¹ Mose alitila Isuleli onse nekulabila kulibo, ''Umfweni, Isuleli, kufipope nefya kulapa ifyo nkolabila mumatwi yenu lelo, pakuti mwinga yafunda neku yasunga. ² Ba Yawe ba Lesa besu bali pangile ikipangano na fwebo pa Horebe. ³ Ba Yawe taba pangile ikipangano nefikolwe fyesu, lelo na fwebo, bonse abakipema kuno lelo. ⁴ Ba Yawe kabalabila na mwebo impumi ne mpumi pakati kakimbili ikikulu ikya mulilo. ⁵ (Nali makene pakati ka ba Yawe na mwebo pali iya pindi, mukusokolola amashiwi yakwe; pakuti mwali aba mwenso pamusango wa mulilo, kabili tamwaile peulu ya lupili. ⁶ Ninemo Yawe Lesa wenu, uwa mifumisheni mu kyalo kya Ijipiti, ukufuma muñanda yabusha. ⁷ Mwikakwata ba Lesa bambi ukufuma kuli nemo. ⁸ Mwikapanga mwebene ikimpashanya ikyakubasa nangu ikyakupalanya ikili kyonse ikili mwiulu peulu, nangu ikili mukyalo kya panshi, nangu ikili panshi ya meshi. ⁹ Mwika fifukamina panshi kulifyo nang ukufitombela, pantu nemo, Yawe ba Lesa benu ndi Lesa uwabukwa. Ndamanika ikikota, ababifi mukuleta ukumanikwa pabana, kukikolwe kya nkulo ya butatu neya bune, ¹⁰ neku mwensho ukutekanya kwakutemwa tomakana, kuli babo abatemenye nekusunga imikambisho. ¹¹ Mwikapinta yowo ishina lya ba Yawe ba Lesa mufya lukoso, pakuti ba Yawe taba kekatilile uyo ushishatilwe uyo uwa pinta ishina mufya lukoso. ¹² Sungeni ubushiku bwa sabata mukulisunga ilya mushile, ngefyo ba Yawe ba Lesa wenu bamikambisheni. ¹³ Pashiku shisanu nalumo mukabomba ne kukita imilimo yenu yonse; ¹⁴ Lelo ubushiku bwa busanu na lumo lisabata kuli ba Yawe ba Lesa benu. Pali bubo mwikabomba inkito ili yonse - mwebene na bana benu abalalume, neli abana abanakashi, neli uwakinto wenu, nangu uwakinto wenu umwanakashi, neli ni ñgombe neli ni mbongolo, neli ni nama shobe shonse neli uwa mukyalo kimbi uli mukati kamilyango. Iki kilifyo pakuti umubomfi obe umwanakashi benga tusha nabo nga mwebo. ¹⁵ Ukanuka kuli tompwe obe ati wali umusha mu kyalo kya Ijipiti, kabili ba Yawe ba Lesa wenu kabamifumya mulya pamakosa akuboko kabili ukuboko ukufungulwilwe. Palififyo ba Yawe ba Lesa benu bali mikambisheni mwebo ukusunga ubushiku bwe sabata. ¹⁶ Kindika ba wiso naba nyinobe, ngefyo ba Yawe ba Lesa benu bami kambisheni ukukita, pakuti mwingekala ishiku ishingi mukyalo ikyo ba Yawe ba Lesa benu ba komipeleni, pakuti fingenda bwino na mwebo. ¹⁷ Mwikepaya. ¹⁸ Mukakite ubukende. ¹⁹ Mwikeba. ²⁰ Mwikaba bakambone babufi kumupalamano. ²¹ Mwikakumbwa mukamwine, mwikakumbwa inanda ya mupalamano, ibala lyakwe, nangu uwakito, wakwe umwalalume, nangu uwankito wakwe umwanakashi, ingombe, nangu imbongolo yakwe, nangu nikyonse ikyakwa umupalamano. ²² Aya amashiwi ba Yawe kabalabila ne shiwi ili kulu kumabumba onse palupili pakati kamulilo uwekumbi, nefinshi ikulu; tabikilepo amashiwi yambi. Aliyalembele panshi yamabwe yabili nekuyapela kuli nemo. ²³ Kakita ikya kumoneka, ili mwaumfwile ishiwi ukufuma pakati nkafishi, ilyo ulupili lwalyepya, kamwisa mupepi na nemo - bonse abakulu ne ntungulushi shamitundu. ²⁴ Kamulabila, 'Moneni, ba Yawe ba Lesa wesu batulanga ubuleme bwabo ne bukulu bwabo, kabili ne kumfwa ishiwi ukufuma pakati ka mulilo, uyo twamona lelo ilyo ba Lesa balabila ne bantu, kuti ba ikala. ²⁵ Lomba nikindo twingafwila? Pali uyu umulilo ukulu ukatulya; nga twaumfwa ishiwi lya ba Yawe ba Lesa besu nangu limo, tukafwa. ²⁶ Pakuti uli kulubali lwesu epali pakati ka muntu onse uwa umfwile ishiwi lya ba Lesa aba mweo ukulabila pakati ka mulilo ne kwikala, ngefyo twakitile? ²⁷ Pakuti kuli mwebo, mufwile mwaya ne kumfwa kuli fyonse ifyo ba Yawe ba Lesa besu balabile; bweshenipo kuli fwebo fyonse ifyo ba Yawe ba Lesa besu balabile kuli mwebo; tunkomfwa kuli kikyo ne kunakilila kyo.' ²⁸ Ba Yawe kabomfwa amashiwi yenu ili mwalabile kuli nemo. Kabalabila kuli nemo, 'Naumfwa amashiwi yababa bantu, palififyo balabile kul mwebo. Ifi balabile fyali fiweme. ²⁹ Kine, pakuti bali nemitima muli bene, iya kunkindika nemo nekusunga onse amafunde, pakti fingenda bwino na mwebo ne bana benu ukutwalila! ³⁰ Kabiye ulabile kulibo, ''Bweleni kumantente enu.'' ³¹ Lomba kuli mwebo, imakaneni na nemo pano, kabili nkamyebene imikambisho yonse, imishilo ne filapo ifyo muka bafundisha, pakuti benga isunga mukyalo nkabapela ne kukipoka.' ³² Mukasunge, pakuti, ifyo ba Yawe ba Lesa wenu ba mikambisheni; tamwakalulukile kulubali lwaku kuboko kwa kululyo nangu nika kipiko. ³³ Mukennde mushiku shonse isho ba Yawe ba Lesa benu ba mikambisheni, pakuti mwingekala, kabili pakuti ishiko shenu shingafula mu kyalo mukopoka.