¹ Ili mwafuma mukondo yabalwani benu, nokumona mbongolo, nemilongo, yamakeleta nabantu abengi ukukila pali mwebo, mwekabatina; pakuti ba Yawe ba Lesa wenu bali na mwebo, uyo u-wamifumishe ukufuma mu kyalo kya Ijipiti. ² Ili mwapalamina mukwingila mukondo, abapapatilishi balilingile ukupalama nokulabila ku bantu. ³ Alingile ukulabila kulibo, 'Kuchikeni, Isuleli, mulukuya kukondo kubalwani benu. Mweba nomutima wa kutina nokufuma. Umweso. Nokusakamana mwebatina. ⁴ Pano Yawe Lesa wenu eumo ukamilwileni kubalwani benu nokumipulusha mwebo.' ⁵ Abakulu balilingile ukulabila ku bantu nokulabila, 'Mba nisa muntu uli kulya u-wasopa inanda yabukumo kabili nokubulo kuiswesha? Lekeni aye nokubwela kunanda, yakwe pakwebati engabulalo kufwa mukondo nokuleka umuntu umbi akaswesha kyo. ⁶ Kanshi takulipo neli umo u-wabyala ubulimi bwa filimwa kabili nokubula ukulekelamo mufisepo? Lekeni aye ku mushi, pakuchi engabula kufwa mukondo na umbi umuntu akesekele mufisepo. ⁷ Mbanisa mwalalume u-wambisha umwanakashi? Lomba tamulipo Lekeni aye kumushi pakwebati engafwa mukondo naumbi umwalalume engamupa.' ⁸ Abakulu balilingile ukutwalilila ukulabila ku bantu nokulabila, 'Mbanisa muntu u-utinwa nomutima wakulitutumika? Lekeni aye nokubwela kunanda yakwe, pakwebati umutima wamulongo wakwe umutima engasungulika koti mutima wakwe.' ⁹ Ili abakulu bapwishishe ukulabila ku bantu, balilingile ukusota abakulu bafinta palibo ¹⁰ Ili mwaenda umulongo mukonaula umunshi, mukalenge aba bantu ukuba abakulama umutende. ¹¹ Anga basumina abakulu bakondo nokwisula umulyango yafimbi kuli mwebo, abantu bonse abakasangwemo bakakambishiwe ukumibombeleni nokumilama. ¹² Lomba nga takimipele umutende kuli mwebo, lomba kakimiletela ubulwi, penka koti mwakikita, ¹³ naba Yawe Lesa wenu mwakamipela iki kilapo nokubabika mushi yabulamishi bwenu, kabili nokwipaya umwalalume onse mu mushi. ¹⁴ Lomba abanakashi, nabanini, ifilelwa, na fyonse ifili mu mushi, na bonse abakonaula, mulingile ukulifisa mwebene. Mukonaula fyonse ifya kufisamamo ifya balwani benu, abo ba Yawe Lesa wenu bamipeleni mwebo. ¹⁵ Mukakite ifi mu mishi yonse uly kufali na mwebo, imishi iyi tailekoka ifyalo. ¹⁶ Muliyi mishi ya bantu iyo ba Yawe Lesa wenu balukumipela umwakwikala, mwekapulusha kyonse ikipema. ¹⁷ Palififi, mukonaule fyonse: abena Iti, abena Amoli, abanea Kenani, na bena Peliziti, a bena Iviti, na bena Yebusiti, fyenka ba Yawe Lesa wenu bamikambisha. ¹⁸ Kiteniki pakwebati nenga misambisheni ukuba mumashila yabunya, ifyekabakita kuli tu lesa babo. Nga mwakita, mukabifya kuli ba Yawe Lesa wenu. ¹⁹ Penka ali mwasasa umushi papindi iyi tali, ili mukalwa ubulwi nabo no kufwa ukwikata, mwekesha ukonaula ifichi nokutema nakapasa kulibo pakuchi koti mwalyako mwekesa ukufitema panshi. Pakuchi ifichi fya mwibala umuntu kachi afyonaula shani? ²⁰ Pakuchi ifichi ifyo waishiba tali fichi fya fya kulya, koti mwaonaula nokutula panshi; mukebaka imilimo kumiishi ili kukita ubulwi na mwebo, kani kabafilwa.