufwilapo, nekukikanya ikilapo kilya apangile, ukulabila ukubipile ukwalulimi lwakwe ukwa mukaka umwine, kabili ba Yawe ba kamukakulula. ⁹ Lomba ukulapa konse ukwa kitushi nangu umwanakashi ikyupo kipwile akemakana kukilapo kyakwe. ¹⁰ Nga umwanakashi alipangile ukulapa muñanda ya mulume wakwe nangu ukulikaka umwine pakulaya nekulapa, ¹¹ Kabili umulume wakwe aumfwa pali kikyo nekulabilapo yowo amukanina, lomba ukulapa kwakwe kukemakana, kabili nafyonse ifyo alaile ifyo alikakilemo umwine fikemakana. ¹² Lomba umulume wakwe nga afikana palibulya ubushiku afyufwa, penka kyonse ikyafumine palulimi lwakwe ukupitila mu kulapa nangu ukulaya tafya kemakane. Umulume wakwe afikana, kabili ba Yawe bakamukakulula. ¹³ Ukulapa ukuli konse ne kukaka ukuli konse ukwakulapa ukwaku mushupa, umulume wakwe kuti akilenga kyaimakana nangu umulume wakwe kuti akifuta. ¹⁴ Lomba umulume wakwe nga talabile nangu kimo kumukashi ukufuma pabushiku ne ne bushiku, palikikyo asuminisha fyonse ifilapo nekukaka ifilayo ifyo apangile, kabili fikemakana, pantu talabili nangu fimo kumukashi pabushiku afyufwile. ¹⁵ Nga mulume akana ukulapa kwa mukashi wakwe ilyo afyumfwa, penka akaba uwakushatwa pafya mukashi wakwe.'' ¹⁶ Ifi fipope ifyo ba Yawe ba kambishe Mose ukubeba - ifipope ifilipakati ka mwalalume ne mwanakashi kabili pakati kaba wishi ne mwana umwanakashi ilyo akili mubukashana mu kifyashi kyaba wishi.