¹ Kabili kani mwebo mwafuma uwakwaula nangu kalota wafiloto, nangu kani amipela ikishibilo nangu ikyakukankamana, ² nangu kani ikishibilo nangu ikya kukankamana nga kyamoneka, ikyo alabile kuli mwebo nokwebati, 'Twendeni tuye kuli ba Lesa bambi, abo tamwishibile, kabili twendeni tubatotele,' ³ mwi umfwila kwishiwi lya kwa ulya kasesema, nangu kuli ulya kalota wa filoto; pantu ba Yawe ba Lesa balemyesha pakuti beshibe kani muli balemenwe ba Yawe ba Lesa wenu ne mitima yenu yonse kabili ne myeo yenu yonse. ⁴ Mukenda na ba Yawe ba Lesa wenu, mupeleni ubuleme, lameni imikambisho shakwe, kabili nakileni ishiwi lyakwe, kabili mupepa nokumatila kuli ye. ⁵ Kabili uwakwaula nangu kalota wafiloto baka mwipaya, pantu alilabile amashiwi aakusatuka ba Yawe ba Lesa wakwe, nani uwakufumishenimo mu kyalo kya Ijipita, uyo uwamipokolwele mu nanda yabusha, uyo uwaula alefwaya ukumifumyamo munshila emo ba Yawe ba Lesa bamikambisheni mwebo. Kanshi fumyenimo ububi ukufuma muli mwebo. ⁶ Nga kyakwebati umukwanu, umwana umwalalume wa banyinobe, nangu umwana obe umwalalume, nangu mwana obe umwanakashi, nangu umukashi obe, nangu umunobe uuli kuli webo kwati mweo obe wemwine, munfisolo akulimbaika webo nokulabila ati, 'Twendeni tukatotele ba Lesa bambi ebo tamwishibile, mwebo nangu fikolwe fyenu - ⁷ abali bonse ba Lesa ba bantu abamishingulukile mwebo, pabwipi ukufuma kumpelo imo iya kyalo ukufika kumpelo imbi iya kyalo.' ⁸ Mwikamukonkelesha nangu mumfwila ena, mwikasuminisha ilinso yenu ukumubela inkumbu, mwika muleko nangu ukumufisa ena. ⁹ Pano, mwebo mukamwipaye ikine; ukuboko kobe ekukaba ukutanshi ukukwatapo ukumwipaya, kabili panuma yafifyo ukuboko kwa bantu bonse. ¹⁰ Mukamutoba amabwe nokumwipaya, pantu aesha ukumifunya kuli ba Yawe ba Lesa wenu, aba mifumishemo mu kyalo kya Ijipita, kufuma munanda ya busha. ¹¹ Isuleli onse akonfwa nokutina, kabili bakatwalilile ukukukita uyu umusango uwabumbifi mukati kenu. ¹² Kani mwaunfwa uli onse alabila pamishi shenu, isho ba Yawe ba Lesa wenu bamipela ukwikalamo: ¹³ Aba kwanu bamo ababifi bafumamo muli mwebo kabili babafumyamo abekashi aba mishi shabo nokulabila ati, 'Twendeni tuleya mukutotela ba Lesa bambi abo tamwishibile.' ¹⁴ Penka mukapitulukamo mufishinka, mukafwaye, kabili mukafwailishe bwino. Kani mwasanga ukwebati kyakine kabili kishinka ati ikintu ikya bunya kwati nififyo kyakitika mukati kenu, penka mukakitepo fimo. ¹⁵ Ikyakine mukaba sansa abekashi aba uya umushi nekipanga ikitwile, ukukyonaula kyonse kabili na bantu bonse abekalamo, pamo nefitekwa fyabo, nekipango ikitwile. ¹⁶ Mukabunganye fyonse ifyo naikile ukufuma muli kyo no kufitwala mukati kamusebo kabili nokokya umushi, pamo nafyonse ifyonaikile - kuli ba Yawe ba Lesa wenu. Umushi ukaba mulumba wafyonaikile inshiku shonse; takyakakulwe libili. ¹⁷ Takulipo nangu fimo palifyo ifya bukilwe pambali kukonaika tafyakakatile mukuba kobe. Uyu afwile ukuba mulandu, pakwebati ati ba Yawe bakafuma kubukali bwa bukali bwabo, bakamilange inkumbi, akabe ne nkumbu ishikulu pali mwebo no kumilenga mwebo ukufuma mumpendwa, kwati fyenke fyo alaya kuli ba wishinwe. ¹⁸ Akakitefi pantu muleumfwa kwishiwi iya ba Yawe ba Lesa wenu, ukulama imikambisho yakwe yonse iyo ndemikambisheni lelo, ukukita ikyo ikyololokele kumenso aba Yawe ba Lesa wenu.