¹ Mwe batemwe, iyi yabo ninkolata iyabubuli iyo namilembela, Namuli onse yali aya kumyanusha ukubusha amano yenu. ² Ukwebati mukanuke amashiwi ayalabilwe mumpindi yakale kubakutulisha abaswetele na funde lya baShikulu wesu ne bakupulusha ilyapelwe ukupichila mubakushimika. ³ Mukutachika mwishiba kino ati munshiku shakupelako abakutumpaika bakesa. Bakamitumpaika ne kutwalilika ukulingana ne kufwaya kwabo. ⁴ Bakalabila ati,'' ukulayakwa kwisa kwakwe kulipi? kufuma apo ifikolwe fyesu fyafwilile, ifintu fyonse filifye filibele lukoso kimo, ukufuma kukutachika kwa kyalo.'' ⁵ Kumufulo bali labileko ukwebati akale kupitila mwishiwi lya ba Lesa ifya mwiulu ne kyalo kafibako ukufuma mwenda ukupitila mumenda. ⁶ Umo ikyalo pali ilya mpindi kyaonawilwe, ili kyabunjilwe na menda. ⁷ Kwenka kwishiwi eko ifya mwiulu ne kyalo fisungilwe umulilo. Filitulilwe akasuba kakupingula ne konaulwa kwa bantu ababipile. ⁸ Mwiba abakulubamo ifyo mwishibile, mwebatemwe ukwebati akasuba kamo kuli baShikulu kuli kwati imyaka amasausande ne myaka amasausande ili kwati kasuba kamo. ⁹ Pakuti baShikulu tabakokwelepo kumilaye yabo, efyo bambi bakalanguluka pakukokola. Lomba, Amutekanishishisha. Talefwayapo neli umo ukonaika, pakuti ati bonse balapile. ¹⁰ Lomba, ubushiku bwa baShikulu bukesa kwati muuño: emo ifya mwiulu fikapita ne kilulumo ikikulu. Fyonse ifilimo fikasunguluka ne mulilo ne kyalo ne fyonse ifilimo fili ne konaika. ¹¹ Ili ifi fintu fyonse fikonaika muli iyi nshila, mukoba abantu abakuba shani? Mufwile ukwikala abaashilile ne bwikashi ubulimo ba Lesa. ¹² Mube abakupembela ne kufwaisho ubushiku ubwa kwisa ba Lesa pali bulya ubushiku, ifya mwiulu fikonaika kumulilo, ne fintu ifi limo fikasunguluka ne kukibe ikya malwa. ¹³ Lomba ukuliña ne mulaye wakwe tulepembela imyulu iya bukumo ne kyalo ikyabukumo uko abaluñqmi bakekala. ¹⁴ Pamulandu wafifyo, mwebatemwikwa, ili mulepekanya fi fintu, muposeshe imitima yenu, ukwebati mukasangwe mumutende, kamuli abakubula ifiko ne buleme kumenso akwe. ¹⁵ Ne kulanguluka ubutekanye bwa baShikulu nga kapususha, kwati ifyo umutemwikwa wesu Paulo amilembele ukulingana mano ayo apelwe kuli ena. ¹⁶ Paulo kalabila pali fifi mukalata yakwe umo umwali ifintu ifikosele uufyumfwa abamisula ne kufulunganya abakwabo ne konaula fi fintu ili balekita amalembo ambi, kubonaushi bwabo. ¹⁷ Eikyo mubotemwikwa, ili mwashiba limo ifi fintu mukengele bekamitwa mu masambilisho aya kumilufyo yakamilegesha ukulufya bukishinka. ¹⁸ Lomba mube abakukula mukumbu ne mano aya ba Shikulu ne mupusushi wesu Yesu Kilishitu ululumbi lube kuli ena ukutendeka lelo ukutika na pabushiku bwakupelako Ameni!