¹ Intoa reo zaka mikasike ani Israely toa ro rinambe dr'Amosa, raike tamy reo mpiambe agnondry ta Tekoa ao, tamity fitalilia. Nandrambe reo zaka reo re tamity andro ndre Ozia mpanjaka ty Joda, vaho kea tamity andro ndre Jeroboama anake lahy Joasy mpanjaka Israely, roe tao mialoha i horohorontaney. ² Hoe re tihoe: "Hitrero bakagne Ziona ty Yaveh; hagnakatse ty feone bakagne Jerosalema re. Ho maike ty akata gniereo mpiambe agnondry; haleme ty tampo i karmela." ³ Ezao ro tsarae Yaveh tihoe: "Naho reo hadisoa telo nanoe Damaskosy, eka, na efatse aza, le tsy hagnafake ty sazy raho, satria fiasa vy ro namangoa gniereo ani Gileada. ⁴ Handefasako afo ty foko Hazaela, vaho handevo reo fiarova mafe Beni-Hadada raho. ⁵ Ho tampaheko ty vy amity vavahady Damaskosy eo vaho handany iaze lahilahy ze mitoboke a Bikata Avena ao raho, vaho kea iaze lahilahy ze mintanjake ty fitognom-mpajaka a Bet-Edenao. Ty vahoa Syria le handefa ho amity fagnandevoa a Kira agne,"hoasa Yaveh. ⁶ Ezao ro tsarae 'Yaveh tihoeke: "Naho reo hadisoa telo nanoe Gaza, eka, na efatse aza, le tsy hagnafake ty fagnafaiza raho, satria nanoe gniero ho ndevo ty vahoake iaby, mba hagnomeza iereo ani Edoma. ⁷ Handefa afo amy reo lala i Gaza raho, vaho handrava fiaro mafene reo. ⁸ Holanieko iaze lahilahy ze mitoboke a Asdoda aoy naho iaze lahilahy ze mintanjake ty fotogno-panjaka bakagne Askelona. Handietse ani Ekrona ty tagnako, vaho ho mate Filistina tavela reo, "hotiasa i Tompo Yaveh. ⁹ Ezao ro tsarae Yaveh tihoeke: ''Naho reo hadisoa telo nanoe Tyro, eka, na efatse aza, le tsy hagnafake ty fagnafaiza raho, satria nagnomey ty vahoake iaby aani Edoma iereo, vaho nagnega ty fate-dra iereo. ¹⁰ Handefa afo amy reo lala Tyro raho, vaho handrava fiaro mafe reo zay." ¹¹ Ezao ro tsarae Yaveh tohoeke: "Naho reo hadisoa telo nanoe Edoma,mare, na efatse aza, le tsy hagnafake ty fagnalilova raho, satria nagnidy ty rahalahine tamity meso re naho nagnary ty fitsetseva iaby. Ty siane le nitohy zisikagne, vaho naharetse zisikagne. ¹² Handefa afo a Temana eo raho, vaho handrava ty lapa i Bozra zay." ¹³ Ezao ro tsarae Yaveh tihoeke: "Naho reo hadisoa telo nanoe ty vahoake Amona, mare, na efatse aza, le tsy hagnafake ty fagnalilova raho, satria nandriatse ampela mivesatse reo ta Gileadao iereo, mba hagnitara gniereo ty faretanene. ¹⁴ Handrehetse afo amy reo lala Raba eo raho, vaho handrava lapa reo zay, miarake amity koriake amity andro ty aly, miarake amity tafion-tionke amity andro ty talio. ¹⁵ Handeha ho amity fagnadevoa ty mpanjaka gniereo, re zisikamy reo manan-kasy, "hoasa Yaveh.