¹ Mivola gny marigna amin'i Kristy zaho. Tsy mavandy aho, gny eritreritriko ro vavolombelo miaraky amiko amy gny fanahy Masina, ² amiko misy alahelo bevata sy fahoria tsy mitsahatsy am-poko ato. ³ Niafaky nagniry aho fe zaho naiko ro voahozo ka hiataky amign'i Kristy noho gny aminireo rahalahiko, reo gnazy firazagna raiky amiko, araky gny nofo. ⁴ Isiraelita reo. Magna gny fanangana, gny voninahitsy, fankatoava, gny fanomeza lily, gny fidera an-Ndragnahary sy fampanantena. ⁵ Gnazy reo ro gnazy raza nahavy an'i Kristy ho avy nofo, i ro Zagnahary agnambon'iaby. Amena. ⁶ Tsy foa gnazy nampanantenan-Ndragnahary. Tsy ze baka Isiraely ro tena i. ⁷ Na hoe taranakin'i Abrahama iaby reo, ro tena anakiny. Fa "Amignalalan'i Isaka ro hikeo gny taranakinao" ⁸ Zany hoe, gny gnanakin'ny nofo, tsy gnanakin-Ndragnahary. Fa gnazy gnanakin'ny fampanantena ro rambesy ho taranaky. ⁹ Manahaky an'izao gny tegnin'ny fampanantena : "Ho avy aho amign'izay fotoa zay ka homea anaky lahy kahia hoe Saraha. ¹⁰ Tsy zay avao, fa eo koa Rebeka hana gnanaky amign'ny lelahy raiky kahia, Isaka Babantsika. ¹¹ Mbo tsy teraky aby zaza reo sady mbo tsy nanao raha soa na raty, mba ho tanteraky gny tanjon-Ndjagnahary araky gny fisafidiagna, tsy noho asa reo, fa noho i mikaiky. ¹² Nivolagniny tamin-drampela hoe: "Gny zokiny de hanompo gny zandriny". ¹³ Tahaky gny voasoratry hoe: "Jakoba tiako, fa Esaka halako". ¹⁴ Ino zany gny raha ho volagnintsika? Misy tsy fahamarigna va miaraky amin-Ndragnahary? ¹⁵ Tsy hisy mihintsy zay. Ka hoy I tamign'i Mosesy hoe: "Hamindra fo amign'izay tiako hamindrako fo aho, hangoraky gnazy tiako hangorahy". ¹⁶ Noho zay, tsy noho zay mikasa anizao, noho i mihazakazaky, fa noho Zagnahary, mampiseho gny famindram-po. ¹⁷ Fa gny soratry Masina nagnambara tamign'ny Faraho hoe: "Nohogn'antony zay ro nagnandratako anao, mba hagnatoroako aminao gny heriko, sady mba haganambara gny agnarako eran-tany". ¹⁸ Noho zay, Zagnahary namindra fo amign'izay tiany, ze tiany ro hamafisigny fo. ¹⁹ Bakeo hivola amiko nareo hoe: "Nagnino ro mbo mahita tsigny avao I?" Fa ia ro mahatohitry gny sitrapony? ²⁰ Mifagnohitry amign'izay, ralehilahy, fa ia moa anao ro mamaly magnohitsy an'i Zagnahary? Sa gnazy fa novolavolay hagnambara anign'ny mpamolavola, zany hoe: "Nagnino ro nataonao manahaky anizao aho?" ²¹ Moa gny mpagnefy valagny tsy mana zo amign'ny tanim-potaky ka gny vonga raiky avao ro hamboara fitoera amign'andro voatoka, sy fitoera raiky hafa amign'andavanandro? ²² Manao akory laha Zagnahary, te hampiseho gny siakiny sy hampahafantatry gny fahefany, niaritry tamin-pahareta gny fitoeragn'ny fahatezera nomagny ho amign'izay fahasimba? ²³ Nanao akory laha nataony ze mba hampahafantarany gny haregn'ny voninahiny eo amign'ireo fitoeragn'ny famindram-po, ze fa nomagny mialoha ho amy voninahitry? ²⁴ Manao akory laha nataony ho antsika koa zay, gnazy kehiny avao koa, tsy amign'ny samby Jiosy reo avao, fa amign'ny Jentilisa reo koa? ²⁵ Araky gny nivolagniny tamign'i Hosea hoe: "Hokahiako hoe oloko ze tsy oloko ary ho malalany le tsy malala. ²⁶ Bakeo amin-dreo ze nagnambara hoe: tsy oloko nareo, agny ro hikahia an dreo hoe: "Gnanakin-Ndzagnahary velo" ²⁷ Isaia nikaiky mafy gny Israely hoe: "laha manahaky gny fasiky an-driaky eny gny isaky gnanak'Israely, laha ho voavonjy iaby ze sisa tavela, ²⁸ fa gny Tompo hinday gny teniny an-tany eto, maro sady tsy ho ela". ²⁹ Araky gny nivolagn'Isaia mialoha hoe: "laha gny Tompo tompon'ny maro ro tsy mamela taranaky ho antsika, hanahaky an'i Sodoma tsika, sady hitovy amign'i Gomora". ³⁰ Ka ino gny raha hovolagnintsika? Reo jentilisa, tsy nila gny fahamarigna, ro nahazo gny fahamarigna, fahamarigna baka amign'ny finoa. ³¹ Fa Israely, nila gny lalagny'ny fahamarigna, tsy niavy tamign'izay. ³² Nagnino moa? Satria reo tsy nila an'izay tamign'ny finoa, fa tamign'asa. Tafintoha tamign'ny vatogn'ny fanafintohina reo, ³³ araky gny fa voasoratry hoe: "Henteo, ao Ziona ro ametrahako gny vaton'ny fanafintohina sy vatolampign'ny fandikan-dalana. Ze mino anizay ro tsy ho menatry".