¹ Tafaranigny nahafatesan'i Ahaba dra nikomy hanohisy an'Israely i Moaba. ² Dra nikarapoky teo amigny makarakara tao amigny efitragnony ambony tao Samaria i Ahazia, dra narasy. Dra nalefany reo pitondra gny hafany dra hoy izy tamin'ereo ho: "Mandehana, magnotania an'i Bala-zeboba, Zagnaharin'i Ekrona, raha ho sitrany amity atrako tihoky zaho." ³ Fa gny ajelin'i Yaveh nizaka tamin'i Elia Tisbita ho: "Mandeha, mekara hihaona amireo pinday gny hafany gny pazakan'i Samaria, dra agnotanio amin'ereo ho: 'Satria ra sy misy Zagnahary ao Israely gny handeha hangalaky hevisy agny amin'i Bala-zeboba, zagnaharin'i Ekrona hanao? ⁴ Noho zay dra hoy i Yaveh ho: "Sy hizisoboak'eo amigny fandrianao ze fa nekaranao hanao; fa koa, ho maty vatany hanao."" Boak'eo dra lasa i Elia. ⁵ Gny fa nihery tagny amin'i Ahazia reo pinday hafasy, dra hoy izy tamin'ereo ho: "Fa nagnino handrareo gny nihery?" ⁶ Hoy ereo taminazy: "Nisy lelahy raiky nihaona taminay nizaka ho: 'Miheregna agny aminigny pazaka ze nandefa andrareo, dra zakao anazy ho: "Zao gny zakan'i Yaveh: 'Akory ra sy misy Zagnahary gnam'i Israely ao gny nadefa gny olo hangalaky hevisy agny amin'i Bala-zeboba, zagnaharin'i Ekrona hanao? Dra noho zay dra fa hizoso boak'eo amigny fandrinao ze fa niakaranao hanao; fa koa, ho maty vatany hanao.""' ⁷ Ahazia nizaka tamireo pandefa gny hafany ho: "Lelahy manahaky gny aniza, ze olo nihaona tamindrareo dra nizaka reo zaka reo zay?" ⁸ Izy reo namaly anazy ho: "Nekazo vita amigny volo izy dra fehi-troky hodisy teo amigny andilany." Dra gny pazaka namaly ho: "Elia Tisbita zay." ⁹ Dra nandefa kapiteny miarak'amigny maramila dimapolo ho agny amin'i Elia gny pazaka. Niakasy tagny amin'i Elia ze nitoby tagny atapo-kavoa gny kapiteny. Hoy gny kapiteny taminazy ho: "Ino, ry lelahin'Agnahary , nizaka gny pazaka ho: 'Mizosoa."' ¹⁰ Elia namaly dra nizaka taminigny kapiteny ho: "Raha lelahin'Agnahary zaho, aoky hilasaky boak'egny amigny lagnisy gny afo dra handevon'anao vo reo dimapolo lahinao." Dra nilasaky boak'egny amigny lagnisy gny afo dra nandevon'anazy vo reo dimapolo lahiny. ¹¹ Nandefa kapiteny hafa ndraiky nindray tamireo maramila dimapolo ho agny amin'i Elia i Ahazia pazaka. Hoy koa ze kapiteny zay tamin'i Elia ho: "Hanao, ry lelahin'Agnahary, nizaka gny pazaka ho: 'Mizosoa malaky."' ¹² Elia namaly dra nizaka tamin'ereo ho: "Raha lelahin'Agnahary zaho, aoky hilasaky boak'egny amigny lagnisy gny afo dra handevon'anao vo reo dimapolo lahinao." Dra nilasaky boak'egny amigny lagnisy ndraiky gny afon'Agnahary dra nandevon'anazy vo reo dimapolo lahiny. ¹³ Bo nandefa vondro pialy dimapolo fagnitelony ndraiky gny pazaka. Niakas'io kapiteny io, nandohaliky teo anoloan'i Elia izy, dra nengavy anazy vo nizaka taminazy ho: "Hanao, ry lelahin'Agnahary, mangataky aminao zaho, aoky ho sarobily eo amasonao gny aiko vo gny ainigny panoponao dimapolo tahoky. ¹⁴ Eh vatany, nilasaky boak'egny amigny lagnisy gny afo dra nandevy reo kapiteny rolahy volohany mbamin'ireo lelahiny, fa amizao aoky ho sarobily eo amasonao gny aiko." ¹⁵ Dra gny azelin'i Yaveh nizaka tamin'i Elia ho: "Mizosoa mindray aminazy. Ka matahosy anazy." Dra nisanga Elia dra nizoso nindray taminazy ho agny amigny pazaka. ¹⁶ tafara kelin'izay dra hoy Elia tamin'i Ahazia ho: "Zao gny nizakan'i Yaveh: 'fa nandefa pinday hafasy hangalaky hevisy tagny amin'i Bala-zeboba, zagnaharin'i Ekrona hanao. Akory ra sy misy Zagnahary ao am'Israely ze afaky angatahinao fapahafatara? Ko amizao, sy hizoso boak'eo amigny fandria ze nekaranao hanao; fa ho maty vatany hanao."' ¹⁷ Dra maty araky gny zakan'i Yaveh ze nizakan'i Elia i Ahazia pazaka. Jorama gny nanomboky nazaka teo amigny toerany, tamigny taona faharo nazakan'i Jehorama zanak'i Josafata pazakan'i Joda, akory sy nanagnanaky i Ahazia. ¹⁸ Dra gny amireo raharaha hafa mahakasiky an'i Ahazia, moa sy fa voasorasy ao amigny bokinigny tatanany pazakan'Israely ra zay?