¹ Paoly,mpanompon'i Jesosy Kristy ro nikehy ho apostoly,sady voakaiky ho agnaty gny hitory gny filazantsaran-Dragnahary. ² Io lehy filazantsara zay fa nivolagny taminareo nifampagnatenay mialoha taminy fagnomezan-dalan-dreo mpaminany tao amy Soratry Masina. ³ Ze mikasiky gny gnanaky lahy, teraky baka amy taranak'i Davida araky gny nofo. ⁴ Tamy fitsanga tamy fahafatesa,de vombara ho gnanaky maherin-Dragnahary tamy herigny fagnahiny fahamasina I_ sady Jesosy Kristy Tompontsika. ⁵ Tamy alala gny nazahoantsika fahasoava sy gny maha apostoly,amy fankasitraha gny finoany amigny firenena iaby,voho gny Agnarany. ⁶ Aminy firenena reo,nareo avao ro voakaiky ho gnan'i Jesosy Kristy. ⁷ Toy taratasy toy ho gnanareo iaby a Roma ao,ze malalan-Dragnahary,ze voakaiky ho olo-masy. Ho aminareo gny fahasoava sy fiadana baka amy Dragnahary babantsika sy Jesosy Kristy Tompo. ⁸ Voalohany,isaorako Dragnahariko amy gn'alalan'i Jesosy Kristy voho gny aminareo iaby,fotony gny finoanareo de fa nivolagny manerany zao tontolo zao. ⁹ Fa Dragnahary ro vavolombeloko, zay tompoiko amy fagnahy amy filazantsara gny gnanakiny,fa tsy mijano misafa aminareo Aminy Aho. ¹⁰ Mangataky isanandro aho amigny vavaky ataoko gny mba hahatafita anareo amy fomba iaby zao laha gny sitrapon-Dragnahary mba ho avy aminareo. ¹¹ Fe Aho magniry gny ahita anareo,mba ahafahako magnome fagnomezam-pagnahy sasan-tsasany ho anareo,mba hampahery anareo. ¹² Zay,magniry gny mba hifankaherezantsika ampivoantsika,amy alalagny finoa gny tsiraikiraiky iaby,gn'anareo sy gn'Ahy. ¹³ Henaniky zao tsy teako nareo tsy hahay, ry rahalahy,hoe matetiky Aho ro mana fikasa hamonjy anareo, ( nefa Aho voasaka henaniky zao), mba hahazoa vokatry soa aminareo eo,manahaky gny fa nazahoako gny ambiny jentilisa reo. ¹⁴ Zaho de mampitrosa any Grika sy vahiny reo,amy hendry sy adala. ¹⁵ Noho zay,Gnamiko,de mazoto avao Aho hitory gny filazantsara ho anareo a Roma agny. ¹⁶ Fa Zaho tsy megnatsy gny amy filazantsara,fa zay ro herin-Dragnahary ho famonjea rozy aby ze mino, ho gn'any Jiosy aloha bakeo ho gn'any Grika. ¹⁷ Fa amizay ro agnehoa gny fahamarigna Dragnahary baka amy finoa ho amy finoa,fotony voasoratry hoe: "Gny marigna amigny finoa de ho velo". ¹⁸ Fa gny fahasiahan-Dragnahary de nampijerea baka andagnitry manohitry gny haratiam-pagnahy sy gny tsy fahamarigna amign'alala gny tsy fahamarigna. ¹⁹ Zay tokoa hahaiza gny momban-Dragnahary ho jerigny maso nareo. Fa nohazavain-Dragnahary nareo. ²⁰ Fa ze soraky tsy jerigny maso,ze hery tsy ahita fahataperany amy maha Zagnahary Azy, de Jery nazava soa,nanomboky tamy fagnamboara an'zao tontolo zao de tamindreo gny raha noforogniny. Noho zay de tsy mana fialan-tsiny reo. ²¹ Zao fotony , na de fa nahay gny momban-Dragnahary aza nareo,de tsy magnome vogninahitry amy maha Zagnahary Azy, na de nisaotry Azy. Fe,lasa adala tantsainy tao reo,sy nihamaiziky gny fo tsy mahay raha ndreo. ²² Nareo fa nivola anadreo ho hendry,nefa lasa niadala. ²³ Gny voninahin-Dragnahary tsy mora lona de natakalonareo sarin,olombelo mora lo. Voro,biby mana-tomboky efatry,sy reo iaby mikisaky. ²⁴ Laha izay de natolotri-NDragnahary ho amy filany gny fondreo ho amy fahalotoa reo,mba afa-boninahitry amindreo avao gny vatandreo. ²⁵ Reo ro nagnakalo gny fahamarignan-Dragnahary tamy vandy, ka ze midera sy magnompo gny raha voahary fa tsy gnazy nahary, zay deray mandrakizay. Amena. ²⁶ Laha izay,natolotrin-Dragnahary ho amy filan-dratsy mamoa faly reo, fa ampela reo nanakalo fifandraisa voajanahary tamindreo tsy voajanahary. ²⁷ Manahaky anizao,johary reo nagnrnga gny fifandraisandreo voajangnahary miaraky amign'ampela ka mampirehitry gny fila ara-bata hoany i samy i. Reo johary nanao fihetsiky mahamegnatsy miaraky amy johary sy nandramby tamindreo sazy ze mendriky andreo voho gny fahavetavetan-dreo. ²⁸ Fotony tsy nagneky gny hanagna an-Dragnahary ao amign'ny fieritreretan-dreo,de nomeny say tsy mendriky andreo,mba hanaovan-dreo raha tsy mora. ²⁹ Reo la nifeno gny tsy fahamarigna,faharatia,fagniria olo ,sy lolom-po iaby io. Reo nifeno fialogna,famonoa,fifandisa, vandysy fikasa raty. ³⁰ Reo mpifosa, mpagnendrikendriky, sy mpalay an-Dragnahary. Reo mahery loha,miavoavognavo sy mirehareha.Reo mpamory raha raty avao, reo tsy magnaraky safan-dRay aman-dReny. ³¹ Reo tsy mana fahalala; Reo tsy azo itokia, tsy misy fitiava voajagnahary sady tsy mandefitry. ³² Hainareo gny lalan-Dragnahary, fa reo ze manao raha manahaky anizay de mendriky gny fahafatesa. Fa tsy raha reo avao ro ataony, fa nagneky reo hafa manao aniregny avao.