¹ Kwalishile abakwaula ababufi kubantu, kabili abasambishi babufi bali nekwisa kuli mwebo. Bakesa mubufyafya nekuleta ifya konaula, nakukana uyo uwabashitile. Bakoliletala bonaishe abene. ² Abengi bankankoka ubukenge, kabili mulibo ishila ya bukine ikaba iya konaulwa. ³ Mukutuma kwabo ba konaulwa nekutupaikwa kufyebo fyabo. Nkushatisha kwabo kilifumine ukutali, kabili nekonaula kwabo takulalapo. ⁴ Pakuti ba Lesa tababalekele ba malaika ababifishe. Palififfyo ba lipelwe kuli Tatarusa pakuti benga sugwa mu minyololo munshi yamfishi ukufika naku bupingushi. ⁵ Kabili, tabakekele abakale aba mu kyalo. Lomba ali puswishe Nowa awaololokele, pamo nababo ba sanu na babili ilya ukwisula kwa kyalo ukeshi kwafikile mukonaula abataba mwishibile Lesa. ⁶ kabili ba Lesa ba lyokyele imishi Sodoma na Gomora ukwaluka amatoi nokushinina kukonaika ikya kumwenako kulibabo aba mukene Lesa. ⁷ Kabapususha Lota uwalungeme, uyo ba chichikishe kumisango ya bukende - ⁸ Pakuti umuntu uwalungeme alikwikala nabo pabushiku pabushiku, ali kyulile pa kulungama kwabumi bwakwe pamikitile yabo ababipile. ⁹ Ba Lesa balishipo ifya kupususha abantu babo ukubafumya mukwesekwa kabili nfya kubakwachilila ababifi mukubamanika pabushiku bwa kupingulwa. ¹⁰ Lomba ikine kuli babo abili kweda kumubili mukukumbwa kwafibipile ne kulengulula kwasambu. Abachichikile ne kulyufwa, tabatutuma pakulabila uwakubula menso nakulipela abene, tabatutuma ilyo balikulabila umwenga. ¹¹ Ba malaika balikwete amaka nemo kosa, lomba tabaletapo umwenga ne kupingula abo kuli ba kapa. ¹² Lomba aba bantu, bali kwati ninama tashilangulika, ishafyalikilwa mukupangwa nokukwatwa mukonaula. Tabeshibile ifyo batukana mubonaushi nabo bakonaulwa, ¹³ Ukuchuchuka kwakusomenwa ekilambu kyakusomenwa. Balalanguluka ati ukwangala akasuba kusangalala. Balikakachile kubonaushi, Balamfwa bwino kumisango yabo iya kongolwa, ili balikulya nenu, Apakwebati ba sangalalile mumisango yafyabufi fyabo ili balimukulila pamo ne kusangalala pamo na mwebo. ¹⁴ Bali na menso nekwisulamo ubukende; kabili tabekuta ku kubifya. Ukufwaya kwabo kwa mitima balatwalilila ukufitwa ne mitima yabo mukukita ifibipile, kabili ne myeo shalifundile kupinama, Bana abafingilwe! ¹⁵ Bakana ishila iyololokele nekuyo mumbi, ukulondele ishila ya kwa Balamu umwana wakwa Beora, pakuti uwatemenwe ukupoka amalipilo mububi. ¹⁶ Lomba ali pokelele ukukalipilwa pamisango shakwe ishibi ne kukanya ukwaula. ¹⁷ Aba bantu tuntupuntupu utwakubula amenshi nibakamfwa abali kutwalwa kuli kabesha umukula. Abo ukufita kwemfinshi iyamuyayaya ebo babikile. ¹⁸ Balalabila ifintu ifyakutupa mukulitota. Ba ongola nwbantu ukupitila mukukumbwa kwa mubili. Ba ongola abantu abo bali kufwaya ukufyuka mubwikalo bwafilubo. ¹⁹ Nekubalaya ukubabepa ubwana - bwabene, ili bo abebe bali mubusha bwamafisa kanwa. Pantu umuntu musha kuli ikyo ikimukifishe. ²⁰ Ngabaafumako kumo fisakanwa aya mu kyalo ukupichila mumano aya kapa naba Yesu Kilishitu abakapususha benu kabili kabekatwa mulibo nekukifya, nepelo yabo ilaba ibipile kulibo iya pakutatika. ²¹ Pakuti kyalibamwamine mukubula ukwishiba ishila iswetelele ukukila ukwishiba nekufumako kwifunde ilishilile ilyapelwe kulibo. ²² Iki ikishimpi kyakine kulibo: pantu imbwa ilibwelela kumuluko waiko, kabili nengulube iyasamfishiwa ilabwelela mukwalngana mumachipa.''