¹ Penka Yona katembela kuli ba Yawe ba Lesa bakwe munda ye sabi, ² Kalabila, ''Kangita kuli ba Yawe pakupelelwa kabili alingasukila; kufuma mukapafu kange-ena kanjilila ukungofwa! kamumfwa ishiwi lyangi. ³ Mwalimposele nemo mu finshikile, mu muchima wa fishibe fikulu, kabili nemukuku walinshingulukile; onse amaukapa enu ne manyaki alipichile peulu yangi. ⁴ Nalilabile, 'naposewa ukutali ukufuma kumenso enu; Nangunifyo nkakeba libili kwi tempele lyenu ilya mushilo.' ⁵ Amenda alimfimbile ukufika mumukoshi; ukudhika konse kwali nshingulukile nemo; ifyani fya mukishiba fyali pombele kumutwe wangi. ⁶ Nalile panshi ukutampila amapili; ikyalo kyali nshikile nemo netupingilo umuyayaya. Nangu nifyo kamuleta ubumi bwani peulu ukufuma mu kilinji, ba Yawe, ba Lesa bangi! ⁷ Neli umweo wangi apungile muli nemo, kangita ba Yawe achi banganuke; penka itembelo lyangi lyaishile kuli mwebo, kwitempele lyenu ilya mushilo. ⁸ Balapose amano kuli tuba lesa twafye lomba balasha ikipangano kyakiketekelo. ⁹ Lomba nemo, nkapela imilambo kuli mwebo neshiwi ilya kutota; nkafikilisha ifilya ifyo nalaya. Ipusukilo lilafuma kuli ba Yawe!'' ¹⁰ Penka ba Yawe kabalabila kwisabi, kabili kalimuluka Yona pamushili u-umine.