¹ Kani pali ukutosha pakati ka balalume ne kuya kukilye kya milandu, kabili na bapingushi babapingula, penka bakalekelwa ku milandu abololokele nekufwisha imilandu ababi. ² Kani umuntu uwashatwa alilingile ukupumwa, penka umupingushi akamulalika panshi nekupumwa pa menso akwe ukulingana ne mpendwa iya pelwe iyafipumo, kwati efyo wali umulandu wakwe. ³ Umupingushi kuti amupela ifipumo amakumi ane, pano limbi tekuti akile ilya mppendwa; kani akila ilya mpendwa kabili no kumupuma ne fipumo ifingi, penka abalongo bakwe abena Isuleli bakalengeshiwa insoni pa menso obe. ⁴ Taulingile ukukaka iñombe pakanwa ilyo ileshela akalyo kanseke. ⁵ Kani abakwanu abekala pamo kabili umo kafwa, ukwakubulo ukwikalapo ne mwana umwalalume, penka mukamfwilwa ukupwa mukifyashi kimbi yo-o. Pano, umulongo wa mulume wakwe akamupe akabe mukashi wakwe, ne kumukitila ifiweme kwati mukwabo wamulume wakwe. ⁶ Iki kyakitwefi pakwebati umwana wakwe umubeli uyu akafyala akapyane ishina lya ulya umwalalume, uwafwile pakwebati ishia iyakwe likonaika mu Isuleli. ⁷ Pano kani umwalalume talefwaya ukupinta ulya umwanakashi ukuba mukashi wakwe, penka mukamukwabo alingile ukuya kumulyango kubakulu nokulabila ati, 'Umukwabo wamulume wangi akana ukuleta ishina lya mulongo wakwe mu Isuleli; takabombe inkito ya mulume umukwabo kuli nemo.' ⁸ Penka abakulu ba mushi wakwe balilingile ukumwita kabili nokulabila nakwe. Pano kani akaninina nokulabila ati, 'Nshilefwaya ukumupinta yo-o.' ⁹ Penka umukashi wamukwabo alilingile ukwisa kuli ye pa menso abakulu, afula inkwabilo ukufuma kumolu akwe kabili nokumushipila amate pa kilungi kyakwe. Alingile ukumwasuka kabili no kulabila ati, 'Iki efyo kikitikwa ku muntu uyo tasompa inanda ya mukwabo.' ¹⁰ Ishina iyakwe liketwa mu Isuleli ati, 'Inanda yakwa uyo uyo bafulile inkwabilo.' ¹¹ Kani abalalume balwa, kabili no mukashi wa umo aisa mukulamwinako umulume wakwe ukufuma kumaboko akwa uyo uwakimupuma kabili kani afungulula ukuboko kwakwe, nokumwikata kufya nsoni, ¹² penka bakamuputuleko ukuboko kwakwe; amenso obe takabe ne nkumbu. ¹³ Mwikakwata mufyola fyenu ifipimo ifipusene yo-o, ikikulu ne kinini. ¹⁴ Wikaba nefipimo ifipusene pusene munanda yobe, ikikulu ne kinini. ¹⁵ Ulilingile ukukwata ikipimo; ikiweme kabili ikya kishinka ikiweme kabili ikya kishinka ikipimo, ekyo ulingile ukukwata pakwebati inshiku shobe shikafule mu kyalo umo ba Yawe ba Lesa wenu balemipela. ¹⁶ Kuli abo bonse aba kitefyo abo bonse, abo kita ifya kubulo kulungama, babunya kuli ba Yawe ba Lesa bobe. ¹⁷ Languluka ifyakitile Amaleki munshila ilyo mwalefuma mu Ijipiti, ¹⁸ Ifyo amikumenya panshila nokusansa abo abali panuma, balya bonse aba katele panuma ilyo mwapungile kabili nokunaka; tamupele ubuleme ba Lesa. ¹⁹ Feynkefyo kani ba Yawe ba Lesa wenu bamipela ukutusha ukufuma kubalwani benu bonse, mu kyalo ikyo ba Yawe ba Lesa wenu balemipela ukukwata kwati bupyani, tamulingile ukulubako ati mufwile ukushimañanya ukwanuka kwakwa Amaleki ukufuma panshi na peulu.