¹ Kani mwamona iñombe yamu nobe nangu mukoko wakwe aleya mukufwa tamwa kamukefyene mukamubweshe kumunenu. ² Pakuti umfwa umunenu tangekala pabwipi noku muli ne, mukekale nayo kani fye umunenu isa mukuifwaya, elo mukaipane kuli ena. ³ Mukakite fyenkefyo nangu ni mbongolo; wakwe nangu ne kya kufwala kyakwe; efyo mukakite na fyonse akalufya umunenu ifyo mukatole tamungafileka ne. ⁴ Anga mwamona imbongolo iyamunenu nangu niñombe yakwe yaponena munshila tamulingile ukuile kafye ne; mulingile ukumwafwilisha ukumwimika. ⁵ Umwanakashi ekafwala ifya kufwala ifya balalume ne kabili umwalalume naye ekafwala ifya kufwala: ifyo banakashi ne mulandu bonse abakitefyo ebabunya kuli ba Yawe ba Lesa wenu. ⁶ Anga mwasanga ikinsa kya koni nangu ikichi nangu panshi, umuli abana nangu amayekeshi penkapo, kabili niinabo alifukamine pabana nangu pamayekeshi mwikemya nyinabo na bana pamo ne. ⁷ Mukaleke nyinabo akaye, pakuti abana mulilingile ukubapinta, kabili mukalukumona ifiweme penka mukalukaba no mweo inshiku ishingi. ⁸ Ili mukebaka inanda, iya bukumo mukashingulusheko ilinge pamutenge peulu ukutina ati umuntu engapone panshi ne ulukatasho lwa milopa pa nanda yenu. ⁹ Mwika byala imilundu ibili iya mbuto mwibala lyenu ilya ifichi nokutinati ifya kulya fyonse fye ngonaika ne imbuto mwa byalamo ne fisepo fya fichi nafyo pamo. ¹⁰ Mwikalima ne ñombe - ne mbongolo pamo ne. ¹¹ Mwikafwala ikyakufwala iki bapikwile ne masako amukoko nalineni pamo ne. ¹² Mukabikeko iminyumbwe konse kumakonka ane aku kisalu mulifimba. ¹³ Umfwa umuntu aupa umwanakashi no kukumana nakwe penkapo kuntashi amusula: ¹⁴ Nekumutumfya wakita ifintu ifibipile ifyasoni nokubifya ishina lyakwe ati, uno umwanakashi nalimupile pano pakukumana nakwe nshasangile utwishibilo kuli ena ukwebati ali enka ne: ¹⁵ Penka wishi wamwanakashi nainakwe bakalole utwishibilo uta bushiku ubwakwe no kutuleta kubakulu aba mushi kwenka kukibi. ¹⁶ Wishi wamwanakashi akebe abakulu babo ati, 'Nalipene umwana wangi kuli uyu umwalalume uba mukashi wakwe, alimwimishe. ¹⁷ Moneni, aleta ifyakumu kalipila ifyansoni ifingi, ''Nokulabila ati nemo nshsangilemo ifishinka mumwana wenu umwanakashi ukuba ne kisungu ne.'' Pamo ikishinka ikya kumwenako umwana wangi umwanakashi ukuba wakisungu.' Penkapo bakanshike insala yabo ku menso abakulu babo. ¹⁸ Abakulu aba ulyo mushi balilingie ukutwala ulya umwalalume nokuya mukumupuma ena; ¹⁹ bakamulipilishe ikito kimo ikya amaboni amashekeli asiliva, nokupela bawishi aba mwanakashi, mulandu umwalalume alingile apanga ifibi ifya ku bifya ishina lya mwanakashi umo uwa mu Isuleli. Kabili akalukwikala ke mukashi; wakwe kabili ekaba na ena inshiku shonse isha bumi bwakwe ne. ²⁰ Pakuti umfwa kino ikintu efya kishinka, ikyakwebati tabasangile itwishibilo utwa bushike bwakwe ulya umwanakashi ne, ²¹ penka bakamufumya ulya umwanakashi nokumuleta kukibi ikya nanda yaba wishi, kabili abalalume aba muli ulya umushi bakamulase amabwe akafwe ku mabwe, mulandu ifiakita tafiweme mu Isuleli, ifi akita ubukende ili ali munanda yaba wishi; pakuti ili mukafumya ububi mukati kenu. ²² Umfwa bakasange umwalalume alilele namuka munakwe, bonse babili bakafwe, ulyo umwalalume na ulya umwanakashi uyu alalanakwe; pamo pakukite fyo mukafumye ububi mukati kenu. ²³ Anga kyakwebati kukabe umwanakashi ikisungu, uyu baambisha kumwalalume no mwalalume umbi amusanga mumushi nokulala nakwe, ²⁴ bakabatwale bonse babili kukibi kya ulyo umushi, kabili bakatobe amabwe bakafwe. Mulingile ukutoba umwanakashi, mulandu talilile ne, ili amumushi ne. Ena umwalalume, mulandu amulengesha isoni kumukashi wamunakwe; pakuti fi mukafumye ububi mukati kenu. ²⁵ Pakuti anga umuntu bakamusange mupanga, umwanakashi uyu baambisha kabili amukwata nokupanga nakwe imilandu, elyo umwalalume enka uwalala nakwe akafwe. ²⁶ Pano umwanakashi mwikamukitapo ikintu ne; pantu ena umwanakashi takwetepo umulandu uuli imfwa ne ku mwanakashi ne. Pali uyu umulandu uli kwati ulyo umwalalume uwabukila umunakwe nokumwipaya. ²⁷ Mulandu alimusangile mupanga; baambishe nangu alilele umusowa, takwali umuntu uwakumupususha ne. ²⁸ Anga kyakwebati umuntu asanga umwakashi ikisungu uubakwete abalume uutabambishepo kabili amukwa nokumona nakwe umulandu kabili babasanga, ²⁹ kabili ulya umwalalume uwalala nakwe akapana amashikele asiliva amakumi asanu kuli wishi wamwanakashi, na ena akekale ke mukashi wakwe mulandu amulengesha isoni talingile ukumukana ne mushiku shonse isha mweo wakwe ne. ³⁰ Umuntu eupa mukawishi ne nangu ukulala nakwe ne.