¹ Tekwesha ukulambula kuli ba Yawe ba Lesa wenu iñgombe nangu imbelele ili nobulema nangu ikili kyonse ikibipile pantu ikyo kikaba kimalwa malwa kuli ba Yawe ba Lesa wenu. ² Kani mwasangwa mukati kenu, mukati ka milyango ya mishi yenu iyo ba Yawe ba Lesa wenu balemipela mwebo, uyo onse umwalalume nangu umwanakashi ilya ukita ifibipile ku menso ya ba Yawe ba Lesa wenu kabili no ku lengulula imilaye, ³ uyo onse uwaya kabili mukukijika ba Lesa bambi kabili nokubafukamina nangu kasuba, umwenshi, nangu ikili kyonse ikikala mwiulu - takuli ikyo nakambisha - ⁴ kabili nangu bakweba paliki, nangu kani waufwa pali kikyo, pano mukafwaishe fwaisha. Pali kyo kintu kani kyakine ati ikyo kimalwa malwa balikikichile mu Isuleli, fino efyo mukakita. ⁵ Mukamulete uyo umwanakashi nangu umwalalume, uwakita ikyo ikibipile, ku milyango ya mishi yenu, uyo umwalalume nangu umwanakashi, kabili mukamulase amabwe ulya muntu akafwa. ⁶ Patunwa twa bantu babili ba mboni, nangu batatu bamboni, lekene ulya alingile ukufwa afwe; pano pakanwa a umo lukoso kamboni tekwesha ukumwipaya. ⁷ Ukuboko kwakwe kamboni ekutashi uku mwipaya, kabili ukufuma ye amaboko abantu: bonse kabili mukafuma ububi mukati kenu. ⁸ Nga kwaisa umulandu ukosele uwakufilwa ukuputula - pambi uwa kwipayangana nangu ulufu, lwamapuso nangu kulikatasha abantu nangu amusango umo uwalono, nangu umusango umo uwa mulandu, umusango wa milandu ileta ulukatasho mukachi ka milyango ya mishi yenu - penka mukeme mukaye kulya kunkende bakasalulula ba Yawe ba Lesa wenu. ⁹ Mukafike naku bapapatilishi, aba mukikota kya bena Levi, kabili naki ulya uputula imilandu ukekalako muli ilya mpindi; mukabepusha umwakuputwila imilandu, kabili nabo bakamibuleni. ¹⁰ Penka mukakite fyenka ifi baka myeba ukukita pali ilya ikende bakamyeba ba Yawe. Mukalukukita fyonse ifyo ba kamifujisha. ¹¹ Kakeleni mishilo iyo bamifunjisha, kabili mukakite mwenka mwilile ukuputula kwa milandu. Mwikalengulula fyonse ifyo, bakamibula kukuboko kwa kulyo nangu kukuboko kwakipiko. ¹² Uyo onse ukakita imisula ya kubula ukumfwa ku mupapatilishi uwimakana kumenso aba Yawe ba Lesa wenu, nangu mukubula ukumufwa ulya uputula imilandu - ulya muntu akafwa; mukafumya ububi mu Isuleli. ¹³ Bonse abantu balilingile ukufwa kabili noku ba no mwenso, kabili nokubula ukita misula libili. ¹⁴ Nga mwaisa mu kyalo ikyo ba Yawe ba Lesa wenu balemipela, kabili elyo mukakipoka kikekale kyenu kabili mukabampe ukwikalamo, kabili mukalabile ati, 'Twikale ne mfumu iya kutulama fyenka ifi, bali nabo bonse aba mumikoka iyi tushokolokele,' ¹⁵ Penka akekale imfumu yenu wenka bakasalulula ba Yawe ba Lesa wenu. Mulilingile ukuswanika pa bu mfumu umulongo wenu. Tekwesha ukuswanikapo umwina fyalo, utali mulongo wenu, yo-oo ¹⁶ Pano ekalifushisha ba kabalwe umwine, nangu kulengela abantu ukubwelela ku Ijipiti pakwebati bakabalwe bafule, fyenka fyalabile ba Yawe, 'Tamwakabweleleko libili kulya.' ¹⁷ Kabili ekalifushisha abanakashi umwine yo-oo, pakwebati umutima wakwe wenga ya mumbi. kabili ekalifushisha umwine ukwikala na ba Siliva na Ngolinde. ¹⁸ Kabili elyo akekala petebe lya bufumu bwakwe, akalilembele umwino ino mishilo mwibuuku ilya mishilo, ukufuma ku mishilo ili naba papatilishi, abena Levi. ¹⁹ Ibuuku akaleikala nalyo, kabili nokutangamo ishiku shonse isha bumi bwakwe, pakwebati afunde uku kinjika ba Yawe ba Lesa wakwe, pakwebati asunge amashiwi onse aya muliii mishilo kabili na mafunde, no kulukita. ²⁰ Akalukukita fi ukuchana umutima wakwe ukilitota ku balongo bakwe, kabili pakwebati enga sendukamo mu mishilo, ku kuboko kwalulyo nangu kukuboko kwa kipiko, pakwebati ekale ishiku ishingi pa bufumu ye, kabili ne kikota kyakwe mukati ka Isuleli.